Koiro Yohaannisa 3:2 - Wolaytta Bible

² Ta siiqotoo, ha77i nuuni Xoossaa naata; nuuni ai hananaakko biron erettibeenna; shin Kiristtoosi qoncciyo wode, nuuni a milatanaagaa eroos. Aissi giikko, i tumu de7iyoogaa nuuni be7ana.

Koiro Yohaannisa 3:2 Iomraidhean Croise

Iyyooba Maxaafaa 19:26

Ta gogai meetetti wurikkonne, taani ta ashuwaappe shaahettada, Xoossaa be7anaagaa erais.

Mazamure Maxaafaa 16:11

Neeni tana de7o ogiyaa bessaasa. Taani ne achchan de7in, ta ufaissai polettees; ne ushachcha baggaara ufaissai merinau de7ees.

Mazamure Maxaafaa 17:15

SHin taani xillotettan nena be7ana. Taani denddiyo wode, nena be7ada ufaittana.

Mazamure Maxaafaa 31:19

Neessi yayyiyaageetuyyo neeni minjjidonne neekko baqatiyaageetuyyo asaa sinttan neeni oottido ne kehatettai aiba daroo!

Isiyaasa 56:5

etassi taani ta Beeta Maqidasiyaa giddooninne ta dirssaa gimbbiyaa giddon, eti hassayettiyoobaa immana. Macca naatuppenne attuma naatuppe lo77iya sunttaa taani etau immana; taani etau merinau xayenna sunttaa immana.

Milkkiyaasa 3:2

SHin i biraanne worqqaa seerissidi geeshshiya tamaa malanne maayuwaa meecciyo saamunaa mala gidiyo gishshau, i yiyo gallassi danddayanai oonee? Qassi i qoncciyo wode a sinttan eqqanau danddayiyai oonee?

Maatiyoosa 5:8

Wozanaa geeshshati anjjettidaageeta; aissi giikko, eti Xoossaa be7ana.

Luqaasa 17:30

“Asa Na7ai qoncciyan beettiyo gallassi hegaadan hanana.

Luqaasa 20:36

Aissi giikko, eti kiitanchchatu mala gidiyo gishshau, naa77anttuwaa haiqqanau danddayokkona. Qassi eti haiquwaappe denddido gishshau, Xoossaa naata.

Yohaannisa 1:12

SHin i bana shiishshi ekkida ubbatuyyo, ba sunttan ammanidaageetuyyo, Xoossaa naata gidana mala, maataa immiis.

Yohaannisa 11:52

Qassi Yesuusi Aihuda asaa xalaalaayyo haiqqenna; shin laaletti de7iya Xoossaa naata issippe shiishshanau haiqqana.

Yohaannisa 17:24

“Aawau, sa7ai merettanaappe kase neeni tana siiqido gishshau, tau immido ta bonchchuwaa eti be7ana mala, neeni tau immidoogeeti taani de7iyoosan tanaara de7ana mala koyais.

Roome 8:16

Xoossaa Ayyaanai ba huuphen nu ayyaanaara gididi, nuuni Xoossaa naata gidiyoogaa markkattees.

Roome 8:18

Aissi giikko, nuuni ha77i waayettiyo waayiyaa nuuyyo sinttappe qonccana bonchchuwaara giigissanau, mulekka danddayettenna gaada taani qoppais.

Roome 8:19

Xoossai medhdhido mereta ubbai Xoossaa naati qonccanaagaa daro laamoti uttiis.

Roome 8:29

Xoossai ba Na7ai daro ishanttu giddon baira gidanaadan, i kase dooridoogeeti qassi ba Na7aa milatanaadan, kasetidi shaakki wottiis.

Koiro Qoronttoosa 13:12

Nuuni ha77i be7iyoogee heregan be7iyo lem77i lem77iya mera mala; shin he wode nuuni nu aifiyan qoncciyan be7ana. Ha77i taani eratettaappe baggaa erais; shin Xoossai tana wurssidi eriyoogaadan, he wode taanikka wurssa erana.

