Leemiso Maxaafaa 1:4 - Wolaytta Bible

⁴ hiillaa erennaageeta erissiyaageeta, wodallatussi eratettaanne adussa qofaa immiyaageeta.

Leemiso Maxaafaa 1:4 Iomraidhean Croise

Mazamure Maxaafaa 116:6

GODAI maaddiyaabi bainnaageeta naagees; taani metootido wode, i tana ashshiis.

Mazamure Maxaafaa 119:130

Ne qaalaa birshshettai poo7uwaa immees; akeekai paccidoogeetussi akeekaa immees.

Mazamure Maxaafaa 119:9

Yelagai ba ogiyaa geeshsha oottidi waati naaganau danddayii? Ne qaalai giyoogaadan de7ikko danddayees.

Mazamure Maxaafaa 19:7

GODAA higgee suure; shemppuwaa zaarees. GODAI yootiyoogee ammanettiyaagaa; akeekai paccidoogeetussi eratettaa immees.

Mazamure Maxaafaa 34:11

Ta tamaaretoo, haa yiite; siyite; GODAA yashshaa taani inttena tamaarissana.

Leemiso Maxaafaa 3:21

Ta na7au, lo77o aadhdhida eratettaanne adussi qoppiyoogaa naaga; eti neeppe shaahettoppona.

Leemiso Maxaafaa 8:12

“Taassi, aadhdhida eratetteessi akeekai de7ees; eratettaikka adussa qofaikka tanaara issippe de7oosona.

Leemiso Maxaafaa 8:17

“Taani tana siiqiyaageeta siiqais; tana minttidi koyiyaageetikka demmana.

Leemiso Maxaafaa 8:32

“Ha77ikka simmi ta naatoo, siyite; taani yootiyoogaadan oottiyaageeti anjjettidaageeta.

Leemiso Maxaafaa 8:5

Inttenoo akeekai paccidoogeetoo, hayyuwaa demmanau tamaarite. Inttenoo eeyyatoo, akeekaa demmite.

Eranchchaa Maxaafaa 11:9

Nenoo yelagau, yelagatettai keehi lo77obaa gidiyo gishshau, ne yelagatettaa laittan ufaitta; ne wozanaikka ufaitto. Ne aifee xeellidobaanne ne wozanai amottidobaa ubbaa pola. SHin, he neeni oottidobaa ubbaa gishshau, nena Xoossai pirddanau de7iyoogaa dogoppa.

Isiyaasa 35:8

Yan aaho ogee de7ana; ikka Geeshshatettaa Ogiyaa geetettana. Geeshsha gidennaageeti he ogiyaara kanttokkona. SHin i geeshshatussa gidana; iita eeyyati an simerettokkona.

Zaarettido Wogaa 4:6

Intte eta naagitenne oottite; hegaa intte oottikko, intte ai keena aadhdhida eranchchakkonne hara asai inttena be7ana. Eti ha awaajuwaabaa siyiyo wode, 'Tumukka ha gita kawotettai aadhdhida eranchchanne akeekanchcha kawotetta' yaagana.

Naa77antto Ximootiyoosa 2:22

SHin neeni iita wodallatetta amuwaappe baqata. Banttana maaddanau geeshsha wozanaappe Godaa xeesiyaageetuura issippe, xillotettaa, ammanuwaa, siiqotettaanne sarotettaa minttada kaalla.

Tiitu 2:6

Hegaadankka yelaga attumaasati banttana naagana mala zora.