Kessaabaa 15:20 - Wolaytta Bible

²⁰ Aaroona michchiyaa, hananabaa yootiya Miiriyaama karaabiyaa ekkaasu; maccaasai ubbai karaabiyaa baqqiiddinne yexxiiddi o kaallidosona.

Kessaabaa 15:20 Iomraidhean Croise

Doomettaabaa 31:27

Neeni aissi qosan taappe kessa ekkada, tana cimmadii? Taani nena ufaissaaninne yettan, karaabiyaaninne diittan moissana mala taayyo aissi odabeikkii?

Sameela Maxaafaa Naa77anttuwaa 1:20

Hagaa Gaate kataman yootoppite; Asqqaloona ogetunkka awaajjoppite. Hegaa siyikko, Pilisxxeematu macca naati ufaittana; shaamatu macca naati 'Hashshu!' gaana.

Sameela Maxaafaa Naa77anttuwaa 6:14

Daawiti liinuwaa giyo qacinaappe dadettida eefuudiyaa maayidi, bau de7iya wolqqa ubban GODAA sinttan duriis.

Sameela Maxaafaa Naa77anttuwaa 6:16

GODAA Taabootai Daawita Katamaa geliyo wode, Saa7oola na7iyaa Miikaala maskkootiyaara xeellada, Kawoi Daawiti GODAA sinttan guppishiininne durishin be7aasu; be7ada Daawita ba wozanan karaasu.

Sameela Maxaafaa Naa77anttuwaa 6:5

Daawitinne Israa7eela asai ubbai diittaanne maazinqqiyaa diixxiiddi, karaabiyaa baqqiiddinne daalaanne shaashooraa qaattiiddi, banttau kumetta wolqqan GODAA sinttan ufaittiiddi bonchchidosona.

Kawotu Maxaafaa Naa77anttuwaa 22:14

Yaagin qeesee Hilqqee, Ahiqaami, Akiboori, Saafaaninne Asaayi hananabaa yootiya Hulddo giyo mishiriyo oichchanau biidosona. Huldda Harihaasa na7aa Tiiqiwa na7aa, Beeta Maqidasiyaa maayuwaa naagiya SHaaluuma maccaasiyo. A Yerusalaamen naa77antto shuchchan de7ausu. He biida asati iira haasayidosona.

Hanidabaa Odiya Koiro Maxaafaa 15:16

Hegaappe guyyiyan, diittaanne maazinqqiyaa diixxiiddi, daalaa qaattiiddi, ufaissiya yettaa yexxana mala, Leewata kaalettiyaageeti bantta dabbota sunttanaadan Daawiti azaziis.

Hanidabaa Odiya Koiro Maxaafaa 6:3

Amiraama naati Aaroona, Muusanne Miiriyaamo. Aaroona naati Nadaaba, Abiiha, El77aazaranne Itaamaara.

Nahimiyaa Maxaafaa 6:14

“Ta Xoossau, Xoobbeenne Sanbbalaaxi oottidobaa qoppa. No7aado giyo macca hananabaa yootiyaaranne hara worddo hananabaa yootiyaageeti ubbai tana yashissanau eti oottidobaa ubbaakka qoppa” yaagada taani woossaas.

Mazamure Maxaafaa 149:3

Duriiddi, karaabiyaa baqqiiddinne diittaa diixxiiddi, a sunttaa sabbona.

Mazamure Maxaafaa 150:4

Karaabiyaa baqqiiddinne duriiddi, a galatite; diittaa diixxiiddinne pulaaliyaa punniiddi, a galatite.

Mazamure Maxaafaa 30:11

Ta yeehuwaa yettau laammadasa. Kayyo maayuwaa taappe qaarada, ufaissaa tana maizzadasa.

Mazamure Maxaafaa 68:11

Godai kiitaa kiittiis; he kiitaa efiida maccaasati daro.

Mazamure Maxaafaa 68:25

Yexxiyaageeti sinttaana; diixxiyaageeti guyyeena; qassi cachcha karaabiyaa baqqiya geela7oti gidduwaana.

Mazamure Maxaafaa 68:26

Eti, “Xoossaa kunttida yaa7an galatite; inttenoo, Israa7eela zerettatoo, GODAA galatite” yaagoosona.

Mazamure Maxaafaa 81:2

Yexxanau doommite; karaabiyaa baqqite; diittaaninne maazinqqiyan lo77o yettaa sissite.

