Kessaabaa 3:20 - Wolaytta Bible

²⁰ Hegaa gishshau, taani ta kushiyaa yeddada, eta giddon taani oottiyo ta malaatatu ubban Gibxxeta shocana. Hegaappe guyyiyan i inttena yeddana.

Kessaabaa 3:20 Iomraidhean Croise

Doomettaabaa 15:14

SHin ailleyidi eta haariya kawotettaa taani qaxxayana; hegaappe guyyiyan, eti daro aquwaara he biittaappe kiyana.

Nahimiyaa Maxaafaa 9:10

Gibxxe kawoi, a biittaa halaqatinne he biittaa asai ubbai Israa7eela asaa bollan otorettido gishshau, eta bollan malaataanne maalaalissiyaabaa oottadasa. Hegaappe denddidaagan, hachchi gakkanaashin, ne sunttai bonchchuwan xeegettanaadan oottadasa.

Mazamure Maxaafaa 105:27

Eti Gibxxe asatu sinttan Xoossaa malaataa, eta biittan oorattabaa oottidosona.

Mazamure Maxaafaa 105:38

Gibxxe asati etau daro yayyido gishshau, eti kiyidoogaa ufaittidosona.

Mazamure Maxaafaa 106:22

Kaama biittan maalaalissiyaabaanne, Zo7o Abban, “Hoola!” giissiyaabaa oottidaagaa.

Kessaabaa 11:1

Muusessi GODAI, “Taani Gibxxe kawuwaa bollinne a asaa bolli issi hara bosha yeddana; hegaappe guyyiyan i inttena ha biittaappe kessi yeddana; kessiiddi i inttena issoinne attennan ubbaakka yedettana.

Kessaabaa 12:39

Gibxxeppe eti ekkidi kiyido munaqaa irshshoi gelibeennaagaa oittaa uukkidosona; aissi giikko, eti Gibxxeppe dirbban kiyidosona; banttau shinqqe kattanaukka, munaqi denddin uukkanaukka eta gattibeenna.

Kessaabaa 13:3

Hegaappe guyyiyan Muusee asaa, “Gibxxeppe, ailletettaa biittaappe intte kiyido gallassaa, ha gallassaa hassayite; aissi giikko, GODAI ba wolqqaama kushiyan inttena kessiis; hegaa gishshau, irshshoi gelidobaa aibanne mooppite.

Kessaabaa 13:9

GODAI inttena ba wolqqaama kushiyan Gibxxeppe kessido gishshau, GODAA higgee intte doonaappe wodhdhennaadan, ha bonchchettiya ayyaana gallassai ne kushiyan qachchidonne ne merchchiyan wottido hassayissiyaabaa mala gidana.

Kessaabaa 15:11

Abeet GODAU, Xoossatu giddon ne malai oonee? Geeshshatettan bonchchettiyaabi, bonchchuwan yayettiyaabi, garamiyaabaa oottiyaabi ne malai oonee?

Kessaabaa 15:6

“Abeet GODAU, ne ushachcha kushee wolqqan goobidaagaa; GODAU, ne ushachcha kushee morkkiyaa mentterettiis.

Kessaabaa 4:21

GODAI Muusa, “Neeni Gibxxe simmada biyo wode, taani neeyyo immido wolqqan neeni oottana malaatata ubbaa Gibxxe kawuwaa sinttan neeni oottanaagaa baloppa. Yaaninkka asaa i yeddenna mala, taani a wozanaa dammissana.

Kessaabaa 6:1

Hegaappe guyyiyan GODAI Muusa, “Taani Gibxxe kawuwaa oottanabaa neeni ha77i be7ana; ta wolqqaama kushiyaa gaasuwan i eta yeddana; ta wolqqaama kushiyaa gaasuwan i eta ba biittaappe laaggidi kessana” yaagiis.

Kessaabaa 6:6

“Hegaa gishshau, neeni Israa7eelata, 'Taani GODAA; taani inttena Gibxxetu naaquwaappe kessana; taani inttena eta ailletettaappekka goqa kessana; qassi taani inttena ta gita wolqqaaninne hanttaara pirddan wozana.

Kessaabaa 9:15

Taani hannoode ta kushiyaa yeddada, nenanne ne asaa boshan ha sa7aa bollappe mulluccu oottargganashin.

Isiyaasa 19:22

GODAI Gibxxe shocana; shocananne pattana. Etikka GODAAKKO simmana; ikka eta watiwatuwaa siyidi, eta pattana.

Isiyaasa 26:11

Abeet GODAU, neeni ne kushiyaa xoqqu oottadasa; shin eti be7okkona. Ne asau neeni mishettiyo mishuwaa be7idi yeellatona. Neeni ne morkketuyyo wottido tamai eta mi xaisso.

Hizqqeela 20:33

“'“Taani Ubbaa Haariya GODAI ta de7uwan caaqqais: Taani ta mino qesiyan, ta yeddido kushiyaaninne ta gussido hanqquwan intte bolli kawotana.

Mikiyaasa 7:15

GODAI, “Intte Gibxxe biittaappe kiyido wodiyaadan, taani inttena maalaalissiyaabaa bessana” yaagees.

Yesuusi Kiittidoogeetu Oosuwaa 7:36

He Muusee Israa7eelata Gibxxe biittan Zo7o Abbaaninne bazzuwan, oitamu laittau oorattabaanne Xoossai oottiyo malaataa oottiiddi, Gibxxeppe kaalettiis.

Zaarettido Wogaa 4:34

Woikko GODAI intte Xoossai intte xeellishin, Gibxxe biittan intteyyo oottidoogaadan, paaciyan, malaatan, maalaalissiyaaban, olan wolqqaama kushiyaaninne micettida qesiyan, qassi gita yashshan hara kawotettaa giddo gelidi, issi kawotettaa baayyo ekkanau baaxetida hara xoossi de7ii?

Zaarettido Wogaa 6:22

Qassi GODAI nu xeellishin, Gibxxe biittaa bollan, Gibxxe kawuwaa bollaaninne a sunttatu ubbaa bollan gitanne yashshiya malaatatanne maalaalissiyaabata oottiis.

Daannatu Maxaafaa 6:8

GODAI etakko issi hananabaa yootiyaagaa kiittiis. Kiittin hananabaa yootiyaagee eta, “GODAI Israa7eela Xoossai hagaadan yaagees; 'Gibxxeppe, ailletetta biittaappe taani inttena kessaas.

Daannatu Maxaafaa 8:16

Hegaappe guyyiyan, bazzo agunttaaninne kinddiichchuwan wadhdhidi; Sukkota halaqata qaxxayiis.