Koiro Qoronttoosa 15:49

Nuuni biittaappe merettidaagaa meraa maayidoogaadan, saluwaappe yiidaagaa meraakka qassi maayana.

Koiro Qoronttoosa 2:9

SHin Xoossaa maxaafai, “Ooninne aifiyan be7ibeennaagee, haittankka siyibeennaagee, qassi ooninne ba wozanan qoppibeennaagee Xoossai bana siiqiyaageetussi giigissidoogaa” giyoogaadan nuuni haasayoos.

Naa77antto Qoronttoosa 3:18

Nuuni ubbaikka naxalan kamettibeenna som77uwan Godaa bonchchuwaa heregadan zaaridi phoolana; qassi Geeshsha Ayyaana gidiya Godaappe yiya he bonchchoi nuna ba meraa milatissidi, bonchchuwaappe bonchchuwau laammana.

Naa77antto Qoronttoosa 4:17

Aissi giikko, ha77issau nuuni waayettiyo ha guutta waayee, ubbaappe keehi gitatiya merinaa bonchchuwaa nuuyyo beetissana.

Galaatiyaa 3:26

Intte ubbai ammanuwaa baggaara Kiristtoos Yesuusan Xoossaa naata.

Galaatiyaa 4:6

Xoossai intte a naata gidiyo gishshau, “Abbaa, ta Aawau” giidi waassiya ba Na7aa Ayyaanaa, nu wozanaa giddo kiittiis.

Piliphphisiyuusa 3:21

Kiristtoosi ubbabaa baappe garssan wottanau danddayiya ba wolqqan, nu daafuranchcha asatettaa laammidi, ba bonchcho asatettaa milatissidi oottana.

Qolasiyaasa 3:4

Intteyyo de7o gidida Kiristtoosi qoncciyo wode, he wode inttekka aara bonchchuwan qonccana.

Ibraawe 9:28

Hegaadankka, qassi Kiristtoosi daro asaa nagaraa xaissanau issitoo yarshshettiis; qassi i bana mintti naagiyaageeta ashshanau beettanaappe attin, naa77antto nagara tookkanau beettenna.

Naa77antto PHeexiroosa 1:4

Intte a imuwaa baggaara sa7an de7iya bashshiya amuwaappe kessi ekkanaadaaninne Xoossaa xoossatettaa laattanaadan, i ba immana giido daro wolqqaamanne al77o imuwaa nuuyyo immiis.

Koiro Yohaannisa 2:28

Ta naatoo, qassi i qoncciyo wode, nuuni yashshi bainnaageeta gidanaadaaninne, a yuussaa gallassi a sinttan nuuni yeellatennaadan, aani de7ite.

Koiro Yohaannisa 2:7

Ta ishatoo, taani intteyyo koiroosappe de7iya ceega azazuwaa xaafaisippe attin, ooratta azazo xaafikke; he ceega azazoi intte siyido qaalaa.

Koiro Yohaannisa 3:1

Nuuni Xoossaa naata geetettidi xeesettana mala, Xoossai nuna ai keenaa siiqidaakkonne be7ite. Nuuni tumukka a naata. Ha sa7ai Xoossaa erenna gishshau, nunakka erenna.

Koiro Yohaannisa 3:10

Xoossaa naatu giddooninne xalahe halaqaa naatu giddon de7iya dummatettai hagan erettees; xillobaa oottenna urai woikko ba ishaa siiqenna urai ooninne Xoossaa Na7a gidenna.

Koiro Yohaannisa 3:21

Ta siiqotoo, nu wozanai nu bolli pirddennabaa gidikko, nuuni Xoossaa sinttan yayyokko.

Koiro Yohaannisa 5:1

Kiristtoosa yaagidi, Yesuusa ammaniya ooninne Xoossaa na7a; qassi Aawaa siiqiya ooninne a Na7aakka siiqees.

Ajjuutaa 2:28

Qassi taani ayyo bakkaaliyaa xoolinttiyaa immana.

Ajjuutaa 22:4

Eti a som77uwaa be7ana; a sunttai eta som77uwan xaafettana.