Kessaabaa 2:4

A michchiyaa i haniyoobaa be7anau haahuwan eqqaasu.

Eranchchaa Maxaafaa 3:4

Yeekkanau wodee de7ees; miiccanaukka wodee de7ees. Kayyottanau wodee de7ees; qassi ufaittidi yexxanaukka wodee de7ees.

Ermmaasa 31:4

Geeshsha Israa7eela asau, taani inttena zaarettada keexxana; inttekka keexettana. Zaarettidikka karaabiyaa oikkidi, ufaittiyaageetuura yexxananne durana.

Mikiyaasa 6:4

Taani inttena Gibxxe biittaappe kessaas; qassi inttena ailletettaappe wozaas. Inttena kaalettana mala Muusa, Aaroonanne Miiriyaamo inttessi kiittaas.

Qoodaabaa 12:1

Muusee Toophphiyaa biittaa maccaasiyo ekkiis. I ekkido Toophphiyaa maccaasee gishshau, Miiriyaamanne Aarooni Muusa boridosona.

Qoodaabaa 12:2

Eti, “GODAI Muuse bagga xalaalaara haasayideeyye? Qassi i nu baggaara haasayibeenneeyye?” yaagidosona. Yaagin GODAI hegaa siyiis.

Qoodaabaa 20:1

Koiro aginan Israa7eelati ubbai Xiina giyo bazzuwaa gakkidi, Qaadeesa giyoosan dunkkaanidosona. Hegan Miiriyaama haiqqada moogettaasu.

Qoodaabaa 26:59

Amiraama keettaayee sunttai Yokebeedo; a Gibxxen Leewayyo yelettida na7iyo. A Amiraamayyo Aaroona, Muusanne eta michchiyo Miiriyaamo yelaasu.

Luqaasa 2:36

Aseera zerettaappe yelettida Panu7eela na7iyaa Haanna hananabaa yootiyaaro. A ba geela7otetta azinaara laappun laittaa de7aasu.

Yesuusi Kiittidoogeetu Oosuwaa 21:9

Piliphphoosassi hananabaa yootiya oiddu geela7o naati de7oosona.

Koiro Qoronttoosa 11:5

Qassi Xoossaa woossaidda woi hananabaa yootaidda, ba huuphiyaa qachchenna maccaara ba azinaa toochchausu; aissi giikko, a ba huuphiyaa meedettaichchidaariira issi mala.

Koiro Qoronttoosa 14:34

maccaasai woosa keettan sirphphi go. Aissi giikko, Aihudatu higgee giyoogaadankka eti haarettanaappe attin, woosa keettan haasayanau etau maati baawa.

Daannatu Maxaafaa 11:34

Yofttaahee Mixiphphan de7iya ba soo simmido wode, koirottadakka a na7iyaa karaabiyaa oiqqada yexxaiddanne duraidda a mokkanau kiyaasu. Ayyo ippe hara na7i baawa.

Daannatu Maxaafaa 21:21

naagite. Seelo katamaa macca naati baalaa gallassi karaabiyaa oiqqidi, yexxiiddinne duriiddi yiyo wode, intte woiniyaa turaa giddoppe kiyite. Kiyidi ubbaikka Seelo macca naatuppe intteyyo dafidi, Biniyaama biitti ekkidi biite.

Daannatu Maxaafaa 4:4

He wode Laappidoota machchiyaa Deboora, hananabaa yootiyaara Israa7eela biittan pirddiya daanniyo.

Sameela Maxaafaa Koiruwaa 10:5

“Hegaappe guyyiyan, neeni Pilisxxeema olanchchatu citai de7iyo Xoossaa Gib77aa giyo katamaa baana. Neeni he katamaa gakkiyo wode, diittaara karaabiyaara, pulaaliyaaranne maazinqqiyaara kaa7iiddinne hananabaa yootiiddi, goinniyo xoqqa sohuwaappe duge wodhdhiya hananabaa yootiyaageetu citaara gaittana;

Sameela Maxaafaa Koiruwaa 18:6

Daawiti Pilisxxeemiyaa Gooliyaada worin asai soo simmiyo wode, maccaasai ufaissa yettaa yexxiiddinne duriiddi, karaabiyaa baqqiiddinne diittaa diixxiiddi, Kawuwaa Saa7oola mokkanau Israa7eela katamatu ubbatuppe kiyiis.