Kessaabaa 9:23 - Wolaytta Bible

²³ Muusee ba gatimaa saluwaa zaaridi denttido wode, GODAI dadaanne shachchaa yeddiis; wolqqanttainne duge sa7au wolqqammiis. GODAI Gibxxe biittan shachchaa yaati bukissiis.

Kessaabaa 9:23 Iomraidhean Croise

Doomettaabaa 19:24

GODAI he wode tamaanne eexxiya dinniyaa Sadoomanne Gamoora bollan GODAA matappe saluwaappe bukissi bayiis.

Iyyooba Maxaafaa 37:13

Xoossai iraa bukissiyoogee biittaa irxxissanaassa, woikko asaa qaxxayanaassa, woikko ba siiquwaa eta bessanaassa.

Mazamure Maxaafaa 147:17

I ba gita shachchaa shuchchaadan duge olees. He meeguwan eqqanau ooninne danddayenna.

Mazamure Maxaafaa 148:8

Inttenoo, wolqqanttau, shachchau, shaarau, cigaarau, a azazuwaa poliya gotiyau, ubbatikka a galatite.

Mazamure Maxaafaa 18:13

Qassi GODAI dadaadan saluwaappe guummiis; Ubbaappe Xoqqiya Xoossai ba cenggurssaa sissiis.

Mazamure Maxaafaa 29:3

GODAA gunttai haattatu bollan siyettees. Bonchcho Xoossai dadaadan guummees; GODAI gita haattatu bollan guummees.

Mazamure Maxaafaa 77:18

Ne dadaa gunttai gotiyaa giddon kooshimmiis; ne wolqqanttaa phoolettai sa7aa poo7issiis. Biittaikka gajigajidi kokkoriis.

Kessaabaa 19:16

Heezzantta gallassi maallado dadaa gunttai siyettiis. Wolqqanttainne sikkida shaarai deriyaa maayidi beettiis; malkkataikka punettiyo wolqqaama cenggurssai siyettiis. Hegaa gishshau, ba de7iyoosan asai ubbai kokkoriis.

Kessaabaa 20:18

Asai ubbai dadai xuuqqiyoogaanne wolqqanttai wolqqammiyoogaa be7iis; malkkataa waasuwaa siyiis; qassi deree cuwattiyoogaakka be7iis; be7idi asai yashshaa kokkoriiddi, haahuwan eqqiis.

Kessaabaa 9:18

Hegaa gishshau, taani wontto hannoode Gibxxee Gibxxe gidoosappe hachchi gakkanaassi mulekka wodhdhi erenna, keehippe gita shachchaa yeggana.

Kessaabaa 9:24

SHachchai wodhdhiis; wolqqanttai yaanne haanne wolqqammiis; Gibxxe biittan kawoi kawotoosappe doommin, Gibxxe biitta ubban wodhdhida shachcha ubbaappe hegee aadhdhiya iita shachcha.

Isiyaasa 30:30

Qassi GODAI ba yashshiya cenggurssaa sissana; a qesee wodhdhidi shociyo shochchaa ba suulliya hanqquwan, miya tamaa lacuwan, gotiyan, uushuwaaninne shachchaa burcciyan qonccissana.

Hizqqeela 38:22

Taani boshaaninne haiquwan a qaxxayana; qassi wolqqaama iraa, shachchaa, eexxiya tamaanne dinniyaa taani a bolli, a olanchchatu bollinne aara de7iya cora kawotettatu bolli bukissana.

Yaasu Maxaafaa 10:11

Beeti-Horoonappe duge Azeeqa efiya ogiyaa oiqqidi eti Israa7eela asaa sinttappe baqatishin, GODAI wolqqaama shachchaa saluwaappe eta bollan bukissiis. Bukissin Israa7eela asai bisuwan worido asaappe, shachchai worido asai qoodan dariis.

Ajjuutaa 16:18

Hegaappe guyyiyan, wolqqanttai wolqqammiis; gunttai siyettiis; dadaikka xuuqqiis. Qassi biittai pala qaattaa qaaxxiis. Asi sa7an merettoosappekka biittai hegaa mala qaattaa qaaxxi erenna; hegee ubbaappe aadhdhida qaatta.

Ajjuutaa 16:21

Asa bolli ishatamu kilo keenaa deexxiya wolqqaama shachchai saluwaappe wodhdhiis. Asai he shachchaa boshaa gishshau, Xoossaa qanggiis; aissi giikko, boshai daro wolqqaama.

Ajjuutaa 8:7

Koiro kiitanchchai ba malkkataa punniis. Punnin suuttaara walakettida shachchainne tamai sa7an bukkiis. Sa7aappe heezzantto kushee xuugettiis; mittaappekka heezzantto kushee xuugettiis; maata ubbaikka xuugettiis.