Kessaabaa 18:8 - Wolaytta Bible

⁸ GODAI Israa7eela asaa gishshau, kawuwaa bollinne Gibxxetu bolli oottido ubbaa, ogiyan eta gakkida daafuraabaa ubbaanne GODAI eta ashshidobaa Muusee ba bolluwaayyo yootiis.

Kessaabaa 18:8 Iomraidhean Croise

Doomettaabaa 44:34

Na7ai bainnan taani waanada guyye ta aawaakko simmanee? CHii, tana ta aawai seelettana seelaa bessoppa” yaagiis.

Nahimiyaa Maxaafaa 9:32

“Nu Xoossau, gita, wolqqaamanne yayettida Xoossau, ne aggenna siiquwaa maachchaa naagiyaagoo, nu bollan gakkida metoi ne sinttan laafabaa milatoppo. Beni Asoore kawotu wodiyaappe doommidi, hachchi gakkanaashin, nu bollan, nu kawotu bollan, nu halaqatu bollan, nu qeesetu bollan, nu hananabaa yootiyaageetu bollan, nu maizza aawatu bollaaninne ne asa ubbaa bollan gita metoi gakkiis.

Mazamure Maxaafaa 106:10

Pinttidi i eta ixxiyaageetu kushiyaappe ashshiis; morkketu kushiyaappe eta woziis.

Mazamure Maxaafaa 106:8

Gidikkokka i ba sunttaa gishshau, ba gita wolqqaa erissanau eta ashshiis.

Mazamure Maxaafaa 107:2

GODAI ashshidoogeeti hegaadan giidi haasayona. Eti i eta morkketu kushiyaappe wozidoogeetanne i biittatuppe, awai mokkiyoosaappenne wulliyoosaappe, huuphessanne tohossa baggappe qoridi shiishshidoogeeta.

Mazamure Maxaafaa 66:16

Inttenoo, Xoossaassi yayyiyaageetoo, ubbati haa yiidi, siyite. Xoossai taassi oottidobaa taani inttessi yootana.

Mazamure Maxaafaa 81:7

Intte metuwaa wode tana xeesideta; xeesin inttena ashshaas; taani dadaa giddon geemmidosaappe intteyyo allaas. Mariiba giyo pulttuwaa matan taani inttena paaccaas.

Kessaabaa 15:16

Dagamainne yashshai eta oiqqiis. Abeet GODAU, eti ne wolqqaa gitatettaa be7idi, ne asai aadhdhana gakkanaassi, neeni wozido asai aadhdhana gakkanaassi, shuchchadan tolettidi eqqidosona.

Kessaabaa 15:6

“Abeet GODAU, ne ushachcha kushee wolqqan goobidaagaa; GODAU, ne ushachcha kushee morkkiyaa mentterettiis.

Kessaabaa 16:3

Israa7eelati eta, “Nuuni Gibxxe biittan GODAA kushiyan haiqqidaa gidorkkoniishsha! Yan nuuni nuugaa ashuwaa keriyaa yuuyi aadhdhi uttidi, nuuni koyido qumaa ubbaa miida; shin intte nuna kessidi, ha geeshsha yaa7aa ubbaa namisan woranau bazzo ehiideta” yaagidosona.

Kessaabaa 18:1

Midiyaama biittaa qeesee, Muuse bolloi Yatiroi, GODAI Muuseyyoonne a asaa Israa7eelayyo oottidobaa ubbaanne GODAI Israa7eela Gibxxeppe kessidobaa siyiis.

Kessaabaa 2:25

Hegaa gishshau, Xoossai Israa7eelata xeellidi etau qoppiis.

Kessaabaa 23:23

Ta kiitanchchai intteppe sinttau biidi, inttena Amooretu biittaa, Hiitetu biittaa, Parzzetu biittaa, Kanaanetu biittaa, Hiiwetu biittaanne Yaabuusatu biittaa ehaana. Taani eta muleera xaissana.

Kessaabaa 4:23

I taayyo goinnana mala, ta na7aa neeni yeddana mala, taani neeyyo yootaas; shin neeni a yeddennan ixxadasa; hegaa gishshau, taani ne baira attuma na7aa worana” yaagees' yaagada oda” yaagiis.

Kessaabaa 7:4

i intte yootiyoobaa siyenna. He wode taani ta kushiyaa Gibxxetu bolli denttana; taani ta citaa, ta asaa Israa7eela wolqqaama pirddan Gibxxeppe kessana.

Kessaabaa 7:5

Qassi Gibxxeti, taani ta kushiyaa Gibxxe bolli denttada, Israa7eelata eta giddoppe kessido wode, taani GODAA gidiyoogaa eti erana” yaagiis.

Qoodaabaa 20:14

Muusee Qaadeesappe Eedooma biittaa kawuwaakko, ba kiitettiyaageeta hagaadan yaagidi kiittiis; “Ne dabbo gidiya Israa7eela asai hagaadan yaagees; 'Nuna gakkida meto ubbaa neeni eraasa.