Kessaabaa 15:21 - Wolaytta Bible

²¹ Miiriyaama etayyo mazamuriyaa yexxaidda, “GODAI keehi xoqqu xoqqu giido gishshau, ayyo yexxite. Paraanne paraa toggidaagaa i abban oliis” yaagada yexxaasu.

Kessaabaa 15:21 Iomraidhean Croise

Sameela Maxaafaa Naa77anttuwaa 1:20

Hagaa Gaate kataman yootoppite; Asqqaloona ogetunkka awaajjoppite. Hegaa siyikko, Pilisxxeematu macca naati ufaittana; shaamatu macca naati 'Hashshu!' gaana.

Sameela Maxaafaa Naa77anttuwaa 6:14

Daawiti liinuwaa giyo qacinaappe dadettida eefuudiyaa maayidi, bau de7iya wolqqa ubban GODAA sinttan duriis.

Mazamure Maxaafaa 76:6

Abeet Yaaqooba Xoossau, neeni seerido wode, paraasatinne parati kunddidi, haiqqi aggidosona.

Kessaabaa 15:1

He wode Muuseenne Israa7eela asai ha mazamuriyaa GODAAYYO yexxidosona; “Bonchchuwan i keehi xoqqu xoqqu giido gishshau, taani GODAAYYO mazamuriyaa yexxana. Paraanne paraa toggidaagaa abban oliis.

Kessaabaa 15:4

Gibxxe kawuwaa para gaaretanne a olanchchata abban oliis. Gibxxe kawuwaa halaqati, ubbaappe aadhdhi lo77iyaageeti Zo7o Abban muukettidosona.

Ajjuutaa 14:3

Issi xeetanne oitamanne oiddu sha7u asati kawotaa araataa sinttan, oiddu paxa de7iya meretatu sinttaaninne cimatu sinttan eqqidosona. Eqqidi sa7aappe wozettida etappe attin, harai ooninne tamaaranau danddayenna ooratta mazamuriyaa yexxidosona.

Ajjuutaa 15:3

Eti Xoossaa ashkkaraa Muuse mazamuriyaanne Dorssaa mazamuriyaa hagaadan yexxidosona. “Godau, Ubbaappe Wolqqaama Xoossau, ne oosoi gitanne garamissiyaagaa. Asa zare ubbaa Kawuwau, ne ogee xillonne tuma.

Ajjuutaa 5:9

Eti, “Xaatta woraqataa ekkanaunne maatafaa peerada dooyanau neeyyo bessees. Aissi giikko, neeni shuhettadasa. Neeni qommo ubbaappe, dumma dumma biitta qaala ubbaappe, yara ubbaappenne zare ubbaappe ne suuttan Xoossaayyo asaa wozadasa.

Daannatu Maxaafaa 5:3

Inttenoo kawotoo, hagaa siyite! Inttenoo deriyaa haariyaageetoo, ezggite! Taani GODAASSI yexxana. GODAASSI Israa7eela Xoossaassi galataa yettaa yexxana.

Sameela Maxaafaa Koiruwaa 18:6

Daawiti Pilisxxeemiyaa Gooliyaada worin asai soo simmiyo wode, maccaasai ufaissa yettaa yexxiiddinne duriiddi, karaabiyaa baqqiiddinne diittaa diixxiiddi, Kawuwaa Saa7oola mokkanau Israa7eela katamatu ubbatuppe kiyiis.

Sameela Maxaafaa Koiruwaa 18:7

Maccaasati duriiddi, “Saa7ooli sha7aa woriis; Daawiti tammu sha7aa woriis” yaagidi yexxidosona.