Kessaabaa 19:18 - Wolaytta Bible

¹⁸ GODAI Siinaa Deriyaa bollan tamaara wodhdhido gishshau, Siinaa Dere ubbai cuwan kamettiis. Gita coociyaappe cuwai kiyiyoogaadan, appe cuwai zuliyaa essidi pude kiyiis. Mule deree keehippe gajigajiis.

Kessaabaa 19:18 Iomraidhean Croise

Doomettaabaa 11:5

SHin GODAI asati keexxido gita katamaanne pooqiyaa be7anau duge wodhdhiis;

Doomettaabaa 15:17

Awai wullin sa7ai xumiis; xumin coociyaa cuwainne tamaa lacoi akeekennan kiyi beettidi, he naa77u kessi phalqqidoogeetuppe gidduwaara kanttiis.

Doomettaabaa 19:28

I Sadoomanne Gamoora he wombban de7iya biitta ubbaa duge xeelliis; xeelliyo wode cuwai coociyaa tamaa cuwaadan he biittaappe denddiyaagaa be7iis.

Nahimiyaa Maxaafaa 9:13

“Neeni saluwaappe wodhdhada, ne asaa Siinaa Deriyaa bollan haasayissadasa. Sitta pirddaanne tuma gidida higgiyaa qassi lo77o wogaanne azazuwaa etayyo immadasa.

Mazamure Maxaafaa 104:32

I biittaa xeellin, biittai qaaxxees; qassi i dereta bochchin, dereti cuwattoosona.

Mazamure Maxaafaa 114:4

Dereti deeshshatudan buraaqidosona; keratikka dorssa maraadan guperettidosona.

Mazamure Maxaafaa 114:7

Nenoo biittau, GODAA sinttan, Yaaqooba Xoossaa sinttan kokkora.

Mazamure Maxaafaa 144:5

Abeet GODAU, ne saluwaa phalqqada duge wodhdha! Wogga dereta bochcha; etinne cuwattona!

Mazamure Maxaafaa 18:9

Saluwaa i phalqqidi, duge wodhdhiis; he wode a gediyaappe garssaara sikkida shaarai de7ees.

Mazamure Maxaafaa 68:9

Abeet Xoossau, neeni iraa darissada bukissadasa; qa77ettida biittaa zaarada ooraxissadasa.

Mazamure Maxaafaa 77:18

Ne dadaa gunttai gotiyaa giddon kooshimmiis; ne wolqqanttaa phoolettai sa7aa poo7issiis. Biittaikka gajigajidi kokkoriis.

Mazamure Maxaafaa 77:19

Neeni abbaa giddoora hemettaasa; ciimma abbaa giddoora kanttaasa; gidikkonne, ne gedee yedhdhido sohoi beettenna.

Kessaabaa 19:13

He urai shuchchan cadettidi woikko wonddafiyaa zubbiyan dukettidi haiqqana; i kushen boshettenna. Mehe, woikko do7a, woikko asa gidikkonne i paxa attenna' yaaga. Malkkatai tolidi waassiyo wode, he wode eti deriyaa pude kiyana giikko kiyona” yaagiis.

Kessaabaa 19:17

Hegaappe guyyiyan Muusee asaa Xoossaara gattanau eti de7iyo dunkkaaniyaappe kessiis; eti deriyau garssa shoobban eqqidosona.

Kessaabaa 20:18

Asai ubbai dadai xuuqqiyoogaanne wolqqanttai wolqqammiyoogaa be7iis; malkkataa waasuwaa siyiis; qassi deree cuwattiyoogaakka be7iis; be7idi asai yashshaa kokkoriiddi, haahuwan eqqiis.

Kessaabaa 24:17

Israa7eelatuyyo GODAA bonchchoi deriyaa huuphiyan xuuggiya tama malatidi beettiis.

Kessaabaa 3:2

He sohuwan GODAA kiitanchchai buuran, eexxiya tama lacuwaa giddon ayyo beettiis; buurai taman xuugettikkokka, tamai buuraa meennaagaa Muusee be7iis.

Kessaabaa 34:2

Wontto maallado pude Siinaa Deriyaa kiyanau giiga; yaatada tanaara yan deriyaa huuphiyan gaitta.

