Kessaabaa 7:14 - Wolaytta Bible

¹⁴ GODAI Muusa, “Kawuwaa wozanai dammiis; asaa i yeddennan ixxiis.

Kessaabaa 7:14 Iomraidhean Croise

Kessaabaa 10:1

Hegaappe guyyiyan Muusa GODAI hagaadan yaagiis; “Gibxxe kawuwaakko ba; aissi giikko, taani Gibxxeta waata qaxxayidaakkonne ta gita malaataa eta giddon waata oottidaakko intte intte naatussinne intte naatu naatussi yootana mala, qassi inttekka taani GODAA gidiyoogaa erana mala, ta gita malaataa eta giddon oottanau a wozanaanne a sunttatu wozanaa taani dammissa wottaas” yaagiis.

Kessaabaa 10:20

Gidikkonne, GODAI kawuwaa wozanaa dammissido gishshau, Israa7eelata yeddennan ixxiis.

Kessaabaa 10:27

SHin GODAI kawuwaa wozanaa dammissiis; dammissin i eta yeddanau koyibeenna.

Kessaabaa 10:4

Neeni eta yeddennan ixxikko, ne biittaa bolli taani wontto booliyaa ehaana;

Kessaabaa 3:19

SHin Wolqqaama kushee a wolqqan yedissana xayikko, Gibxxe kawoi inttena yeddennaagaa taani erais.

Kessaabaa 4:23

I taayyo goinnana mala, ta na7aa neeni yeddana mala, taani neeyyo yootaas; shin neeni a yeddennan ixxadasa; hegaa gishshau, taani ne baira attuma na7aa worana” yaagees' yaagada oda” yaagiis.

Kessaabaa 7:13

Gidikkonne GODAI yootidoogaadankka kawuwaa wozanai dammiis; i eta oduwaa siyennan ixxiis.

Kessaabaa 7:15

Kawoi haattau biyo wode, guurada neeni akko ba; baada aara gaittanau neeni Naile SHaafaa doonan eqqa; shooshshau laamettida gatimaa oiqqa ekkada ba.

Kessaabaa 8:11

He shodhdheti neeppe, ne keettaappe, ne sunttatuppenne ne asaappe xayana; eti Naile SHaafaa xalaalan attana” yaagiis.

Kessaabaa 8:15

SHin kawoi peeqaa demmido wode a wozanai dammiis; GODAI yootidoogaadankka, i Muuseenne Aarooni odido oduwaa siyennan ixxiis.

Kessaabaa 8:2

Neeni eta yeddennan ixxikko, taani ne biitta ubban shodhdhiyaa boshaa yeddana.

Kessaabaa 9:2

Neeni yeddennan ixxada, eta oiqqa uttiyaabaa gidikko,

Kessaabaa 9:34

SHin kawoi irai, shachchainne dadai aggidoogaa be7ido wode zaaridikka nagaraa oottiis; ikka a sunttatikka bantta wozanaa dammissidosona.

Kessaabaa 9:7

Kawoi ha yohuwaa paaccanau asa kiittidi, Israa7eelatu mehiyaappe, harai atto, issoinne haiqqibeennaagaa eriis. Gidikkonne kawuwaa wozanai dammidosaappe simmennan ixxin, asaa yeddennan diggiis.

Isiyaasa 1:20

SHin intte ixxis giidi makkalikko, bisuwan meetettana” yaagees. GODAI ba doonaappe hagaa haasayisttennee.

Ermmaasa 8:5

Yaatin, ha asai aissi wora biidee? Yerusalaamee aissi ubbatoo wora bii? Eti cimuwaa baqqi oiqqidosona; haa simmennan ixxidosona.

Ermmaasa 9:6

Neeni cimo giddon de7aasa. Eti bantta cimuwan tana erennan ixxidosona” yaagees.

Zakkaariyaasa 7:12

Ubbaappe Wolqqaama GODAI ba Ayyaanan kase ba hananabaa yootiyaageetu baggaara kiittido higgiyaanne qaalaa siyenna mala, eti bantta wozanaa zaallaadan minttidosona. Hegaa gishshau, Ubbaappe Wolqqaama GODAA matappe gita hanqqoi eta bolli yiis.

Zaarettido Wogaa 2:30

“SHin Haseboona Kawoi Sihooni nuna kanttissennan diggiis. Aissi giikko, GODAI intte Xoossai hachchi intte be7iyoogaadan, a intte kushiyan aattidi immanau a wozanaa minttidi, a morgge zozza oottiis.

Ibraawe 12:25

Intteyyo yootiya uraa yohuwaa ezggiyoogaa intte ixxenna mala, inttena naagite. Xoossaa kiitaa sa7an banttau yootiyaagee yootiyoogaa ezggennan ixxidaageeti kessi ekkana xayikko, saluwan, “Inttena naagite” giya Xoossaappe nuuni waanidi kessi ekkanee?

Sameela Maxaafaa Koiruwaa 6:6

Gibxxe asatinne eta kawoi zoriyaa ekkennan ixxidoogaadan, intte aissi zoriyaa ekkennan ixxeetii? GODAI eta iissidi qaxxayin, eti Israa7eelata bantta ogiyaa baana mala yeddibookkonaayye?