Kessaabaa 14:22 - Wolaytta Bible

²² Israa7eelati abbaa gidduwan mela biittaara hemettidi, haattai etayyo ushachchaaranne haddirssaara godadan eqqidaashin biidosona.

Kessaabaa 14:22 Iomraidhean Croise

Kawotu Maxaafaa Naa77anttuwaa 2:14

Eelaasappe wodhdhida kaabbaa ekkidi, haattaa an shociiddi, “GODAI Eelaasa Xoossai awan de7ii?” yaagiis. Elssaa7i haattaa shocido wode, haattai yaanne haanne shaahettiis; shaahettin shaafaa pinniis.

Kawotu Maxaafaa Naa77anttuwaa 2:8

He wode Eelaasi ba kaabbaa ekkidi xaaxidi, an haattaa shociis. SHocin haattai yaanne haanne shaahettiis; shaahettin mela biittaa yedhdhidi pinnidosona.

Nahimiyaa Maxaafaa 9:11

Abbaa yaanne haanne shaakkada, gidduwaara ne asaa mela biittaara pinttadasa. SHin shuchchai ciimma haattan olin, xaggaa duge wodhdhiyoogaadan, eta yedettiya morkketa abban mitissada xaissadasa.

Mazamure Maxaafaa 106:9

I Zo7o Abbaa azazin, abbai meliis; bazzuwan kaalettiyoogaadan, ciimmaa giddoora eta kaalettidi pinttiis.

Mazamure Maxaafaa 136:13

Zo7o Abbaa shaakki yeggiis; aggenna a siiqoi merinaagaa.

Mazamure Maxaafaa 136:14

Israa7eela asaa he abbaa gidduwaara pinttiis; aggenna a siiqoi merinaagaa.

Mazamure Maxaafaa 66:6

I abbaa haattaa melissiis; qassi beni nu aawati shaafaara bantta tohuwan hemettidi pinnidosona. Hegan i oottidoban nuuni ufaittida.

Mazamure Maxaafaa 74:15

Neeni pulttota dooya yeddadasa; ubbaton goggiya shaafata qassi melissadasa.

Mazamure Maxaafaa 78:13

Abbaa shaakkidi, gidduwaara eta pinttiis; i haattaa shaakkidi, yan han godadan essiis.

Kessaabaa 14:29

SHin Israa7eelati abbaa gidduwaara mela biittan hemettidi, haattai etau ushachchaaranne haddirssaara godadan eqqidaashin biidosona.

Kessaabaa 15:19

Gibxxe kawuwaa parati, a para gaaretinne a paraasati abban gelido wode, GODAI abbaa haattaa guyye zaaridi eta bolli ehiis; shin Israa7eelati abbaa gidduwaara mela biittaara hemettidi biidosona.

Kessaabaa 15:8

Ne siiriyaara kiyiya shemppuwan haattai doorettiis. Goggiya haattainne godadan minni eqqiis; ciimma haattati abbaa gomppan irkkidi minnidosona.

Isiyaasa 11:15

GODAI Gibxxe miyyiyan de7iya Zo7o Abbaa muleera melissana; ba laxiya carkkuwaara ba kushiyaa Efiraaxiisa SHaafaa bolli wuxaawuxana. Yaatidi asai mela sohuwaara pinnana mala, laappun qeeri shaafa kessidi shocana.

Isiyaasa 11:16

Israa7eela asai Gibxxe biittaappe kiyiyo wode ogee de7idoogaadan, a asaappe attida atettatussi Asoore biittaappe kiyiyo ogee de7ana.

Isiyaasa 43:16

Abbaa giddon ogiyaa, wolqqaama haattatu giddoorakka loossuwaa kessidi,

Isiyaasa 51:10

Abbaanne gita ciimma haattaa melissidaagee nena gidikkiiyye? Neeni wozidoogeeti pinnana mala, ciimma abbaa oge oottidaagee nena gidikkiiyye?

Isiyaasa 63:12

Ba bonchcho qesiyaa gita wolqqaa Muusessi ushachcha kushe gidanaadan kiittidaagee, ba merinaa haittaa kessanau, eta sinttan de7iya haattaa shaakkidaagee,

Isiyaasa 63:13

eta ciimmaa giddoora pinttidaagee awan de7ii?” yaagidosona. Bazzuwaara kanttiya paraadan, eti xubettibookkona.

Qoodaabaa 33:8

Pihaahirootappe denddidi, Zo7o Abbaa pinnidi, bazzuwaa biidosona. Etaama Bazzuwan heezzu gallassa ogiyaa hemettidi, Maaran dunkkaanidosona.

Koiro Qoronttoosa 10:1

Hegaa bollan ta ishatoo, taani intte hagaa erana mala koyais. Nu aawati ubbai shaaraappe garssaara de7idosona; ubbaikka abbaa giddoora pinnidosona.

Ibraawe 11:29

Israa7eela asai mela biittan hemettiyoogaadan, Zo7o Abbaa pinnidoogee ammanuwaana; shin Gibxxe asati geli be7ishin, haattai eta mitti aggiis.

Yaasu Maxaafaa 3:16

qommoppe duge goggiya haattai eqqi bayiis; hini daro haahosan, Xarttaana giyoosan de7iya Addaama giyo kataman issisaa shiiqidi doorettiis. Duge Aaraba garan de7iya Maxine Abbau goggiya haattai qassi muleera duuxxidi atti bayiis. Yaatin, asai Yarkko katamaa baazzaara pinniis.

Yaasu Maxaafaa 3:17

Israa7eela asai mela biittaa yedhdhidi pinniyo wode, asai ubbai pinnidi wurana gakkanaassi GODAA Maachchaa Taabootaa tookkida qeeseti Yorddaanoosa SHaafaa giddon mela biittan eqqidosona.

Yaasu Maxaafaa 4:22

'Israa7eela asai Yorddaanoosa SHaafaa mela biittaa yedhdhidi pinnidoogaa hassayissiyaageeta' yaagidi odite.

Sameela Maxaafaa Koiruwaa 25:16

Nuuni nu dorssaa wudiyaa eta matan heemmiyo wode, qamminne gallassi eti nuuyyo dirssa gididosona.