Leemiso Maxaafaa 13:20 - Wolaytta Bible

²⁰ Aadhdhida eranchcha asatuura hemettiya asi aadhdhida eranchcha gidees; shin eeyya asatuura hemettiya asi metuwan gelees.

Leemiso Maxaafaa 13:20 Iomraidhean Croise

Doomettaabaa 14:12

Abraama ishaa na7ai Looxee Sadooman de7iyo gishshau, akka a aquwaakka ekki biidosona.

Kawotu Maxaafaa Koiruwaa 12:10

Oichchin aara diccida yelagati, “'Ne aawai nuna deexo qambbaraa toossiis; shin neeni nuuyyo kaushsharkkii' yaagiya asaayyo, 'Ta gil77a biradhdhee ta aawaa xeessaappe orddees.

Kawotu Maxaafaa Koiruwaa 12:8

SHin Robi7aami cimati zorido zoriyaa aggidi, aara diccidi ayyo oottiya yelaga asata zoretaa bessiis.

Kawotu Maxaafaa Koiruwaa 22:32

Paraa gaariyaa azaziyaageeti Yoosaafixa be7ido wode, “Tuma hagee Israa7eela kawuwaa” yaagidosona. Yaagidi aara olettanau simmidosona; simmin Yoosaafixi waassiis.

Kawotu Maxaafaa Koiruwaa 22:4

Qassikka i Yoosaafixa, “Gala7aaden de7iya Raamoota katamaa olanau tanaara buutee?” yaagiis. Yaagin Yoosaafixi Israa7eela kawuwaa, “Ee, neeni olaa baanau giigiyo wode audenne, taani giigana. Ta olanchchati ne olanchchatu mala; ta paratikka ne paratu mala” yaagiis.

Hanidabaa Odiya Naa77antto Maxaafaa 10:8

SHin Robi7aami cimati zorido zoriyaa aggidi, aara diccidi, ayyo oottiya yelaga asata zoretaa bessiis.

Hanidabaa Odiya Naa77antto Maxaafaa 19:2

Simmin hananabaa yootiya Hanaana na7ai Yeehu aara gaittanau kiyidi, Kawuwaa Yoosaafixa, “Neeni iitata maaddanau woikko GODAA ixxiyaageeta siiqanau bessii? Hegaa gishshau, GODAA hanqqoi ne bolli yiis.

Hanidabaa Odiya Naa77antto Maxaafaa 22:4

A aawai haiqqidoogaappe guyyiyan, Akaaba so asaikka a zoriyo gishshau, Akaaba so asaadan ikka GODAA sinttan iitabaa oottiis. Yaatidi a xayuwau gaaso gididosona.

Mazamure Maxaafaa 119:63

Taani neeyyo yayyiyaageetu ubbaayyoonne ne wogaa naagiyaageetuyyo dabbo.

Leemiso Maxaafaa 13:19

Amottidobaa demmiyoogee keehi ufaissees; shin iitati iitaappe haakkanau koyokkona.

Leemiso Maxaafaa 14:7

Eeyya asappe haakka; aissi giikko, neeni a haasayaappe era demmakka.

Leemiso Maxaafaa 15:31

De7uwaa immiya zoriyaa siyiya asi aadhdhida eranchchatuura issippe de7ana.

Leemiso Maxaafaa 22:24

Hanqqettiya uraara laggetoppa; hanqqettanau eesotiya uraarakka zuppetoppa.

Leemiso Maxaafaa 22:25

Neeni a hanuwaa meezetikko, guyyeppe agganau danddayakka.

Leemiso Maxaafaa 7:27

I soi duufuwaakko efiya badaasa oge; he ogee duge haiquwaa geessuwau kaalettees.

Leemiso Maxaafaa 9:6

Eeyyatettaa aggidi, shemppoora paxa de7ite; akeekaa ogiyan hemettite” yaagausu.

Milkkiyaasa 3:16

He wode GODAASSI yayyiyaageeti issoi issuwaara haasayidosona; GODAIKKA ezggidi siyiis. GODAASSI yayyidaageetinne a sunttaakka bonchchidaageeti dogettennaadan, eta hassayissiya maxaafai a sinttan xaafettiis.

Yesuusi Kiittidoogeetu Oosuwaa 2:42

Eti Yesuusi kiittidoogeetu timirttiyan, issippetettan oittaa mentti miyoogaaninne Xoossaa woosan genccoosona.

Ibraawe 10:24

Issoi issuwaara waani siiqettanaakkonne qassi lo77o oosuwaa waati oottanaakko, issoi issuwau qoppoos.

Ajjuutaa 18:4

Hegaappe guyyiyan, taani saluwaappe hagaadan yaagiya hara cenggurssaa siyaas; “Ta asau, ippe kiyite! I nagaraa iira koxxoppite! I qixaatiyaa shaakkoppite.