Koiro Yohaannisa 5:16 - Wolaytta Bible

¹⁶ Ooninne haiqoi bessenna nagara ba ishai oottishin be7ikko, Xoossaa woossanau bessees; haiqoi bessenna nagara oottidaageetuyyo Xoossai de7o immana. Haiqoi bessiyo nagari de7ees; taani inttena hegau Xoossaa woossite giikke.

Koiro Yohaannisa 5:16 Iomraidhean Croise

Doomettaabaa 20:17

GODAI Abrahaama keettaayee Saari gaasuwan Abimeleka keettaa asa ubbaa qanttaa mainissi wottido gishshau, Abrahaami Xoossaa woossin, Abimeleki, a keettaayyiyaanne a macca ashkkarati na7a yelana mala Xoossai eta pattiis.

Doomettaabaa 20:7

Ha77i ha bitaniyaa keettaayyiyo zaara; aissi giikko, i hananabaa yootiyaagaa; i neeyyo Xoossaa woossana; woossin neeni paxa attana. SHin o zaarana xayikko, neeninne neeyyo de7iyaabai ubbai haiqqiyoogaa tumuppe era” yaagiis.

Mazamure Maxaafaa 106:23

Hegaa gishshau, Xoossai eta xaissana giis; shin xaissenna mala, a hanqquwaa zaaranau, Xoossai doorido Muusee gidduwan eqqiis.

Kessaabaa 34:9

goinnidi, “Abeet Godau, neeni tanan ufaittidabaa gidikko, nunaara issippe hindda. Hagee asai morgge zozzidabaa gidikkokka, nu iitatettaanne nu nagaraa atto yaagada, nuna ne asa ootta” yaagiis.

Ermmaasa 11:14

“Ermmaasaa, ha asatuyyo tana ainne woossoppa; eta gishshaa gaannatoppa woikko oichchoppa. Aissi giikko, eti bantta metuwaa gallassi tana xeesiyo wode taani etau siyikke.

Ermmaasa 14:11

Hegaappe guyyiyan, GODAI tana; “Ha asatu sarotettau tana woossoppa.

Ermmaasa 7:16

GODAI hagaadan yaagees; “Ermmaasaa, hegaa gishshau, ha asatuyyo woossoppa; eta gishshataa oichchoppa woikko waassoppa; neeni etabaa gaannatoppa. Aissi giikko, taani neeyyo siyikke.

Hizqqeela 22:30

“Taani biittaa xaissennaadan, eta giddon dirssaa gimbbee kolettido baggaara eqqidi naagiya issi asa koyaas; shin oonanne demmabeikke.

Qoodaabaa 12:13

Yaagin Muusee, “Hai Xoossau, o pattarkkii!” yaagidi GODAAYYO waassiis.

Qoodaabaa 15:30

“'SHin yeletan Israa7eela asa gidinkka bete asa gidinkka eriiddi otoruwan nagara oottiya uri GODAA cayees. He aawu haiqqidi, ba asaa giddoppe xayo.

Luqaasa 12:10

“Ta bolli, Asa Na7aa bolli, iitabaa haasayiya ubbaa nagarai atto geetettana; shin Geeshsha Ayyaanaa cayiya uraa nagarai atto geetettenna.

Yohaannisa 17:9

“Taani etau woossais; sa7au nena woossikke. SHin neeni tau immido asau woossais; aissi giikko, eti neegeeta.

Naa77antto Ximootiyoosa 4:14

Birataa qoxxiya Iskkinddiri tana daro qohiis; Godai ayyo a oosuwaadan zaarana.

Koiro Yohaannisa 5:17

Mooro ooso ubbi nagara; shin haiqoi bessenna nagari de7ees.

Sameela Maxaafaa Koiruwaa 12:19

Asai ubbai Sameela, “Nuuni kawuwaa oichchidi, nu nagaraa ubbaa bolli ha iitatettaa gujjido gishshau, nuuni ne ashkkarati haiqqennaadan nuuyyo GODAA ne Xoossaa woossarkkii” yaagiis.

Sameela Maxaafaa Koiruwaa 2:25

Issi asi asa naaqqikko, Xoossai au gaannatana; shin asi GODAA naaqqikko, oonee ayyo gaannatanai?” yaagiis. GODAI, “Taani eta worana” giido gishshau, eti bantta aawaa seeraa siyennan ixxidosona.