Koiro Yohaannisa 2:16 - Wolaytta Bible

¹⁶ Aissi giikko, ha sa7an de7iya ubbabai, hegeekka: asatettaa amoi, aifen xeellidi qaaqqatiyoogeenne miishshan ceeqettiyoogee ha sa7aappe yiidoogaappe attin, Xoossaappe yibeenna.

Koiro Yohaannisa 2:16 Iomraidhean Croise

Doomettaabaa 3:6

Maccaasiyaa he mittaa teerai maanau mal77iyaagaa, xeellanau lo77iyaagaa, qassi asi aadhdhida eratettaa demmanau amoyiyaagaa gidiyoogaa be7aasu; be7ada he mittaa teeraappe ekkada maasu; qassi banaara de7iya ba azinaayyookka hegaappe immin, ikka miis.

Doomettaabaa 6:2

“Xoossaa naata” geetettiya meretati ha asaa macca naati puulanchcha gidiyoogaa be7idosona; be7idi etappe bantta dooridoogeeta machchidosona.

Iyyooba Maxaafaa 31:1

“Maccaasa xeellada amottennaadan, taani ta aifiyaara maachchaa maacettaas.

Mazamure Maxaafaa 73:6

Hegaa gishshau, eti otoruwaa alleeqodan qooriyan aattoosona; makkalaa afaladan maayoosona.

Mazamure Maxaafaa 78:18

Bantta amottido qumaa oichchiyoogan Xoossaa eriiddi paaccidosona.

Mazamure Maxaafaa 78:30

SHin eti bantta amottido ashuwaa kallennan de7ishin, ashoi etau biron doonan de7ishin,

Leemiso Maxaafaa 27:20

Haiqoinne bashshi kalli erokkona; hegaadankka, asa amoi kallenna.

Leemiso Maxaafaa 6:25

I puulaa ne wozanan qaaqqatoppa; i qim77otankka omoodettoppa.

Daaneela 4:30

hagaadan yaagiis; 'Hagee ta kawo keettai an de7ana mala, taani ta gita wolqqan, ta gitatettaa bonchchuwaassi gimbbissido Baabiloone katamaa gitaa gidennee?' yaagiis.

Qoodaabaa 11:34

Yaatin he sohoi Amuwaa Duufuwaa geetetti sunttettiis; aissi giikko, ashuwaa amottida asaa eti he sohuwan moogidosona.

Qoodaabaa 11:4

Israa7eelatuura de7iya dumma dumma dere asai hara qumaa keehi amottiis. Israa7eela asaikka qassi hagaadan yaagidi yeehuwaa doommiis; “Laa nuuni asho auppe demmanee?

Maatiyoosa 4:8

Qassi xalahe halaqai Yesuusa issi daro gita deriyaa xeeraa kessidi, sa7an de7iya kawotetta ubbaanne eta bonchchuwaa bessiis.

Maatiyoosa 5:28

SHin taani intteyyo odais; maccaaro xeellidi amottiya ubbai, ba wozana giddon he wode iira shaaramuxiis.

Luqaasa 4:5

Xalahe halaqai a gita deriyaa huuphiyaa kessidi, sa7aa kawotettaa ubbaa issi kuttan bessiis.

Roome 13:14

SHin Godaa Yesuus Kiristtoosa tooraa gonddalliyaa oiqqite; intte nagaranchcha asatettai ba wozanaa amuwaa polanaadan, au qoppoppite.

Koiro Qoronttoosa 10:6

Eti iitabaa amottidoogaadan, nuunikka qassi iitabaa amottennaadan, hegee ubbai nuussi leemiso gidiis.

Galaatiyaa 5:17

Aissi giikko, nu asatettai amottiyoobaa Geeshsha Ayyaanai ixxees; qassi Geeshsha Ayyaanai amottiyoobaa nu asatettai ixxees; hageeti issoi issuwaara ixettoosona. Hegaa gishshau, intte dosiyoobaa oottanau danddayekketa.

Galaatiyaa 5:24

Kiristtoos Yesuusabaa gidiyaageeti bantta asatettaa a iita qofaaranne a amuwaara issippe masqqaliyaa bollan misimaariyan xishidi kaqqidosona.

Efisoona 2:3

Nuunikka qassi ubbai he asaa mala; qassi nuuni nu meretettaa amuwaadan de7ida; nu asatettainne nu wozanai koyidobaa oottida. Nuunikka haratuugaadan, nu meretan Xoossaa hanqquwaa ekkanau de7oos.

Tiitu 2:12

He aaro kehatettai nagara oosuwaanne ha sa7aa amuwaa nuuni agganaadaaninne nu huuphiyaa naagidi, ha sa7an Xoossaa milatidi, xillotettan de7anaadan, nuna tamaarissees.

Tiitu 3:3

Aissi giikko, nuuni kase nu huuphenkka eeyyata, azazettennaageeta, baliyaageetanne amossinne dumma dumma ufaissaassi ailledan haarettiyaageeta; qassi iitatettaaninne qanaatiyan de7iyaageeta; asan ixettiyaageetanne issoi issuwaakka ixxiyaageeta.

Yaaqooba 3:15

Hegaa mala aadhdhida eratettai saluwaappe wodhdhiyaagaa gidenna; shin hegee sa7aabaa, asaabaa, xalahetubaa.

Yaaqooba 4:16

SHin intte ha77i intte gitatettan ceeqqeeta; hegaa mala ceeqo ubbai iita.

Yaasu Maxaafaa 7:21

nuuni omooddido miishshaa giddon taani issi lo77iya Baabiloone biittaa kaabbaa, naa77u xeetu xaqara biraanne bagga kilo gidiya worqqaa be7aas; be7ada ekkanau amottido gishshau ekkaas. Yaatada ta dunkkaaniyaa giddon biitta garssan qottaas; biraikka ubbaappe garssaara de7ees” yaagiis.

Koiro PHeexiroosa 1:14

Xoossau azazettite; intte kase erennan amottido amuwaa kaalloppite.

Koiro PHeexiroosa 2:11

Ta dabbotoo, intte ha sa7an imattanne yedettin asasan de7iyaageeta gididoogaadan, ubba wode intte shemppuwaara olettiya asatettaa amuwaappe intte haakkana mala, taani inttena woossais.

Naa77antto PHeexiroosa 2:18

Aissi giikko, eti hadanne otoro haasayaa hasayoosona; balan de7iya asaappe kessi ekkiyaageeta shaaramuxanau qaaqqatiyo amuwan cimmoosona.