Leemiso Maxaafaa 11:10 - Wolaytta Bible

¹⁰ Xilloti bonchchettiyo wode, katamai ufaittees; qassi iitati haiqqiyo wode, hashshu gees.

Leemiso Maxaafaa 11:10 Iomraidhean Croise

Kawotu Maxaafaa Naa77anttuwaa 11:20

Yaatin Yihudaa asai ubbai ufaittiis. Ataala kawo keettan bisuwan haiqqidoogaappe guyyiyan, katamaikka woppu giis.

Hanidabaa Odiya Naa77antto Maxaafaa 23:13

Baada kawoi penggen ba tuussaa matan eqqidaagaa be7aasu. Halaqatinne xurumbbaa punniyaageeti kawuwaa matan de7oosona; Yihudaa asai ubbai ufaittidi, xurumbbaa punnoosona; mazamuriyaa yexxiyaageetikka sinttau aadhdhidi, banttau de7iya yetta miishshan galatoosona. Ataala ba maayuwaa pooshshada, “Hagee makkala! Hagee makkala!” yaagada waassaasu.

Hanidabaa Odiya Naa77antto Maxaafaa 23:21

Yaatin Yihudaa asai ubbai ufaittiis. Ataalo kawo keettan bisuwan haiqqidoogaappe guyyiyan, katamai woppu giis.

Iyyooba Maxaafaa 27:23

Wodhdhidi wolqqaama cenggurssaa sissiiddi, eta yedettana.

Kessaabaa 15:21

Miiriyaama etayyo mazamuriyaa yexxaidda, “GODAI keehi xoqqu xoqqu giido gishshau, ayyo yexxite. Paraanne paraa toggidaagaa i abban oliis” yaagada yexxaasu.

Leemiso Maxaafaa 11:11

Xillotu anjjuwaa gaasuwan katamai diccees; shin iita uraa haasayai katamaa xaissees.

Leemiso Maxaafaa 28:12

Xilloti xoonido wode, asai ubbai ufaittees; shin iitati maataa oiqqido wode, asai qosettees.

Leemiso Maxaafaa 28:28

Iita asati sunttettiyo wode, asai qosettees; shin eti xayiyo wode, xilloti corattoosona.

Leemiso Maxaafaa 29:2

Xillo asati sunttettiyo wode asai ufaittees; shin iitati biittaa haariyo wode asai oolees.

Ermmaasa 51:48

Huuphessa baggappe yiya bashshiyaageetu kushiyan Baabiloonee ohettiyo gishshau, saloinne sa7ai qassi eta giddon de7iya ubbabai ililana. Taani GODAI hagaa odais.

Daannatu Maxaafaa 5:31

“Abeet GODAU, ne morkketi ubbai hegaadan haiqqona! SHin ne siiqoti maallado mokkiya awaadan phoolona” yaagidosona. Hegaappe guyyiyan, biittai oitamu laittaa woppaa demmiis.