Kessaabaa 27:16 - Wolaytta Bible

¹⁶ “Dabaabaa geliyoosaayyo laatamu wara aduqqiya magalashuwaa giigissa; hegeekka salo milatiya, ochchaa teeraa milatiyaanne, shololla zo7o qacinaappenne liiqo liinuwaappe dadettidaagaa, xilppiyan alleeqissiyaagan giigissa. Eti an zemppiyo oiddu tuussatanne tuussatuyyo oiddu gedeta giigissa.

Kessaabaa 27:16 Iomraidhean Croise

Mazamure Maxaafaa 45:14

Ba alleeqo maayuwaa maayada, kawuwaakko moisettausu; i lagge naati geela7oti, o ajabidi, a sintti aadhdhoosona.

Kessaabaa 26:31

“Salo milatiya, ochchaa teera milatiyaanne shololla zo7o qacinaappenne liiqo liinuwaappe issi magalashuwaa ootta; he magalashuwaa bolli issi hiillan kiruubetu misiliyaa sikissa.

Kessaabaa 26:36

Dunkkaaniyaa geliyo penggiyaassi salo milatiya, ochchaa teeraa milatiyaanne shololla zo7o qacinaappenne liiqo liinuwaappe xilppiyan alleeqissiyaagan oosettida magalashuwaa medhdha.

Kessaabaa 27:15

Hegaadankka, hinkko baggaara magalashoti tammanne ichchashu wara aduqqiya magalashoti de7ona; etayyo heezzu tuussatinne tuussatuyyo heezzu gedeti de7ona.

Kessaabaa 27:17

Dabaabaa yuushuwan de7iya tuussatussi ubbaassi biraappe oosettida qachchiyoogeetinne kaqqiyoogeeti, nahaasiyaappe oosettida gedeti de7ona.

Kessaabaa 28:39

“Aaroona qoliyaa liiqo liinuwaappe dadda; huuphiyan xaaxiyo shaashiyaakka liinuwaappe giigissa. Qassi danccuwaa xilppiyan alleeqissiyaagan sikissa.

Kessaabaa 36:37

Xoossaa Dunkkaaniyaa geliyo penggiyaassi salo milatiya, ochcha teeraa milatiyaanne shololla zo7o qacinaappenne liiqo liinuwaappe dadettidaagaa, xilppiyaa alleeqissiyaagan magalashuwaa giigissidosona.

Kessaabaa 39:29

Hegaadankka, qassi eti salo milatiya, ochchaa teeraa milatiyaanne shololla zo7o qacinaappenne liiqo liinuwaappe daddidi, kushe hiillan alleeqissidi, danccuwaa giigissidosona.

Qoodaabaa 3:26

dabaabaa magalashota, Xoossaa Dunkkaaniyaanne yarshshiyoosaa yuushuwan de7iya dabaabaa geliyoosan magalashuwaa, wodorotanne eta go77aara gaittiyaabata ubbabaa aawatettaa ekkoosona.

Daannatu Maxaafaa 5:30

'Eti omooddidi shaakkiyoobaa demmennan aggokkona. Issi issi olanchchaa issi issi woikko naa77u naa77u geela7oti gakkennan aggokkona. Sisaarayyo eti lo77iya maayuwaa immana; qassi taayyookka qooriyan xaaxanau xilifiyan alleeqettidi lo77iya maayota eti ehaana' yaagaasu.