Leemiso Maxaafaa 13:4 - Wolaytta Bible

⁴ Azallai amottees; amottikkonne aibanne demmenna; shin minnidi oottiyaageeti kallana.

Leemiso Maxaafaa 13:4 Iomraidhean Croise

Doomettaabaa 26:32

He gallassi Yisaaqa ashkkarati yiidi, bantta bookkido haatta ollaabaa ayyo odidosona; “Nuuni haattaa demmida” yaagidosona.

Mazamure Maxaafaa 92:14

Eti ceeggidikka aifana; eti merinau irxxanne payya.

Leemiso Maxaafaa 10:4

Azallatettai hiyyeesissees; shin minnidi oottiyoogee dureyees.

Leemiso Maxaafaa 11:25

Keha asi duretana; harata maaddiya asi maadettana.

Leemiso Maxaafaa 12:11

Ba biittaa mintti oottiya urai kattaa kallees; shin pattennabaa yedettiya uri akeekai paccidoogaa.

Leemiso Maxaafaa 12:24

Minnidi oottiya uri deriyaa haarees; shin azallai haarettees.

Leemiso Maxaafaa 12:27

Azalla asi shankkatidi ehiido ashuwaa kattenna; shin asau aqoi minnidi oottiyoogaa.

Leemiso Maxaafaa 13:3

Ba doonaa naagiya urai ba shemppuwaa naagees; shin eesuwan haasayiya urai bana xaissees.

Leemiso Maxaafaa 13:5

Xillo asati worddo haasayaa ixxoosona. SHin iita asatu haasayai yeellayeesinne kaushshees.

Leemiso Maxaafaa 20:4

Azalla goshshanchchai wodiyaa naagidi goyenna; hegaa gishshau, kattaa cakkiyo wode i woossees; shin aibakka demmenna.

Leemiso Maxaafaa 21:25

Azallaa amoi worees; aissi giikko, i oottanau koyenna.

Leemiso Maxaafaa 21:5

Mino oosanchchaa halchchoi dureyees; shin eesotiya ubbai hiyyeesana.

Leemiso Maxaafaa 24:30

Taani issi gallassi, issi azallanne akeekai paccido bitaniyaa gaden de7iya woiniyaa turaa giddoora kanttaas.

Leemiso Maxaafaa 24:31

Kanttiyo wode, agunttainne sharafai goozi wottiis; yuushuwan de7iya shuchchaa gimbbeekka qolettiichchiis.

Leemiso Maxaafaa 26:13

Azallai, “Ogiyan gaammoi de7ees; yashshiya gaammoi aaho ogiyan yuuyees” yaagees.

Leemiso Maxaafaa 28:25

Yaaretiya urai ooshshaa denttees; shin GODAN ammanettiyaagee kallees.

Leemiso Maxaafaa 6:6

Inttenoo azallatoo, qaacotukko biite; biidi etappe tamaarite. Yaatidi aadhdhida eranchcha gidite.

Leemiso Maxaafaa 8:34

Taani yootiyoogaa siyiya urai, hachchi hachchi ta penggen beettiya urai, ta soo geliyoosankka naagiya urai anjjettidaagaa.

Siiquwaa Sabaa 5:3

“Taani, 'Ta maayuwaa qaararggaas; zaara maayooyye? Ta gediyaa meecettaichchaas; zaarada urqqayooyye?' yaagaas.

Isiyaasa 58:11

GODAI inttena ubbatoo kaalettana; inttena mela bazzuwan koshshiyaabaakka i inttiyo kunttana. Intte bollaa xaphuwaakka minttana. Qassi intte haattaa ushshiyo gannatiyaa malanne a haattai mulekka to77enna pulttuwaa mala gidana.

Qoodaabaa 23:10

Baanaadan corattida Yaaqooba zerettaa ooni qoodanau danddayii? Harai atto Israa7eela asau oiddantta kushiyaa ooni qoodanau danddayii? Ta haiqoi xillotu haiquwaa mala gido; ta de7uwaa wurssettaikka etaagaadan hano!” yaagiis.

Yohaannisa 6:27

Merinaa de7o qumau, taani Asa Na7ai intteyyo immanaagau, oottiteppe attin, samiya qumau oottoppite; aissi giikko, Aawai Xoossai a bolli gido giyo paramaa parami wottiis” yaagiis.

Ibraawe 6:11

Intte huuphiyan huuphiyan demmana giidi, nuuni ufaissan naagi uttido kumetta tumatettaa wurssettai gakkanaassi, kaseegaadan minttidi naagana mala amottoos.

Yaasu Maxaafaa 7:3

Xomoosida asati Yaasukko simmidi yiidi, “Ubba asai Aaya katamaa olanau baanau koshshenna; naa77u woikko heezzu sha7u asaa yedda. Yan amarida asai de7iyo gishshau, asai ubbai daafuroppo” yaagidosona.