Kessaabaa 16:15 - Wolaytta Bible

¹⁵ Israa7eelati hegaa be7ido wode, eti issoi issuwaa, “Hagee aibee?” yaagidosona. Aissi giikko, eti i aibakko eribookkona. Yaatin Muusee eta, “Intteyyo maanau GODAI immido oittai hagaa.

Kessaabaa 16:15 Iomraidhean Croise

Nahimiyaa Maxaafaa 9:15

Eti namisettido wode saluwaappe qumaa immadasa; qassi eti saamettido wode zaallaappe haattaa pulttissadasa. Neeni etayyo immanau caaqqido biittaa gelidi laattana mala azazadasa.

Nahimiyaa Maxaafaa 9:20

Eta tamaarissana mala, ne lo77o Ayyaanaa etayyo immadasa. Maanau mannaa eta doonaappe pacissabaakka; qassi eta saamuwaassikka haattaa immadasa.

Mazamure Maxaafaa 105:40

Eti miyoobaa oichchin, kuraachcho misatiya kafota etau yeddiis; eta saluwaa qumaa kalissiis.

Mazamure Maxaafaa 78:24

Eti maanau, etau mannaa bukissiis; saluwaa kattaa etayyo immiis.

Kessaabaa 16:31

Israa7eela asai he oittaa mannaa giidi sunttiis. Mannai deebbo aifedan bootta; eessaara uukkido lichchakkodan mal77ees.

Kessaabaa 16:33

Yaagin Muusee Aaroona, “Issi xaaro ekkada naa77u litiro kumetta mannaa an qola; yaatada yaana yeletaassi minjjettana mala, GODAA sinttan wotta” yaagiis.

Kessaabaa 16:4

Yaagin GODAI Muusa, “Taani intteyyo saluwaappe oittaa bukissana; asai ubba gallassikka kiyidi, hachchi hachchissi gidiyaagaa xalaalaa maxanau koshshees. Asai ta azazuwaa kaalliyaakko kaallennaakko taani eta hegan paaccana.

Leemiso Maxaafaa 9:5

“Haa yiite; yiidi ta qumaa miite; taani agido woiniyaa eessaakka uyite!

Qoodaabaa 21:5

Asai, “Nuuni bazzuwan haiqqanau Gibxxeppe pude nuna aissi ehiidetii? Qumi baawa; haatti baawa; ha iita qumai nuna sheneyiis” yaagidi Xoossaa bollinne Muuse bolli zuuzummiis.

Yohaannisa 6:49

Intte aawati bazzon mannaa miidosona; shin haiqqidosona.

Yohaannisa 6:58

Saluwaappe wodhdhida oittai hagaa; intte aawati miidi haiqqido mannaa mala gidenna; ha oittaa miya urai merinau de7ana” yaagiis.

Koiro Qoronttoosa 10:3

Eti ubbai he issi ayyaana qumaa miidosona.

Zaarettido Wogaa 8:16

Ne maizza aawati erenna mannaa i nena mizidoogee nena ziqqi oottanaassanne nena paaccanaassa; i hegaa oottidoogee wurssettan neeyyo ubbabai lo77o gidanaassa.

Zaarettido Wogaa 8:3

I nena ziqqi oottiisinne namisissiis; hegaappe simmidi nena gidin, woi ne maizza aawata gidinkka, erenna mannaa nena miziis. Hegaa i oottidoogee asi GODAI haasayiyo qaala ubbaanappe attin, oitta xallan de7ennaagaa nena tamaarissanaassa.

Ibraawe 9:4

A giddon ixaanaa cuwayanau worqqappe oottido saaxineenne ubbasaara worqqan sheeshshido Maachchaa Taabootai de7ees. He Maachchaa Taabootan mannai de7iyo worqqa xaaroi, Aaroona xam77ai aacidaageenne qassi Muuse higgee xaafettido naa77u masettida shuchchati de7oosona.

Yaasu Maxaafaa 5:12

He biittan mokkida kattaa miido wonttetta gallassi mannai bukkiyoogaa aggi bayiis. Hegaappe guyyiyan Israa7eela asai mannaa demmibeenna. He wodeppe doommidi eti Kanaanen mokkida kattaa miiddi de7idosona.

Ajjuutaa 2:17

“ ‘ “Siyanau haitti de7iyo urai Geeshsha Ayyaanai woosa keettatuyyo giyoobaa siyo. Xooniya urau taani geeman de7iya mannaappe amaridaagaa immana. Qassi taani bootta shuchchaakka ayyo immana; ekkiya uraappe attin, ooninne erenna ooratta sunttai he shuchchaa bolli xaafetti uttiis” yaagees’ yaagada xaafa.