Kessaabaa 3:7 - Wolaytta Bible

⁷ GODAI qassikka hagaadan yaagiis; “Taani Gibxxe biittan ta asai tuggatiyo tuggaa geeshsha be7ada, eti bantta kaabbotuppe waassiyo waasuwaa siyada, taani eta waayiyaa qoppaas.

Kessaabaa 3:7 Iomraidhean Croise

Doomettaabaa 16:11

Qassikka GODAA kiitanchchai o, “Ha77i neeni shahaara; neeni attuma na7a yelana; yelada a Isimaa7eela gaada sunttana; aissi giikko, GODAI ne waasuwaa siyiis.

Doomettaabaa 21:17

Xoossai na7aa waasuwaa siyiis; Xoossaa kiitanchchai Aggaaro saluwaappe xeesidi, “Aggaaree, waanadii? Xoossai na7ai zin77idosan waassiyoogaa siyido gishshau yayyoppa;

Doomettaabaa 29:32

Liya shahaarada attuma na7aa yelaasu. A sunttaanne Roobeela sunttaasu; aissi giikko a, “GODAI ta metuwaa be7iis; ha77i tumu tana ta azinai siiqana” yaagaasu.

Doomettaabaa 31:12

Koyin tana i, 'Xoqqu gaada wudiyaa birassiya deeshsha orgge ubbaa kalaadiyaa, punccariyaanne gazzaa be7a; aissi giikko, Laabaani ne bolli oottiyoobaa ubbaa taani be7aas.

Doomettaabaa 31:42

Ta aawaa Xoossai, Abrahaama Xoossai, Yisaaqi Yayyidoogee tanaara gidibeennabaa gidiyaakko, siree bainnan neeni tana mela kushe kessa yeddadasa; shin Xoossai ta tuggaanne ta kushiyaa oosuwaa be7idi, zino qammi nena seeriis” yaagiis.

Sameela Maxaafaa Naa77anttuwaa 22:28

Banttana ziqqissiyaageeta ashshaasa; shin banttana xoqqissiyaageeta ziqqissanau neeni eta xeellaasa.

Kawotu Maxaafaa Naa77anttuwaa 13:4

Hegaappe guyyiyan, Yo7akaazi GODAA woossiis. Woossin GODAI ayyo siyiis; aissi giikko, Sooriyaa kawoi Israa7eela ai mala iita huqqunnaa huqqunnidaakko GODAI be7iis.

Kawotu Maxaafaa Naa77anttuwaa 20:5

Yiidi, “Guyye simmada ba; baada ta asaa kaalettiya Hizqqiyaasayyo hagaadan yaagada oda; 'GODAI, ne maizza aawaa Daawita Xoossai hagaadan yaagees; “Taani ne woosaa siyaas; ne afuttaakka be7aas. Taani nena pattana; heezzu gallassaappe guyyiyan, neeni pude GODAA Beeta Maqidasiyaa baana.

Nahimiyaa Maxaafaa 9:9

“Neeni kase nu maizza aawata Gibxxe biittan gakkida tuggaa be7adasa; qassi Zo7o Abbaa giyo abbaa matan de7iiddi eti, 'Nuna maaddarkkii!' yaagidi waassido waasuwaakka siyadasa.

Mazamure Maxaafaa 106:44

Gidikkonne, i eti waassido waasuwaa siyidi, eta waayiyaa qoppiis.

Mazamure Maxaafaa 12:6

GODAA qaalati walahi bainna geeshshata; coociyaa taman laapputoo tigettida biraadan geeyidaageeta.

Mazamure Maxaafaa 142:3

Taani hitido wode, neeni ta ogiyaa eraasa. Taani hemettiyo ogiyan taayyo gitiyaa qotti wottidosona.

Mazamure Maxaafaa 145:19

I baayyo yayyiyaageetu ubbaayyo amuwaa kunttees. Qassi i eta waasuwaa siyidi, eta ashshees.

Mazamure Maxaafaa 22:24

I naaqettidaageeta karenna; eta gakkida qohuwaa tau ai metoo geenna. Bari som77uwaa etappe genttenna; shin eti maaduwaassi akko waassiyo wodiyan, eta waasuwaa siyees.

Mazamure Maxaafaa 34:4

Taani GODAA koyaas; koyin i taayyo zaariis; taani yayyiyoobaa ubbaappe tana i ashshiis.

Mazamure Maxaafaa 34:6

Ha hiyyeesa bitanee waassiis; waassin GODAI a waasuwaa siyiis; a metuwaa ubbaappe a ashshiis.

Mazamure Maxaafaa 35:22

Abeet GODAU, neeni hagaa be7adasa; co77u gooppa. Abeet Godau, neeni taappe haakkoppa.

Kessaabaa 1:11

Hegaa gishshau, deexo oosuwan eta tuggayana mala, eta bolli meqetti bainna kaabbota sunttidosona. Eti kawuwaayyo Piitoomanne Raamisa giyo aibakko minjjiyo katamata keexxidosona.

Kessaabaa 1:8

Hegaappe guyyiyan, Yooseefa erenna ooratta kawoi Gibxxe biittan denddiis.

Kessaabaa 22:23

Intte eta un77in, eti taakko waassikko,

Kessaabaa 33:13

Neeni tana nashshidabaa gidikko, taani nena erana malanne sinttanaukka nenan nashettada daana mala, ne ogiyaa tana tamaarissa. Ha asai ne asaa gidiyoogaa hassaya” yaagiis.

Kessaabaa 5:10

Hegaappe guyyiyan, he kaabbotinne he sunttati kiyidi asaa, “Kawoi hagaadan yaagees; 'Simmi taani intteyyo mulekka utulaa immikke;

Kessaabaa 5:6

Kawoi he gallassi Gibxxetu kaabbotanne Israa7eelatu daguwaa sunttata azaziiddi,

Isiyaasa 63:9

Eta waayee ubban i waayettiis. A sintta kiitanchchai eta ashshiis. I eta ba siiquwaaninne ba maarotan woziis. Kase aadhdhida wodetu ubban i eta denttidi tookkiis.

Qoodaabaa 20:16

Huqqunnin nuuni GODAASSI waassin, nu waasuwaa siyidi, kiitanchchaa kiittidi, nuna Gibxxeppe kessiis. Ha77i nuuni ne biittaa gaxan de7iya Qaadeesa kataman de7oos.

Yesuusi Kiittidoogeetu Oosuwaa 7:34

Taani Gibxxen de7iya ta asaa waayiyaa geeshsha be7ada, qassi eta ooliyaakka siyada, eta ashshanau wodhdhaas. Ha77i haa ya. Taani nena Gibxxe kiittana’ yaagiis.

Ibraawe 4:15

Aissi giikko, nu qeese ubbatu halaqai nuuni daafuriyo wode nuuyyo qarettanau danddayees; nagara i oottibeennaagaappe attin, nunadan ubbabankka paacettiis.

Sameela Maxaafaa Koiruwaa 9:16

“Wontto hannoode Biniyaama biittaappe issi bitaniyaa taani neekko yeddana; i ta asaa Israa7eela kaalettana mala a tiya; ta asaa Pilisxxeema asatu kushiyaappe i ashshana; aissi giikko, ta asaa waasoi taakko gakkin, taani eta xeellaas” yaagiis.