Kessaabaa 3:15 - Wolaytta Bible

¹⁵ Xoossai Muusa qassi, “Neeni Israa7eelata, 'GODAI intte aawatu Xoossai, Abrahaama Xoossai, Yisaaqa Xoossai, Yaaqooba Xoossai, i tana inttekko kiittiis' yaaga; hagee yeletaappe yeletaa gakkanau taani hassayettanau merinau ta suntta.

Kessaabaa 3:15 Iomraidhean Croise

Doomettaabaa 24:12

Yaatidi i hagaadan yaagidi woossiis; “GODAU, ta godaa Abrahaama Xoossau, hachchi taani qoppada yiidobaa tau injjeya; qassi ta godaa Abrahaamayyo kehabaa ootta.

Hanidabaa Odiya Koiro Maxaafaa 16:16

Hegeenne, i Abrahaamaara maacettido maachchaa, Yisaaqassi caaqqido maachchaa.

Hanidabaa Odiya Koiro Maxaafaa 29:18

Abeet GODAU, nu maizza aawatu Abrahaama, Yisaaqanne Israa7eela Xoossau, ne asaa wozanan ha gita siiquwaa merinau naaga; eta wozanaakka neekko shiishsha.

Hanidabaa Odiya Naa77antto Maxaafaa 28:9

GODAA sunttan hananabaa yootiya Odeeda giyo issi bitanee Samaariyan de7ees. Odeedi Samaariyaa yiya olanchchatuura gaittanau kiyidi, hagaadan yaagiis; “Be7ite, GODAI, intte aawatu Xoossai Yihudaa hanqqettido gishshau, intte kushiyan aatti immiis. SHin inttekka saluwaa gakkida hanqquwan eta siifideta.

Mazamure Maxaafaa 102:12

SHin abeet GODAU, neeni kawotaa araatan merinaayyo uttadasa; ne sunttaikka yeletaappe yeletaa gakkanaassi hassayettana.

Mazamure Maxaafaa 102:13

Neeni denddada, Xiyoonessi qarettana; aissi giikko, neeni a maariyo wodee gakkiis; hagee neeni doorido wodiyaa.

Mazamure Maxaafaa 135:13

Abeet GODAU, ne sunttai merinau de7ana; yeletaappe yeletaa gakkanaassi neeni hassayettana.

Mazamure Maxaafaa 30:4

Inttenoo Xoossaa asatoo, GODAAYYO yexxite; a geeshsha sunttaakka galatite.

Mazamure Maxaafaa 30:5

A hanqqoi guutta wodiyaassa, shin a kehatettai de7o laitta ubbaassa. Qammi yeekiiddi aqikko, maalladoi ufaissa gidees.

Mazamure Maxaafaa 68:5

Xoossai ba de7iyo geeshsha sohuwan, aawi bainna naatussi aawa; qassi azinai haiqqido maccaasata naagiyaagaa.

Mazamure Maxaafaa 72:17

Kawuwaa sunttai merinau de7o; awai de7ido keesa ubban xeegettiiddi, gam77o. Asai ubbai a baggaara anjjettana; kawotettati ubbai a, “Ufaitta” yaagidi anjjana.

Mazamure Maxaafaa 72:19

A bonchcho sunttai merinaayyo galatetto; a bonchchoi sa7aa ubbaa kumo.

Kessaabaa 15:2

GODAI ta wolqqaanne ta mazamuriyaa; i tana ashshiyaagaa gidiis. I ta Xoossaa; taani a sabbana. I ta aawaa Xoossaa; taani a xoqqu xoqqu oottana.

Kessaabaa 15:3

GODAI olanchcha; a sunttaikka GODAA.

Kessaabaa 3:13

Muusee Xoossaa, “Gido shin, taani Israa7eelatukko baada, eta, 'Intte aawatu Xoossai tana inttekko kiittiis' yaagin, eti tana, 'A sunttai oonee?' yaagidi oichchikko, he wode taani etayyo woiga yootanee?” yaagiis.

Kessaabaa 3:6

Qassikka GODAI a, “Taani ne aawaa Xoossaa, Abrahaama Xoossaa, Yisaaqa Xoossaa, Yaaqooba Xoossaa” yaagiis. Yaagin Muusee Xoossaa xeellanau yayyido gishshau, ba som77uwaa genttiis.

Kessaabaa 4:1

Muusee, “Eti tana ammanennan ixxikko, woikko taani odiyoogaa siyennan ixxidi, 'GODAI neeyyo qonccibeenna' giikko waanoo?” yaagidi zaariis.

