Kessaabaa 7:16 - Wolaytta Bible

¹⁶ Neeni a, 'GODAI, Ibraawetu Xoossai nena, “Bazzuwan taayyo goinnana mala, ta asaa yedda” yaagidi, tana neekko kiittiis; shin hanno gakkanaashin neeni siyabaakka.

Kessaabaa 7:16 Iomraidhean Croise

Kessaabaa 10:3

Yaagin Muuseenne Aarooni kawuwaakko gelidi a, “GODAI, Ibraawetu Xoossai nena hagaadan yaagees; 'Neeni taayyo azazettennan aude gakkanaassi ixxuutee? Taayyo oottana mala ta asaa yedda.

Kessaabaa 13:15

Gibxxe kawoi dammidi nuna yeddennan ixxin, GODAI Gibxxe biittan de7iya baira ubbaa, asaappe doommidi mehiyaa bairaa gakkanaassi woriis. Taani aayi uloppe koiro yelettida attumaa ubbaa GODAASSI yarshshiyoogeenne ta baira attuma naata taani woziyoogee hegaassa' yaaga.

Kessaabaa 14:5

Asai baqatiichchidoogaa Gibxxe kawuwaayyo yootin, inne a sunttati Israa7eelatuyyo qoppido bantta qofaa laammidi, “Nuuni hagaa waatiyoonii? Nuuni Israa7eelata yeddidi, eti nuuyyo oottiyo wolqqaappe mela attida” yaagidosona.

Kessaabaa 3:12

Yaagin Xoossai a, “Taani nenaara gidana; qassi taani nena kiittidoogau malaatai hagaa: neeni he asaa Gibxxeppe kessido wode, ha deriyaa bollan intte Xoossau goinnana” yaagiis.

Kessaabaa 3:13

Muusee Xoossaa, “Gido shin, taani Israa7eelatukko baada, eta, 'Intte aawatu Xoossai tana inttekko kiittiis' yaagin, eti tana, 'A sunttai oonee?' yaagidi oichchikko, he wode taani etayyo woiga yootanee?” yaagiis.

Kessaabaa 3:18

“Israa7eela cimati ne qaalaa siyana; hegaappe guyyiyan neeninne he cimati Gibxxe kawuwaakko biidi a, 'GODAI, Ibraawetu Xoossai, nunaara gaittiis. Ha77i nuuni heezzu gallassa ogiyaa bazzo hemetti biidi, GODAASSI, nu Xoossaassi, yarshshuwaa yarshshana mala nuna yedda' yaagite.

Kessaabaa 4:22

He wode taani GODAI giyoobaa kawuwaassi hagaadan yaagada oda; '“Israa7eeli ta baira na7aa.

Kessaabaa 4:23

I taayyo goinnana mala, ta na7aa neeni yeddana mala, taani neeyyo yootaas; shin neeni a yeddennan ixxadasa; hegaa gishshau, taani ne baira attuma na7aa worana” yaagees' yaagada oda” yaagiis.

Kessaabaa 7:4

i intte yootiyoobaa siyenna. He wode taani ta kushiyaa Gibxxetu bolli denttana; taani ta citaa, ta asaa Israa7eela wolqqaama pirddan Gibxxeppe kessana.

Kessaabaa 8:1

Hegaappe guyyiyan GODAI Muusa, “Ba; Gibxxe kawuwaakko baada, 'GODAI hagaadan yaagees; “Taayyo goinnana mala, ta asaa yedda.

Kessaabaa 8:20

GODAI Muusa, “Guurada denddada, kawoi shaafaa biishin aara gaitta; gaittada neeni a, 'GODAI yaagees; “Taayyo oottana mala, ta asaa yedda;

Kessaabaa 9:1

GODAI Muusa hagaadan yaagiis; “Ba; Gibxxe kawuwaakko baada, 'GODAI, Ibraawetu Xoossai nena, “Eti taayyo goinnana mala ta asaa yedda” yaagees.

Kessaabaa 9:13

Hegaappe guyyiyan GODAI Muusa, “Guuran denddada baada, kawuwaara gaitta; gaittada a, 'GODAI, Ibraawetu Xoossai nena, “Taayyo goinnana mala ta asaa yedda.

Isiyaasa 45:13

Taani Qiiroosa xillotettan denttaas; a ogiyaa ubbaakka suure oottana. Miishsha qanxxennan, woikko mattaaye immennan, i ta katamaa keexxana; ta asaakka omooduwaappe kessana' yaagees. Taani Ubbaappe Wolqqaama GODAI hagaa odais” yaagees.

Ermmaasa 50:33

Ubbaappe Wolqqaama GODAI hagaadan yaagees; “Israa7eela asainne Yihudaa asai issippe naaqettiis. Eta omooddidi efiidaageeti eta wolqqappe mintti oiqqidosona; oiqqidi yeddennan diggidosona.