Koiro Tasalonqqe 5:3 - Wolaytta Bible

³ Asai, “Ubbabai saro; aibikka hanenna” giishin, maccaasaa maaretai oiqqiyoogaadan, bashshai eti qoppennan eta bolli yaana. Eti mulekka kessi ekkokkona.

Koiro Tasalonqqe 5:3 Iomraidhean Croise

Iyyooba Maxaafaa 15:21

Ubbaton daganttiya cenggurssai a haittan siyettees; i saro de7ais giishin, panggati a bolli yaana.

Iyyooba Maxaafaa 24:23

Xoossai eti saro de7anaadan oottikkokka, eta ogiyaa wochchees.

Mazamure Maxaafaa 35:8

Erennan de7ishin, eta bollan bashshai puttu go. Eti wottido piree eta oiqqo; eti bashshan kunddona.

Mazamure Maxaafaa 48:6

Eti hegan de7ishin, eta yashshaa kokkorssai oiqqiis; maaretai oiqqido maccaaseedan miixattidosona.

Mazamure Maxaafaa 55:15

Ta morkketi wodee gakkennan haiqqona; eti paxa moogettona. Aissi giikko, iitatettai eta giddooninne eti de7iyoosan de7ees.

Mazamure Maxaafaa 69:22

Eti miyo masoofee etau pire gido. Eti yarshshuwaa yarshshiiddi miyo gibirai etau gite gido.

Leemiso Maxaafaa 29:1

Daroton seerin ixxidi, morgge zozzida urai hassayennan meqqana; he urau paxoikka baawa.

Isiyaasa 20:6

Abbaa lanqqiyan de7iya asai he gallassi hagaadan yaagana; 'Be7ite, nuuni Asoore kawuwaappe attanau maaddoosona giidi nu ufaissaa wottidonne etakko baqatido asaa bolli hagee gakkiis; yaatin, nuuni waanidi kessi ekkanau danddayiyoonii?' yaagana” yaagiis.

Isiyaasa 29:5

SHin ne morkketi liiqo baana keena coranne ne meqetti bainnaageetu qoodaikka carkkoi efiyo suullaa keena daro gidana. Qoppennan de7ishin eesuwan,

Isiyaasa 30:13

ha nagarai intteyyo za77idi wodhdhiya, akeekennan eesuwan kunddiya adussa gimbbiyaa mala gidana.

Isiyaasa 47:11

SHin neeni waata daadumatada haassanaakko erenna iitai ne bolli yaana. Neeni waagaa qanxxanau danddayenna boshai ne bollan wodhdhana; qassi neeni aibanne erenna bashshai qoppennan ne bolli yaana.

Isiyaasa 47:9

Ha naa77u yohoti issi gallassi aifee liphanaashin, ne bolli yaana. Ne bitai daro, ne murunnoikka gita wolqqaama gidikkonne, neeni ne naatuppe mela attiyoogeenne am77etettai ne bolli kumettan yiyoogee attenna.

Isiyaasa 56:12

Eti ubbaikka, “Haa yiite; woiniyaa eessaa ane uyoos. Ane nu mattoyiya ushshaa kumettaa ganoos! Wonttoikka hachchi mala gidana; woikko hachchippekka aadhdhi lo77ana” yaagoosona.

Ermmaasa 13:21

Neeni neeyyo dabbo gidana mala, koyidoogeeti nena xoonidi haariyo wode woiguutee? Yelanddeedan maaretai nena oiqqennee?

Ermmaasa 14:19

Abeet GODAU, neeni Yihudaa mule aggadii? Xiyoone asaa ixxadii? Neeni nuna paxennaadan oottada aissi dechchadii? “Saro gidana” giidi naagida; shin aibinne lo77obi nuuyyo gakkibeenna. “Paxana wodee yaana” giidi naagida; shin dagama xalaalai yiis.

Ermmaasa 22:23

Inttenoo, Liibaanoosa zigan keexettida keettan de7iyaageetoo, maaretai oiqqido maccaaseegaa mala un77oi intte bolli puttu giyaakko, waani oolanddetiishsha!” yaagees.

