Leemiso Maxaafaa 11:18 - Wolaytta Bible

¹⁸ Iita asi demmiyo miishshai cimo; shin xillotettaa zeriya uri tumu woituwaa cakkana.

Leemiso Maxaafaa 11:18 Iomraidhean Croise

Kessaabaa 1:20

Hegaa gishshau, Xoossai maaretissiyaageetussi kehiis. Asaa qoodaikka gujji gujjidi biidi, kaseegaappe yaa corattiis.

Leemiso Maxaafaa 1:18

SHin eti bantta suuttaa gussanau zuggoosona; bantta shemppuwaa woranau qosetti uttoosona.

Leemiso Maxaafaa 10:16

Xillo uraa a lo77o oosoi de7uwau kaalettees; shin iita uraa wurssettai qixaate.

Leemiso Maxaafaa 22:8

Nagaraa zeriya urai waayiyaa cakkees; harata i tuggayiyo tuggaikka attees.

Leemiso Maxaafaa 5:22

Nagaranchchaa i oottido nagarai oiqqees. A nagaraa gitee a qachchees.

Eranchchaa Maxaafaa 10:8

Olla bookkiya uri he ollan i kunddana; qassi gimbbe dirssaa koliya uraa shooshshai dukkana.

Hoose7a 10:2

Eta wozanan genee kumiis; ha77i eti bantta mooruwaa qixaatiyaa ekkanau koshshees. GODAI eti yarshshiyo sohota laalana; eta eeqa tuussata xaissana.

Yohaannisa 4:36

Zeriyaageenne cakkiyaagee issippe ufaittana mala, cakkiyaagee damoozaa ekkeesinne kattaa merinaa de7uwau shiishshees.

Efisoona 4:22

Intte kase de7iyo de7uwaa aggite; qassi ba cimmiya amuwan xayiya intte ceega asatettaa xaissite.

Yaaqooba 3:18

Xillotettaa aifee sarotettaa oottiyaageeti sarotettan zerido zerettaappe beettiis.