Kessaabaa 6:7 - Wolaytta Bible

⁷ Taani inttena ta huuphe asadan ekkananne taani intte Xoossaa gidana. He wode intte taani GODAA intte Xoossaa inttena Gibxxetu ailletettaappe kessidaagaa gidiyoogaa erana.

Kessaabaa 6:7 Iomraidhean Croise

Doomettaabaa 26:3

Ha biittan amaridaagaa takkashsha; taani nenaara gidana; nena anjjana; aissi giikko, ha biittaa ubbaa taani neeyyoonne ne zerettaayyo immana; taani ne aawaa Abrahaamayyo caaqqido caaquwaa minttana.

Doomettaabaa 28:13

gayyiyaassi bolla xeeran GODAI eqqidi a, “Taani GODAA, ne aawaa Abrahaama Xoossaa, Yisaaqa Xoossaa. Ha neeni zin77ido biittaa neeyyoonne ne zerettaayyo immana;

Kawotu Maxaafaa Koiruwaa 20:28

Xoossaa asa giyo issi bitanee pude yiidi, Israa7eela kawuwaa, “GODAI hagaadan yaagees; 'Sooriyaa asati, “GODAI deretu Xoossaa gidiyoogaappe attin dembbatu Xoossaa gidenna” yaagido gishshau, ha kenchchechcha olanchchata ubbaa taani ne kushiyan aatta immana. He wode taani GODAA gidiyoogaa neeninne ne asai erana' yaagees” yaagiis.

Kawotu Maxaafaa Koiruwaa 8:60

Hegeenne, sa7an de7iya asai ubbai GODAI Xoossaa gidiyoogaanne appe attin hara xoossi bainnaagaa eranaassa.

Nahimiyaa Maxaafaa 1:10

“Hageeti neeni ne gita wolqqaaninne ne mino qesiyan woza ekkido ne ashkkaratanne ne asata.

Mazamure Maxaafaa 100:3

GODAI Xoossaa gidiyoogaa erite; nuna medhdhidaagee a; nuuni aageeta. Nuuni a asatanne a qooruwan de7iya dorssata.

Mazamure Maxaafaa 81:6

“Intte hashiyaappe toohuwaa wottaas; intte kushiyaa keshiyaappe shemppissaas.

Kessaabaa 13:14

Sinttaara yaana wodiyan ne na7ai nena, 'Hagee aibee?' yaagidi oichchikko, neeni a, 'GODAI nuna wolqqaama kushiyan Gibxxeppe, ailletettaa biittaappe kessiis;

Kessaabaa 13:3

Hegaappe guyyiyan Muusee asaa, “Gibxxeppe, ailletettaa biittaappe intte kiyido gallassaa, ha gallassaa hassayite; aissi giikko, GODAI ba wolqqaama kushiyan inttena kessiis; hegaa gishshau, irshshoi gelidobaa aibanne mooppite.

Kessaabaa 14:18

Taani kawuwaa baggaara, a para gaaretu baggaaranne a paraasatu baggaara taayyo bonchchuwaa demmido wode, taani GODAA gidiyoogaa Gibxxeti erana” yaagiis.

Kessaabaa 14:4

Taani kawuwaa wozanaa dammissana; i eta yedettana; taani kawuwaa baggaaranne a olanchchatu ubbaa baggaara bonchchettana; Gibxxetinne taani GODAA gidiyoogaa erana” yaagiis. Yaagin Israa7eelati i yootidoogaadan oottidosona.

Kessaabaa 15:16

Dagamainne yashshai eta oiqqiis. Abeet GODAU, eti ne wolqqaa gitatettaa be7idi, ne asai aadhdhana gakkanaassi, neeni wozido asai aadhdhana gakkanaassi, shuchchadan tolettidi eqqidosona.

Kessaabaa 15:2

GODAI ta wolqqaanne ta mazamuriyaa; i tana ashshiyaagaa gidiis. I ta Xoossaa; taani a sabbana. I ta aawaa Xoossaa; taani a xoqqu xoqqu oottana.

Kessaabaa 16:6

Hegaa gishshau, Muuseenne Aarooni Israa7eela asa ubbaayyo, “Inttena Gibxxe biittaappe kessidaagee GODAA gidiyoogaa omarssi intte erana;

Kessaabaa 2:11

Muusee diccidi gitaa gididi, issi gallassi ba asai de7iyoosaa biis; biidi eti deexo ooso oottishin eta xeelliis. Gibxxe biittaa asa issoi a asatuppe, Ibraawetuppe issuwaa wadhdhishin be7iis.

Kessaabaa 6:6

“Hegaa gishshau, neeni Israa7eelata, 'Taani GODAA; taani inttena Gibxxetu naaquwaappe kessana; taani inttena eta ailletettaappekka goqa kessana; qassi taani inttena ta gita wolqqaaninne hanttaara pirddan wozana.

Kessaabaa 7:17

GODAI, “Taani GODAA gidiyoogaa neeni hagan erana” yaagees. Taani Naile SHaafaa haattaa ta kushiyan de7iya gatiman shocana; shocin haattai suuttau laamettana.

Isiyaasa 49:23

Kawoti nena dichchiya aawata gidana; eta macca kawotikka nena xanttiyaageeta gidana. Eti gufannidi, neessi goinnana; qassi ne tohuwaa baanaakka laaccana. Taani GODAA gididoogaa neeni hegan erana; tanan ammanettidi naagiyaageeti yeellatokkona” yaagees.

Isiyaasa 49:26

Nena huqqunniyaageeti bantta ashuwaa maanaadan, taani oottana; qassi woine eessaa uyidi mattottiyoogaadan, eti bantta suuttaa uyidi mattottana. Yaatobare asa ubbai taani GODAA, nena Ashshiyaagaa, Woziyaagaanne, Yaaqooba Wolqqaama gidiyoogaa hegan erana” yaagees.