Isiyaasa 6:4

Eta xeessaa cenggurssan Beeta Maqidasiyaa baasoi qaaxxiis; qassi Beeta Maqidasee cuwan kumiis.

Isiyaasa 64:1

Abeet GODAU, neeni salota daakkada duge wodhdhidaa gidarkkiishsha! Wodhdhin deretikka gaji gajidi kokkoridaa gidorkkonaashsha!

Ermmaasa 4:24

Taani dereta xeellaas; xeellada eti qaaxxiyoogaanne kerati ubbai guyyenne sinttau gajigajiyoogaa be7aas.

Imbbaaqooma 3:6

I eqqidi biittaa qaattiis. Qassi i xeellidi kawotettata kokkorssiis. Merinaasappe de7ida dereti meqerettidosona; qassi i eta bollan hemettiyo beniisappe de7ida keratikka laalettidosona.

Zakkaariyaasa 14:5

He wombbai biidi Axeela gakkana; intte he wombbaara aadhdhidi baqatana. Ee beni Yihudaa Kawuwaa Ooziyaana laitti biittai qaaxxin, intte maizza aawati baqatidoogaadan, inttekka baqatana. Hegaappe guyyiyan, GODAI ta Xoossai yaana; qassi geeshshati ubbaikka aara issippe yaana.

Maatiyoosa 24:7

Aissi giikko, issi biittaa asai hara biittaa asaara olettana; qassi issi kawotettai hara kawotettaara olettana; koshainne biittaa qaattai ubbasan de7ana.

Zaarettido Wogaa 33:2

I hagaadan yaagiis; “GODAI Siinaa Deriyaappe yiis; Eedoomappe nu bollan haa poo7iis; Paaraana Deriyaappe ba asau poo7iis. SHa7an qoodettiya kiitanchchati aara de7oosona. A ushachcha baggaara tamaa lacoi de7ees.

Zaarettido Wogaa 4:36

I inttena tamaarissanau koyido gishshau, ba cenggurssaa saluwaappe inttena sissiis. Qassi ha sa7an ba gita tamaa inttena bessiis; he tamaa giddoppe intte a qaalaa siyideta.

Zaarettido Wogaa 5:22

“Deriyaa bollan tamaa giddoppe, shaaraa giddoppenne gorddida xumaa giddoppe GODAI xoqqu giida cenggurssan yaa7a ubbaayyo yootido qaalati hageeta; i eta bollan aibanne gujjibeenna. Qassi eta i naa77u masettida shuchchatu bolli xaafidi, taayyo immiis.

Zaarettido Wogaa 5:4

He deriyaa bollan eexxiya tamaa giddon gididi, GODAI intte baazzan eqqidi inttenaara haasayiis.

Naa77antto Tasalonqqe 1:8

Qassi Xoossai bana erennaageetanne nu Godaa Yesuus Kiristtoosa wonggeliyaa mishiraachchuwaayyo azazettennaageeta qaxxayana.

Ibraawe 12:18

Intte bochchanau danddayiyo deriyaakkonne eexxiya tamaakko, xumaakko, ciggaaraakkonne gotiyaakko,

Ibraawe 12:26

He wode a cenggurssai sa7aa qaattiis; shin i ha77i, “Taani sa7aa xalaalaa gidennan, issitoo gujjada saluwaakka qaattana” yaagiis.

Naa77antto PHeexiroosa 3:10

SHin Godaa gallassai kaisodan yaana. He gallassi saloti wolqqaama gunttan xayana; saluwaa meretati wolqqaama mishuwan seerana; sa7ainne a bollan de7iya ubbabai xayana.

Ajjuutaa 15:8

Xoossaa bonchchuwaappenne a wolqqaappe yiida cuwai Beeta Maqidasiyaa kumiis. Laappun kiitanchchati ehiido laappun boshati polettana gakkanaassi, Beeta Maqidasiyaa ooninne gelanau danddayibeenna.

Ajjuutaa 9:2

Xoolinttee ciimma ollaa dooyiis; aaho coociyaappe kiyiya cuwaa mala cuwai he ciimma ollaappe kiyiis. Qassi awainne carkkoi he ciimma ollaappe kiyida cuwan xumidosona.

Daannatu Maxaafaa 5:5

GODAA sinttan dereti qaaxxidosona; harai attin, Siinaa Dereekka GODAA Israa7eela Xoossaa sinttan kokkoriis.