Leemiso Maxaafaa 12:24 - Wolaytta Bible

²⁴ Minnidi oottiya uri deriyaa haarees; shin azallai haarettees.

Leemiso Maxaafaa 12:24 Iomraidhean Croise

Doomettaabaa 49:15

I ba shemppiyoosai lo77o gidiyoogaanne ba biittai ufaissiyaagaa gidiyoogaa be7iyo wode, caanaa tookkanau ba hashiyaa ziqqi oottidi, ailletettaa ooso oottana.

Kawotu Maxaafaa Koiruwaa 11:28

Iyorbbaami mino asa; Solomoni ha wodallai ba oosuwaa waati loitti oottiyaakko be7iis; be7idi Minaasenne Efireema biittan oottiya gabbaaratu ubbaa bolli a halaqa oottidi sunttiis.

Kawotu Maxaafaa Koiruwaa 12:20

Iyorbbaami Gibxxeppe simmidoogaa Israa7eela asai ubbai siyido wode, a bantta yaa7au xeesissidi, Israa7eela bolli kawoyidosona; Daawita zariyaappe kawotida kawotussi ammanettidi attidai Yihudaa zariyaa xalaala.

Kawotu Maxaafaa Koiruwaa 9:21

eti Israa7eela asati biittaappe wurssi xaissanau danddayennan aggin, he biittan attida asatu zerettata. Solomoni eta gabbaaratettaa ootissiis; eti hachchi gakkanaashinkka gabbaaratettan oottoosona.

Leemiso Maxaafaa 10:4

Azallatettai hiyyeesissees; shin minnidi oottiyoogee dureyees.

Leemiso Maxaafaa 12:27

Azalla asi shankkatidi ehiido ashuwaa kattenna; shin asau aqoi minnidi oottiyoogaa.

Leemiso Maxaafaa 13:4

Azallai amottees; amottikkonne aibanne demmenna; shin minnidi oottiyaageeti kallana.

Leemiso Maxaafaa 17:2

Cincca ashkkarai ba godaa na7aa pattenna laafaa haarees; yaatidi ishanttuura issippe laattees.

Leemiso Maxaafaa 19:15

Coo zolppattiya uraayyo xiskkoi yees; ooso oottenna asi namisettees.

Leemiso Maxaafaa 22:13

Azalla asi, “Taani kare kiyikko, gaammoi tana maana; tana ogiyan asi worana” yaagees.

Leemiso Maxaafaa 22:29

Ba oosuwaa cinccatettan oottiya asa be7adii? I kawotussi ootteesippe attin, coo asatussi oottenna.

Daannatu Maxaafaa 1:28

Israa7eela asai minnido wode, Kanaaneta banttau wolqqan ootissidosona; shin eta muleera biittaappe kessidi yedettibookkona.