Kessaabaa 17:12 - Wolaytta Bible

¹² Muuse kushee arggaacido wode, eti shuchchaa ekki ehiidi, Muusa a bolli utissidosona. Aarooninne Huuri issoi issi baggaara issoi hinkko baggaara gididi, a kushiyaa sitti oottidi oiqqidosona. Yaatin awai wullana gakkanaassi a kushee sitti giidi takkiis.

Kessaabaa 17:12 Iomraidhean Croise

Mazamure Maxaafaa 35:3

Tana yedettiyaageetu bollan ne tooraanne mashshaa dentta. Tana, “Aikkobaa; taani nena ashshiyaagaa” yaaga.

Kessaabaa 17:11

Muusee ba kushiyaa dentti gam77ido keenan ubban Israa7eelati xoonoosona; shin i ba kushiyaa ziqqissido wode Amaaleeqati xoonoosona.

Kessaabaa 17:13

Hegaa gishshau, Yaasu Amaaleeqatu olanchchata bisuwan xooniis.

Kessaabaa 24:14

Israa7eela asaa halaqata i, “Nuuni inttekko simmanaashin hagan de7ishshite; Aarooninne Huuri hagan inttenaara de7oosona; yohoi de7iyo ooninne etakko bo” yaagiis.

Isiyaasa 35:3

Daafurida kushetanne arggaacida gulbbataa minttettite.

Naa77antto Qoronttoosa 1:11

Intte woossido daro woosan nuuyyo anjjoi simmido gishshau, daro asai nu gishshaa Xoossaa galatana mala, inttekka qassi nuna woosan maaddana koshshees.

Efisoona 6:18

Xoossaa woossiiddinne a maaduwaa oichchiiddi, ubba wode Geeshsha Ayyaanan Xoossaa woossite. Hegaa gishshau, minnite; salettoppite; geeshshatu ubbaayyo Xoossaa ubba wode woossite.

Piliphphisiyuusa 1:19

Aissi giikko, taani intte woosaaninne Yesuus Kiristtoosa Ayyaanaappe yiya maaduwan attanaagaa erais.

Qolasiyaasa 4:2

Xoossaa aggennan woossite; qassi woossiiddi azallennan, a galatiiddi woossite.

Koiro Tasalonqqe 5:25

Nu ishatoo, nuuyyo Xoossaa woossite.

Ibraawe 12:12

Hegaa gishshau, intte arggaacida kushiyaanne intte daafurida gulbbataa minttettite.

Yaaqooba 1:6

SHin i aibiininne sirennan ammanuwan Xoossaa woosso. Aissi giikko, siriya urai carkkoi sugin qaaxxiya abbaa beetaa mala.

Yaasu Maxaafaa 8:26

Yaasu Aaya kataman de7iyaabaa ubbaa mule wurssana gakkanaashin, katamaakko mali wottido tooraa duge wottibeenna.