Isiyaasa 51:15

Aissi giikko, taani GODAA ne Xoossaattennee. Dambbalai waassanaadan, abbaa qaattais. Ta sunttai Ubbaappe Wolqqaama GODAA.

Isiyaasa 60:16

Neeni kawotettatu maattaa uyana; kawotu xanttaakka xammana. Hegaappe guyyiyan, taani GODAI nena Ashshiyaagaa; Woziyaagaanne, Yaaqooba Wolqqaamaa gidiyoogaa neeni erana.

Isiyaasa 63:8

GODAI odiiddi, “Eti tumu ta asatanne ta naata gidiyo gishshau, tana cimmanau koyokkona” yaagiis. Hegaa gishshau, i eta Ashshiyaagaa gidiis.

Ermmaasa 30:22

Hegaa gishshau, intte ta asa gidana; taanikka intte Xoossaa gidana” yaagees.

Ermmaasa 31:33

SHin taani GODAI he gallassatuppe guyyiyan Israa7eela asaara maacettana maachchai hagaa: taani ta higgiyaa eta giddon wottana; qassi eta wozanankka xaafana. Taani eta Xoossaa gidana; qassi etikka ta asa gidana.

Hizqqeela 20:19

Taani GODAA intte Xoossaa. Ta wogaadan hemettite; ta higgiyaakka naagite.

Hoose7a 1:10

“Israa7eela asai makkanaunne qoodanau danddayettenna abbaa shafe keena gidana. Etau, 'Intte ta asa gidekketa' geetetti odettidosan, 'Intte de7o Xoossaa naata' geetettana.

Wogaabaa 11:44

Taani, GODAI, intte Xoossaattennee. Taani geeshsha gidiyo gishshau, inttekka inttena dummayidi, geeshsha gidite. Sa7aara gooshettiyaabatun intte asatettaa tunissoppite.

Wogaabaa 11:45

Aissi giikko, taani intte Xoossaa gidanau, inttena Gibxxe biittaappe kessida GODAATTENNEE. Hegaa gishshau, taani geeshsha gidiyo gishshau, inttekka geeshsha gidite' yaagite” yaagiis.

Zakkaariyaasa 13:9

Ha attida heezzantto kushe asaa taani taman yeggana; yeggada birai taman geeyiyoogaadan, eta geeshshana; qassi worqqai paacettiyoogaadankka paaccana. Hegaappe guyyiyan, eti ta sunttan woossana; taanikka etayyo siyana. Taani, 'Hageeti ta asata' yaagana. Etikka, 'GODAI nu Xoossaa' yaagana” yaagees.

Qoodaabaa 15:41

Taani GODAA, intte Xoossaattennee; taani intte Xoossaa gidanau, inttena Gibxxeppe kessaas. Taani GODAA, intte Xoossaa' yaaga” yaagiis.

Roome 8:31

Yaatin, nuuni hagaa ubbaa woiganee? Xoossai nu bagga gidikko, nuna oonee qohanai?

Zaarettido Wogaa 14:2

Aissi giikko, intte GODAASSI, intte Xoossaassi, geeshsha asa; GODAI inttena ba asa gidanaadan, biittan de7iya asa ubbaappe dooridi wottiis.

Zaarettido Wogaa 26:18

Qassi GODAIKKA ba gelido qaalaadan neeni a asa gidiyoogaa, ayyo buzo aqo gidiyoogaanne neeni a azazo ubbaa naaganaagaa erissiis.

Zaarettido Wogaa 29:12

GODAARA, intte Xoossaara, qaalaa caaquwaa gelanau, GODAARA maachchan maayidobaa polanau giigidi shiiqideta.

Zaarettido Wogaa 29:13

GODAI inttena ba asa oottidi minttana; intteyyoonne beni intte maizza aawatuyyo, Abrahaamayyo, Yisaaqayyoonne Yaaqoobayyo gelido maachchaa qaalaadan, i intteyyo Xoossaa gidana.

Zaarettido Wogaa 29:5

GODAI oitamu laittaa kumettaa inttena biittaa bazzuwan kaalettiyo wode, intte maayoi intte bollaappe wuribeenna, intte caammaikka intte tohuwaappe wuribeenna.

Zaarettido Wogaa 4:20

SHin GODAI inttena hachchi intte gidiyoogaadan, baayyo dummatida asa oottanau birata cooce mala gidiya Gibxxeppe kessidi ehiis.

Zaarettido Wogaa 7:6

Aissi giikko, intte GODAAYYO, intte Xoossaayyo, geeshsha asa. GODAI intte Xoossai inttena baayyo dumma asa oottidi, biittaa bollan de7iya asa ubbaappe dooriis.

Ibraawe 11:16

eti hegaa aggidi, lo77iya biittaa laamotoosona; hegee saluwaa biittaa. Hegaa gishshau, Xoossai eta Xoossaa geetettanau yeellatenna. Aissi giikko, i etau katamaa giigissi wottiis.

Koiro PHeexiroosa 2:10

Intte kase Xoossaa asa gidekketa; shin ha77i intte a asa; intte kase maarotettaa ekkibeekketa; shin ha77i maarotettaa ekkideta.

Ajjuutaa 21:3

Gita cenggurssai araataappe hagaadan yaagidi, haasayishin, taani siyaas; “Xoossaa keettai asaara de7ees; Xoossai asaara issippe de7ana. Eti a asa gidana; Xoossai ba huuphen etaara de7ana. I eta Xoossaa gidana.

Ajjuutaa 21:7

Xooniya urai ooninne hagaa ubbaa laattana. Taani ayyo Xoossaa gidana; ikka ta na7a gidana.