Leemiso Maxaafaa 10:27 - Wolaytta Bible

²⁷ GODAASSI yayyiyoogee bariyaa adussees; shin nagaranchcha uraa baree qaammees.

Leemiso Maxaafaa 10:27 Iomraidhean Croise

Mazamure Maxaafaa 21:4

Neeni de7uwaa ayyo immanaadan nena woossiis; woossin ayyo immadasa. Meri merinau a bariyaa adussadasa.

Mazamure Maxaafaa 55:23

SHin Abeet Xoossau, neeni iita asata ciimma ollan duge olana. Suuttaa gussiyaageetinne cimmiyaageeti bantta daana laittau baggaanne de7okkona; shin taani nenan ammanettana.

Mazamure Maxaafaa 91:16

Taani a bariyaa adussada kalssana; ta atotettaa a bessana” yaagees.

Mazamure Maxaafaa 92:15

Hegeenne, GODAI suure gidiyoogaa bessees; i taayyo wogga zaallaa; iitatetti an baawa.

Leemiso Maxaafaa 14:27

GODAASSI yayyiyoogee de7oi kiyiyo pultto; hegaa gishshau, neeni haiquwaappe kessa ekkanau koyikko, GODAASSI yayya.

Leemiso Maxaafaa 28:18

Boree bainnan hemettiya uri qohettennan attana; shin geella asi issi kuttan kunddana.

Leemiso Maxaafaa 3:16

Aadhdhida eratettai ne bariyaa adussees; i neeyyo duretettaanne bonchchuwaa gujjees.

Leemiso Maxaafaa 3:2

Aissi giikko, eti ne bariyaa adussana; ishalo de7uwaakka neeyyo gujjana.

Leemiso Maxaafaa 9:11

Tanan aadhdhida eratettan laittai darana; ne bareekka aduqqana.

Eranchchaa Maxaafaa 7:17

Qassi wodee bainnan neeni haiqqennaadan, ubba hanttaara iitanne gidoppa; ubba yooqolo eeyyanne gidoppa.

Ermmaasa 17:11

Xillenna ogiyaara duretiya asi babaa gidenna phuuphulliyaa qoxiya kuraachchee mala. I ba laittaa biron baggettishin, a aggidi xayana; wurssettan i eeyya gidana.

Luqaasa 12:20

“SHin Xoossai a, ‘Laa ha eeyyau, neeni hachchi qamma haiqqaasa; yaatin, ha neeni shiishshidobai oossi gidanee?’ yaagiis.

Zaarettido Wogaa 11:9

Yaatikko, GODAI intte maizza aawatuyyoonne eta zaretuyyo immana giidi caaqqido, maattainne eessai goggiyo biittan intte adussa laittaa de7ana.