Kessaabaa 17:14 - Wolaytta Bible

¹⁴ Hegaappe simmin, Muusa GODAI hagaadan yaagiis; “Hagee ubbaton hassayettana mala hagaa xaafa. Yaatada Yaasa sissennan aggoppa; aissi giikko, saloppe garssan taani Amaaleeqa asata ciraara xaissana” yaagiis.

Kessaabaa 17:14 Iomraidhean Croise

Sameela Maxaafaa Naa77anttuwaa 1:1

Saa7ooli haiqqidoogaappe guyyiyan, Daawiti Amaaleeqa asata xoonidosaappe simmiis; simmidi Xiqilaaga kataman naa77u gallassaa takkiis.

Hanidabaa Odiya Koiro Maxaafaa 4:42

Simoona zaretuppe ichchashu xeetu asati Se7iira Deriyaakko biidosona. Eta halaqati Palaaxiyaa, Na7aariyaa, Rafaayanne Uzzi7eela; eti Yishi7a naata.

Hanidabaa Odiya Koiro Maxaafaa 4:43

Amaaleeqa asatuppe kase baqati attidaageeta Simoona asati xaissidosona. Eti hachchi gakkanaassi he biittan de7oosona.

Izira Maxaafaa 9:14

Yaatin, nuuni ha77ikka zaarettidi, hagaa mala tunabaa oottiya asatuura imuwaaninne ehuwan walahettidi, ne azazuwaa ixxisi gaanee? Qassi ha attida guutta zerettatikka xayana gakkanaashin, ne hanqqoi nu bollan darenneeyye?

Iyyooba Maxaafaa 18:17

A woree biittaappe xayees; a sunttaikka sa7an hassayettennan attees.

Iyyooba Maxaafaa 19:23

“Hanno gakkanaashin taani haasayido qaalai, wai hassayettidaa gideerenneeshsha! Maxaafankka wai xaafettidaa gideerenneeshsha!

Mazamure Maxaafaa 9:6

Morkketi merinaa xayuwaa xayidosona; qassi eta katamata muleera xoqollarggadasa. Eti muleera dogetti attidosona.

Kessaabaa 12:14

“Ha gallassai intteyyo hassayi hassayi bonchchiyo gallassa gido; intte yeletai ubbai GODAA baalaa bonchchite; hagaa woga oottidi merinau bonchchite.

Kessaabaa 13:9

GODAI inttena ba wolqqaama kushiyan Gibxxeppe kessido gishshau, GODAA higgee intte doonaappe wodhdhennaadan, ha bonchchettiya ayyaana gallassai ne kushiyan qachchidonne ne merchchiyan wottido hassayissiyaabaa mala gidana.

Kessaabaa 17:13

Hegaa gishshau, Yaasu Amaaleeqatu olanchchata bisuwan xooniis.

Kessaabaa 24:4

Muusee GODAI yootidobaa ubbaa xaafiis. Wonttetta gallassi maallado guuran denddidi, deriyaa xaphuwan yarshshiyoosaa gimbbiis. Gimbbidi Israa7eela asaa yaraa tammanne naa77aa sunttan, tammanne naa77u shuchchaa tuussaa essiis.

Kessaabaa 32:33

Yaagin GODAI zaaridi Muusa, “Taani ta mazggabaappe quccanaagee ta bolli nagaraa oottida asatu sunttaa.

Kessaabaa 34:27

GODAI Muusa, “Taani nenaaranne Israa7eela asaara maachchaa maacettiyoi ha qaalati giyo maaraana gidiyo gishshau, ha qaalata xaafa” yaagiis.

Leemiso Maxaafaa 10:7

Xilluwaa sunttai anjjuwan xeesettiiddi, de7i aggees; shin nagaranchchatu sunttai sohuwaara dogettees.

Ermmaasa 30:2

GODAI Israa7eela Xoossai hagaadan yaagees; “Ermmaasaa, taani neeyyo odido qaalaa ubbaa xaatta maxaafan xaafa.

Ermmaasa 36:2

“Issi xaatta maxaafaa ekkada, taani Yoosiyaasa wodiyan koiro neeyyo odido gallassaappe doommada, hachchi gakkanaassi Israa7eela bolli, Yihudaa bollinne hara kawotettatu ubbaa bolli haasayido qaalaa ubbaa xaafa.

Qoodaabaa 24:20

Hegaappe guyyiyan, Balaami Amaaleeqa asata be7idi, ba hiraagaa hagaadan yaagidi yootiis; “Kawotettatu giddon Amaaleeqi koiro; shin eta wurssettai xayo” yaagiis.

Qoodaabaa 33:2

GODAI azazin, eti baana beettaa doommido sohota Muusee xaafiis; eta beettaa maarai hagaa.

Zaarettido Wogaa 31:9

Yaagidi Muusee ha higgiyaa xaafidi, GODAA Maachchaa Taabootaa tookkiya qeese gidiya Leewa naatussinne Israa7eela cimatu ubbaassi immiis.

Yaasu Maxaafaa 4:7

intte, 'GODAA Maachchaa Taabootaa sinttan Yorddaanoosa SHaafai gogettaa aggidi eqqidoogaa Israa7eela asaa merinau hassayissoosona. Maachchaa Taabootai pinnishin, Yorddaanoosa haattai duuxxiis' yaagidi etau odite” yaagiis.

Sameela Maxaafaa Koiruwaa 15:18

GODAI nena, 'Baada Amaaleeqa asata iitata muleera xaissa; eti wurana gakkanaashin eta ola' yaagidi kiittiis.

Sameela Maxaafaa Koiruwaa 30:1

Daawitinne a asati heezzantto gallassi Xiqilaaga katamaa gakkidosona. Amaaleeqa asati Neegeeba bazzuwaanne Xiqilaaga katamaa woraajjidosona; woraajjidi Xiqilaaga katamaa taman xuuggidosona.

Sameela Maxaafaa Koiruwaa 30:17

He galla omarssaappe biidi wonttetta gallassa omarssai gakkanaashin, Daawiti eta shociis; gaameelaa toggidi baqatida oiddu xeetu yelagatappe attin, hari issi asinne attidi bibeenna.