Koiro Yohaannisa 5:10 - Wolaytta Bible

¹⁰ Xoossaa Na7aa ammaniya uraa wozanan ha markkatettai de7ees. Xoossaa ammanenna urai ooninne Xoossai ba Na7aayyo markkattido markkatettaa ammanibeenna gishshau, Xoossaa worddanchcha oottiis.

Koiro Yohaannisa 5:10 Iomraidhean Croise

Iyyooba Maxaafaa 24:25

“Hegee hanenna giidi, kaddiya asi de7ii? Taani odido qaalaakka worddo giidi, ammanttiya asi de7ii?” yaagiis.

Mazamure Maxaafaa 25:14

GODAI baayyo yayyiyaageetau ba xuuraa shaakkiyaagaa; i etau ba maachchaakka minttees.

Leemiso Maxaafaa 3:32

Aissi giikko, GODAI iitaa oottiyaageeta ixxees; shin suuretuyyo i ulottees.

Isiyaasa 53:1

Nuuni odidoogaa ooni ammanidee? GODAI ba wolqqaa oona bessidee?

Ermmaasa 15:18

Sahoi taappe duuxxennan ixxiyoogeenne ta masunttai paxennan ixxiyoogee aibissee? Neeni taayyo meliya shaafadan, to7iya pulttodan, hanana hanaiyye?

Qoodaabaa 23:19

Xoossai worddotanau asa gidenna; ba qofaa laammanau i asa na7a gidenna. I yootidi, ba yootidoogaa oottennee? Woikko i ba giidobaa polennee?

Yohaannisa 3:16

Xoossaa Na7aa ammaniya ubbai merinaa de7uwaa ekkanaappe attin, xayenna mala, Xoossai ha sa7aa keehi siiqido gishshau, ba mexi issi Na7aa immiis.

Yohaannisa 3:18

Na7aa ammaniya ooninne pirddettenna; shin Na7aa ammanenna ooninne, Xoossaa Na7aa issuwaa ammanibeenna gishshau, ha77ikka pirddetti uttiis.

Yohaannisa 3:33

A markkatettaa ekkiya ooninne Xoossai tumanchcha gidiyoogaa hegan markkattees.

Yohaannisa 5:38

I kiittidoogaa intte ammanenna gishshau, a qaalai intte wozanan baawa.

Yesuusi Kiittidoogeetu Oosuwaa 8:37

Piliphphoosi a, “Neeni ne kumetta wozanaappe ammanikko, danddayaasa” yaagiis. Yaagin i zaaridi, “Yesuus Kiristtoosi Xoossaa Na7a gidiyoogaa taani ammanais” yaagiis.

Roome 8:16

Xoossaa Ayyaanai ba huuphen nu ayyaanaara gididi, nuuni Xoossaa naata gidiyoogaa markkattees.

Galaatiyaa 4:1

SHin akeekite; ba aawaabaa laattiya na7ai naatettan de7iiddi, de7iyaabaa ubbau goda gidikkokka, ashkkaratuppe dummatiyoosi baawa.

Galaatiyaa 4:6

Xoossai intte a naata gidiyo gishshau, “Abbaa, ta Aawau” giidi waassiya ba Na7aa Ayyaanaa, nu wozanaa giddo kiittiis.

Qolasiyaasa 3:3

Aissi giikko, intte haiqqideta; qassi intte de7oi Xoossan Kiristtoosaara geemmiis.

Ibraawe 3:12

Ta ishatoo, de7o Xoossaappe inttena shaakkiya iita ammanenna wozani inttenan oonaaninne de7enna mala naagettite.

Naa77antto PHeexiroosa 1:19

Qassi hegaappe keehi aadhdhiya hananabaa yootiyaageeti haasayido nuna keehi ammanttiya qaalai nuuyyo de7ees; intte he qaalaa naagiyaabaa gidikko loittideta. Aissi giikko, hegee sa7ai wonttana gakkanaassinne maallado xoolinttiyaa poo7oi intte wozanan poo7ana gakkanaassi, xuman poo7iya poo7uwaa mala.

Koiro Yohaannisa 1:10

Nuuni nagara oottibookko giikko, Xoossaa worddanchcha kessoos; a qaalaikka nunan de7enna.

Koiro Yohaannisa 5:1

Kiristtoosa yaagidi, Yesuusa ammaniya ooninne Xoossaa na7a; qassi Aawaa siiqiya ooninne a Na7aakka siiqees.

Ajjuutaa 12:17

Miimminttee mishireeyyo daro hanqqettiis; hanqqettidi, i zareta Xoossaa azazuwaa naagiya ubbatanne Yesuusi qonccissido tumaayyo ammanettiyaageeta olanau biis.

Ajjuutaa 2:17

“ ‘ “Siyanau haitti de7iyo urai Geeshsha Ayyaanai woosa keettatuyyo giyoobaa siyo. Xooniya urau taani geeman de7iya mannaappe amaridaagaa immana. Qassi taani bootta shuchchaakka ayyo immana; ekkiya uraappe attin, ooninne erenna ooratta sunttai he shuchchaa bolli xaafetti uttiis” yaagees’ yaagada xaafa.

Ajjuutaa 2:28

Qassi taani ayyo bakkaaliyaa xoolinttiyaa immana.