Kessaabaa 4:5

GODAI, “Hagee hanidoogee, ne aawatu Xoossai, Abrahaama Xoossai, Yisaaqa Xoossainne Yaaqooba Xoossai neeyyo qonccidoogaa eti ammananaassa” yaagiis.

Kessaabaa 6:2

Xoossai qassikka Muusa, “Taani GODAA;

Leemiso Maxaafaa 18:10

GODAA sunttai mino gimbbe mala; xillo asi yaa woxxidi saro attana.

Isiyaasa 26:8

Ee GODAU, ne higgiyaa ogiyan hemettiiddi, nuuni nena naagoos. Nu wozanaa amoi ne sunttaa bonchchanaagaa xalaala.

Isiyaasa 42:8

Taani GODAA; hegee ta sunttaa. Ta bonchchuwaa taani harau immikke; ta galataakka masettidi giigida misiletussi immikke.

Isiyaasa 63:12

Ba bonchcho qesiyaa gita wolqqaa Muusessi ushachcha kushe gidanaadan kiittidaagee, ba merinaa haittaa kessanau, eta sinttan de7iya haattaa shaakkidaagee,

Isiyaasa 9:6

Na7i nuuyyo yelettiis! Attuma na7i nuuyyo imettiis! Kawotettai a hashiyan wodhdhana; a sunttai, “Maalaalissiyaabaa Zoriyaagaa, Wolqqaama Xoossaa, Merinaa Aawaa, Sarotettaa Halaqaa” geetettana.

Ermmaasa 33:2

Sa7aa medhdhida GODAI, giigissidi a sohuwan wottida GODAI, a sunttaikka GODAA geetettiyoogee tana hagaadan yaagees;

Daaneela 2:23

Abeet ta maizza aawatu Xoossau, taani nena galataisinne sabbais. Aissi giikko, neeni taayyo aadhdhida eraanne wolqqaa immadasa. Nuuni nena oichchidoogaa tana ha77i erissadasa. Kawuwaa aimuwaa nuna erissadasa” yaagiis.

Hoose7a 12:5

Hegee GODAA, Ubbaappe Wolqqaama Xoossaa. I erettido sunttaikka GODAA geetettees.

Hoose7a 12:6

Hegaa gishshau, intte Xoossaakko simmite; siiquwaanne suure pirddaa mintti oiqqite; intte Xoossai oottanaashin naagite.

Wogaabaa 24:11

Ha ayyo aayyiyaa Israa7eela asa gidido bitanee waretaa giddon GODAA sunttaa cayiis. Yaatin a Muusekko ehiidosona. He bitaniyaa aayyiyaa Daana yaraa gidiya Xiibira na7iyo. I sunttaikka SHalomiito.

Mikiyaasa 4:5

Asai ubbai ba xoossaa xoossaa sunttan hemettana; shin nuuni GODAA nu Xoossaa sunttan meri merinau hemettana.

Milkkiyaasa 3:6

Qassikka Ubbaappe Wolqqaama GODAI hagaadan yaagees; “Taani GODAI laamettikke; hegaa gishshau, inttenoo Yaaqooba zaretoo, intte xayibeekketa.

Yesuusi Kiittidoogeetu Oosuwaa 3:13

Abrahaama Xoossai, Yisaaqa Xoossai, Yaaqooba Xoossai, nu aawatu Xoossai, intte aatti immidoogaa PHilaaxoosi birshshanau qoppi uttidaashin, intte a sinttan, ‘Nuuni a erokko’ giido ba Na7aa Yesuusa bonchchiis.

Zaarettido Wogaa 1:11

GODAI intte aawatu Xoossai, inttena hagaappe sha7utoo gujjidi darissonne i giidoogaadan inttena anjjo.

Zaarettido Wogaa 1:35

'Taani intte maizza aawatuyyo immana gaada caaqqido ha lo77o biittaa, ha iita yeletaappe issoinne be7enna.

Zaarettido Wogaa 4:1

Hegaappe guyyiyan, Muusee asaa hagaadan yaagiis; “Ha77ikka Israa7eela asau, intte de7uwan de7anaadaaninne GODAI, intte maizza aawatu Xoossai, intteyyo immiyo biittaa intte laattanaadan, taani inttena tamaarissiyo awaajuwaanne higgiyaa siyitenne oottite.

Ibraawe 11:16

eti hegaa aggidi, lo77iya biittaa laamotoosona; hegee saluwaa biittaa. Hegaa gishshau, Xoossai eta Xoossaa geetettanau yeellatenna. Aissi giikko, i etau katamaa giigissi wottiis.

Ibraawe 13:8

Yesuus Kiristtoosi zinekka hachchikka merinaukka laamettenna.