Ermmaasa 4:31

Taani maareta ohettida maccaasiyaa waassiyoogaa mala waasuwaa siyaas. I waasoi koiro na7a yeliya maccaasee ooliyaa mala. He waasoi, Yerusalaama shemppuwaa teqettada, ba kushiyaa zohaidda, “Aayyee tanoo! Hekko tana woranau hanoosona!” yaagada waassiyo waasuwaa.

Ermmaasa 6:14

Ta asaa masunttaa sakkennabaa giidi, guutta xaliyaa wottoosona. Saroi bainnan, 'Saro; saro!' yaagoosona.

Ermmaasa 6:24

Nuuni he oduwaa siyin, nu kushee hilssi giis. Maccaasiyo maaretai oiqqiyoogaadan, nuna metoi un77iis.

Ermmaasa 8:11

Eti ta asaa masunttaa sakkennabaa giidi, guutta xaliyaa wottoosona. Saroi bainnan, 'Saro, saro!' yaagoosona.

Hizqqeela 13:10

“'“Saroi bainnan de7ishin, eti ta asaa, 'Sa7i saro!' yaagidi wora kaalettidosona. Qassi asai shuchchaa coo keelidi dirin, eti nooraa tiyoosona.

Hoose7a 13:13

Maareti oiqqido maccaasiyaa tuggatiyoogaa mala tuggai a bolli yaana. SHin i eri bainna na7a; aissi giikko, i yelettiyo wodee gakkin, ba aayee uluwaappe wodhdhennan ixxiya na7a mala.

Naahooma 1:10

Eti, xaxiballettida aguntta malati, qassi uyidi mattottidabaadan ganddigaariyaageeti, mela utulaadan taman xuugetti xayana.

Maatiyoosa 23:33

“Ha shooshshatoo, shooshshaa naatoo, gaannabiyaa pirddaappe waanidi attuuteetii?

Yohaannisa 16:21

Issi maccaasiyaa na7a yelana haniyo wode, ba maaretaa wodee gakkido gishshau, he maaretaabaa hirggausu; shin na7a yelidoogaappe guyyiyan, na7i ha sa7an yelettido ufaissaa gishshau, ba maaretaa hassayukku.

Yesuusi Kiittidoogeetu Oosuwaa 13:41

‘Xoossai giidobaa qilliicciyaageetoo, be7ite; harai atto issi urai inttessi yootiyaakkokka, intte ammanenna oosuwaa taani intte wodiyan oottiyo gishshau, poora giite; haiqqite’ yaagidosona” yaagiis.

Zaarettido Wogaa 29:19

“Ha caaquwaa qaalaa siyidi, ba wozanan, 'Ta sheniyan taani biikkokka, aiba metoinne baawa' yaagidi bana cimmikko, hegaa mala asi lo77otu bollinne iitatu bolli bashshaa ehaana.

Naa77antto Tasalonqqe 1:9

He gallassi, i ba geeshshatu ubban bonchchettanaunne qassi bana ammaniya ubbatun sabettanau yiyo wode, eti Godaa sinttappenne a wolqqaa bonchchuwaappe shaahettidi, merinaa bashshan qaxxayettana. Nuuni intteyyo yootido kiitaa intte ammanido gishshau, intte a bonchchiyaageetu giddooninne sabbiyaageetu giddon de7ana.

Ibraawe 12:23

Xoossaa baira naatukko, issippe shiiqidaageetukko, eta sunttai saluwan xaafettidoogeetukko yiideta; qassi asa ubbaa pirddiya Xoossaakkonne, bali bainnaageeta oottido xillo asatu ayyaanatukko yiideta.

Ibraawe 2:3

yaatin, nuuni ha gita atotettaa wudennaageeta gidikko, waanidi kessi ekkanee? Godai koiro ba huuphen ha atotettaa yootiis; qassi i yootidoogaa siyidaageeti nuuyyo geeshshidi yootidosona.

Naa77antto PHeexiroosa 2:4

Nagara oottida kiitanchchatuyyo Xoossai qarettennan, pirddaa gallassai gakkanaassi xuma ollan eti qashetti uttido gaannabiyan yeggiis.

Daannatu Maxaafaa 8:11

Geedooni Nobaahappenne Yogibaahappe arshsho baggan de7iya bazzuwaa gaxaa ogiyaara biidi, hegan de7iya olanchchatu bolli eti akeekennan de7ishin woraajjiis;