Kessaabaa 2:11 - Wolaytta Bible

¹¹ Muusee diccidi gitaa gididi, issi gallassi ba asai de7iyoosaa biis; biidi eti deexo ooso oottishin eta xeelliis. Gibxxe biittaa asa issoi a asatuppe, Ibraawetuppe issuwaa wadhdhishin be7iis.

Kessaabaa 2:11 Iomraidhean Croise

Kessaabaa 1:11

Hegaa gishshau, deexo oosuwan eta tuggayana mala, eta bolli meqetti bainna kaabbota sunttidosona. Eti kawuwaayyo Piitoomanne Raamisa giyo aibakko minjjiyo katamata keexxidosona.

Kessaabaa 3:7

GODAI qassikka hagaadan yaagiis; “Taani Gibxxe biittan ta asai tuggatiyo tuggaa geeshsha be7ada, eti bantta kaabbotuppe waassiyo waasuwaa siyada, taani eta waayiyaa qoppaas.

Kessaabaa 5:14

Gibxxetu kaabboti Israa7eelatu daguwaa sunttata wadhdhidi, “Intte kase oottiyoogaa keena xuubiyaa zino woikko hachchi aissi ootti wurssibeekketii?” yaagidi oichchidosona.

Kessaabaa 5:4

SHin Gibxxe kawoi yaagiis; “Muusee! Aaroonaa! Asaa aissi oosuwaa diggeetii? Intte oosuwau simmidi biite” yaagiis.

Kessaabaa 5:5

Kawoi he wode, “Be7ite, ha biittan asai corattiis; qassi intte eta oosuwaa diggeeta” yaagiis.

Kessaabaa 5:9

Eti oosuwan sheekkana malanne worddo haasayaa siyennan aggana mala, etayyo oosuwaa deexettite” yaagidi azaziis.

Kessaabaa 6:6

“Hegaa gishshau, neeni Israa7eelata, 'Taani GODAA; taani inttena Gibxxetu naaquwaappe kessana; taani inttena eta ailletettaappekka goqa kessana; qassi taani inttena ta gita wolqqaaninne hanttaara pirddan wozana.

Kessaabaa 6:7

Taani inttena ta huuphe asadan ekkananne taani intte Xoossaa gidana. He wode intte taani GODAA intte Xoossaa inttena Gibxxetu ailletettaappe kessidaagaa gidiyoogaa erana.

Isiyaasa 58:6

“Taani doorido xoomaa hagaa be7ite: pirddan naaqqidi qachchidoogeetu sanssalataa lefettiyoogaa, qambbaraa gonniyaa birshshiyoogaa, huqqunnettidaageeta huqqunnuwaappe kessiyoogaanne qambbara ubbaa menttiyoogaa.

Maatiyoosa 11:28

“Daafuranchchatoo, deexuwaa tookkiyaageetoo, ubbati taakko haa yiite; taani inttena shemppissana.