Kessaabaa 25:8 - Wolaytta Bible

⁸ “Yaatidi taani eta giddon aqanaadan, eti taayyo goinniyo sohuwaa giigissona.

Kessaabaa 25:8 Iomraidhean Croise

Kawotu Maxaafaa Koiruwaa 6:13

Yaatada taani Israa7eela asaa giddon de7ana; taani ta asaa Israa7eela aggikke” yaagiis.

Hanidabaa Odiya Koiro Maxaafaa 22:19

Ha77ikka GODAA intte Xoossaa koyanau intte wozanaanne intte shemppuwaa immite. GODAA sunttau keexettida Beeta Maqidasiyaa giddon GODAA Maachchaa Taabootaanne Xoossaa geeshsha miishshata ehiidi wottanaadan, intte denddidi, GODAA Xoossaa Beeta Maqidasiyaa keexxite” yaagiis.

Kessaabaa 15:17

Neeni eta ehaada, ne buzo gaden de7iya deriyaa huuphiyan tokkana. Abeet Godau, he sohoi neeni neeyyo de7anau oottido soho. Abeet Godau, he geeshsha sohoi neeni ne kushiyan minttada essido soho.

Kessaabaa 15:2

GODAI ta wolqqaanne ta mazamuriyaa; i tana ashshiyaagaa gidiis. I ta Xoossaa; taani a sabbana. I ta aawaa Xoossaa; taani a xoqqu xoqqu oottana.

Kessaabaa 29:45

Yaatada taani Israa7eelatu giddon de7ana; qassi taani eta Xoossaa gidana.

Kessaabaa 29:46

Taani eta giddon de7ana mala, Gibxxeppe eta kessida GODAA eta Xoossaa gidiyoogaa eti erana. Ee, taani GODAA eta Xoossaa.

Isiyaasa 12:6

Israa7eela Geeshshai intte giddon xoqqu xoqqu giido gishshau, inttenoo, Xiyoonen de7iyaageetoo, hombbocite! Ufaissau yexxite!” yaagana.

Hizqqeela 37:26

Taani etaara Sarotettaa maachchaa maacettana; he maachchaikka etaara merinaa maachcha gidana. Taani eta minttada essana; eta qoodaakka corissana; ta Beeta Maqidasiyaakka merinau eta giddon wottana.

Hizqqeela 37:28

Ta Beeta Maqidasee eta giddon merinau de7iyo wode, Israa7eelata geeshshiyaagee tana, GODAA gidiyoogaa kawotettati erana” yaagees' yaaga” yaagiiddi yiis.

Hizqqeela 43:7

I hagaadan yaagiis; “Laa asa na7au, hagee ta araataa sohonne ta gedee yedhdhiyo soho. Taani Israa7eela asaa giddon merinau de7ana. Hagaappe sinttau Israa7eela asaa gidin, eta kawota gidin, hara xoossatussi goinniyoogan, woikko bantta kawotu ahan ta geeshsha sunttaa tunissokkona.

Wogaabaa 10:4

Muusee Aaroona aawaa ishaa Uzzi7eela attuma naata, Mishaa7eelanne Elxxaafaana xeegidi, “Haa yiite; yiidi intte aawaa ishaa naatu ahaa Xoossaa Dunkkaaniyaa sinttappe denttidi, dunkkaanidosaappe gaxi kessite” yaagiis.

Wogaabaa 21:12

A geeshshanau tiyiyo Xoossaa zaitee a bollan de7iyo gishshau, qeesee Xoossaa Dunkkaaniyaappe kiyoppo; Xoossaa Dunkkaaniyaakka tunissoppo. Taani GODAA.

Wogaabaa 26:11

Taani ta de7iyo sohuwaa intte giddon oottana; taani inttena shenetikke.

Wogaabaa 4:6

Efiidi ba kushiyaa biradhdhiyaa suuttan naaqqi naaqqi kessidi, Xoossaa Dunkkaaniyaa magalashuwaa sinttan GODAA sinttan laapputoo dukko.

Zakkaariyaasa 2:10

GODAI hagaadan yaagees; “Xiyoone asau, yexxitenne ufaittite! Aissi giikko, taani yaada intte giddon de7ana” yaagees.

Zakkaariyaasa 8:3

GODAI hagaadan yaagees; 'Taani Xiyoone simmana; simmada Yerusalaame giddon de7ana. Qassi Yerusalaameekka Ammanettiya Katama geetettana; Ubbaappe Wolqqaama GODAA deree qassi Geeshsha Dere geetettidi xeesettana' yaagees.

Qoodaabaa 5:3

Hegee maccaa attumaa gidinkka kessona. Taani eta gidduwan de7iyo eti dunkkaanidosaa hegeeti tunissenna mala, eta dunkkaanidosaappe kessa yedda” yaagiis.

Yesuusi Kiittidoogeetu Oosuwaa 7:44

“Muusee ba be7idoogaa milatissidi, Godai ayyo odidoogaadan oottido markka dunkkaanee nu aawatussi bazzuwan de7ees.

Naa77antto Qoronttoosa 6:16

Xoossaa Beeta Maqidasiyaaranne eeqaara aiba zuppetetti de7ii? Aissi giikko Xoossai, “Taani eta giddon de7ananne eta giddon hemetettana. Taani eta Xoossaa gidana; qassi etikka ta asata gidana” giidoogaadan, nuuni de7o Xoossaa beeta maqidase.

Zaarettido Wogaa 12:11

He wode GODAI intte Xoossai ba sunttai hegan xeegettanau doorido he sohuwaa, taani inttena azaziyooba ubbaa, xuuggiyo yarshshuwaa, hara yarshshuwaa, intte asirataa, intte imuwaanne intte shiiqqido shiiqo ubbaa hegau eheeta.

Ibraawe 3:6

SHin Kiristtoosi Xoossaa keettan na7adan ammanettidaagaa; nuuni ekkana giidi ufaissan naagiyoogaa xalatettaaninne ammanuwan naagikko, Xoossau keetta gidoos.

Yaasu Maxaafaa 22:31

Qeesiyaa El77aazara na7ai Piinihaasi Roobeela, Gaadanne Minaase zaretussi, “GODAI nu giddon de7iyoogaa nuuni hachchi erida; aissi giikko, ha yohuwaa intte GODAA bolli makkalanau oottibeekketa. Intte ha77i GODAA qixaatiyaappe Israa7eela asaa ashshideta” yaagiis.

Ajjuutaa 21:3

Gita cenggurssai araataappe hagaadan yaagidi, haasayishin, taani siyaas; “Xoossaa keettai asaara de7ees; Xoossai asaara issippe de7ana. Eti a asa gidana; Xoossai ba huuphen etaara de7ana. I eta Xoossaa gidana.