Kessaabaa 32:34 - Wolaytta Bible

³⁴ Ha77i baada, ha asaa taani neeyyo yootido sohuwaa kaaletta; ta kiitanchchaikka nena kaalettana; shin taani qaxxayanau wodee gakkin, eta eta nagaraa gishshau qaxxayana” yaagiis.

Kessaabaa 32:34 Iomraidhean Croise

Mazamure Maxaafaa 99:8

Abeet GODAU, nu Xoossau, neeni eta woosaa siyadasa. Neeni eta iitatettaa gishshau qaxxayidabaa gidikkokka, etau atto giida Xoossaa.

Kessaabaa 15:17

Neeni eta ehaada, ne buzo gaden de7iya deriyaa huuphiyan tokkana. Abeet Godau, he sohoi neeni neeyyo de7anau oottido soho. Abeet Godau, he geeshsha sohoi neeni ne kushiyan minttada essido soho.

Kessaabaa 20:5

Etayyo hokkoppa woikko etayyo goinnoppa. Aissi giikko, taani, GODAI ne Xoossai qanaatiya Xoossaa; tana ixxiyaageeta aawatu nagaraa gishshau, naata heezzantto yeletaanne oiddantto yeletaa gakkanaassi qaxxayiyaagaa.

Kessaabaa 23:20

“Ne ogiyan nena naagana malanne taani neeyyo giigissido sohuwaa nena efaana mala, taani kiitanchchaa ne sinttau kiittana.

Kessaabaa 3:17

Taani inttena Gibxxe biittaa tuggaappe kessada, pude maattainne eessai goggiyo Kanaanetu, Hiitetu, Amooretu, Parzzetu, Hiiwetunne Yaabuusatu biitti efaana ga uttaas” yaagiis' yaaga.

Kessaabaa 33:12

Muusee GODAA hagaadan yaagiis; “Neeni tana, 'Ha asaa kaaletta' yaagadasa; shin tanaara neeni oona kiittiyaakko, tana erissabaakka. Neeni, 'Taani nena sunttan erais; neeni tanan nashettadasa' yaagadasa.

Kessaabaa 33:2

Taani intte sinttan kiitanchchaa kiittada, Kanaaneta, Amooreta, Hiiteta, Parzzeta, Hiiwetanne Yaabuusata yedettana.

Isiyaasa 63:9

Eta waayee ubban i waayettiis. A sintta kiitanchchai eta ashshiis. I eta ba siiquwaaninne ba maarotan woziis. Kase aadhdhida wodetu ubban i eta denttidi tookkiis.

Ermmaasa 14:10

Ha asatubaa GODAI hagaadan yaagees; “Eti toilattiyoogaa keehippe siiqoosona; bantta tohuwaa teqqokkona. Hegaa gishshau, GODAI etan ufaittenna. I eta iita oosuwaa hassayidi, eta nagaraa gishshau, eta qaxxayana” yaagees.

Ermmaasa 23:2

GODAI Israa7eela Xoossai ba asaa heemmiya henttanchchatubaa hagaadan yaagees; “Intte ta dorssata laalidi, wora yedettideta. Intte eta xomoosibeenna gishshau, taani intte oottido iitatettau ubbau inttena qixaatiyaara xomoosana.

Ermmaasa 5:29

Yaatin, taani GODAI eta hegaa gishshau, qaxxayanau bessikkinaa? Hagaa mala kawotettaa bolli ta haluwaa kessanau bessikkinaa?” yaagees.

Ermmaasa 5:9

Tumu taani ha yohotu gishshau, eta qaxxayanau bessikkinaa? Hagaa mala kawotettaassi ta haluwaa kessikkinaa?” yaagees.

Hoose7a 8:13

Eti yarshshanau dosoosona; yarshshuwaa ashuwaakka moosona; shin GODAI etan ufaittibeenna. I ha77i eta mooruwaa hassayana; qassi eta nagaraa gishshaukka eta qaxxayana; eti Gibxxe biitti baana.

Amoxa 3:14

Taani Israa7eela asaa eta nagaraa gishshau qaxxayiyo gallassi, Beeteele kataman de7iya yarshshiyo sohota kolana; yarshshiyo sohuwan de7iya kacetikka me77idi, sa7an wodhdhana.

Amoxa 3:2

“Sa7an de7iya asa ubbaappe taani intte xalaalaa dooraas. Hegaa gishshau, intte oottido nagara ubbaassi taani inttena qaxxayana” yaagees.

Qoodaabaa 20:16

Huqqunnin nuuni GODAASSI waassin, nu waasuwaa siyidi, kiitanchchaa kiittidi, nuna Gibxxeppe kessiis. Ha77i nuuni ne biittaa gaxan de7iya Qaadeesa kataman de7oos.

Maatiyoosa 23:35

Hegaa gishshau, xilluwaa Aabeela woroosappe doommidi, Beeta Maqidasiyaappenne yarshshiyoosaappe gidduwan intte worido Baraakiyaa na7aa Zakkaariyaasa wodiyaa gakkanaassi, haiqqida xillo ubbatu suuttaa gishshau, intte qaxxayettana.

Zaarettido Wogaa 32:35

Eta bashshaa gallassai matattiis; eta bolli gakkanabai eesotees. He wode eta gedee xubettana. Taani etau haluwaa kessananne kushiyaa zaarana' yaagiis.