Kessaabaa 14:21 - Wolaytta Bible

²¹ Hegaappe guyyiyan Muusee abbaa bollan ba kushiyaa micciis; GODAI he gallassi qamma ubban arshsho wolqqaama carkkuwaa yeddidi, abbaa guyye zaariis; zaaridi mela biitta kessiis. Haattai shaahettiis.

Kessaabaa 14:21 Iomraidhean Croise

Doomettaabaa 8:1

SHin Xoossai Noha, aara markkabiyaa giddon de7iya do7a ubbaanne mehe ubbaa qoppiis; qoppidi sa7aa bollan carkkuwaa carkkissiis; carkkissin he haattai wodhdhi wodhdhi biis.

Kawotu Maxaafaa Naa77anttuwaa 2:8

He wode Eelaasi ba kaabbaa ekkidi xaaxidi, an haattaa shociis. SHocin haattai yaanne haanne shaahettiis; shaahettin mela biittaa yedhdhidi pinnidosona.

Nahimiyaa Maxaafaa 9:11

Abbaa yaanne haanne shaakkada, gidduwaara ne asaa mela biittaara pinttadasa. SHin shuchchai ciimma haattan olin, xaggaa duge wodhdhiyoogaadan, eta yedettiya morkketa abban mitissada xaissadasa.

Iyyooba Maxaafaa 26:12

Ba wolqqan abbaa co77u oottiis; ba akeekan Ra7aaba giyo miimminttiyaa xaissiis.

Iyyooba Maxaafaa 38:24

Wolqqanttai kiyiyo sohuwaa efiya ogee awan de7ii? Woikko arshsho bagga carkkoi awappe kiyidi carkkii?

Mazamure Maxaafaa 136:13

Zo7o Abbaa shaakki yeggiis; aggenna a siiqoi merinaagaa.

Mazamure Maxaafaa 148:8

Inttenoo, wolqqanttau, shachchau, shaarau, cigaarau, a azazuwaa poliya gotiyau, ubbatikka a galatite.

Mazamure Maxaafaa 66:6

I abbaa haattaa melissiis; qassi beni nu aawati shaafaara bantta tohuwan hemettidi pinnidosona. Hegan i oottidoban nuuni ufaittida.

Mazamure Maxaafaa 74:13

Ne gita wolqqan neeni abbaa shaakkadasa; a giddon de7iya miimminttiyaa huuphiyaa neeni mentterettadasa.

Mazamure Maxaafaa 78:13

Abbaa shaakkidi, gidduwaara eta pinttiis; i haattaa shaakkidi, yan han godadan essiis.

Kessaabaa 14:16

Ne gatimaa dentta; denttada abbaa bolli micca; haattai naa77u kiyidi shaahettana; Israa7eelatikka mela biittaara abbaa pinnidi baana.

Kessaabaa 14:20

Gibxxetu olanchchatuppenne Israa7eelatu olanchchatuppe gidduwan eqqiis. He shaarai qamma ubban issi baggaara xumissidi, hinkko baggaara poo7issiis; yaatin qamma ubbaa issoi issuwaakko shiiqibookkona.

Kessaabaa 15:8

Ne siiriyaara kiyiya shemppuwan haattai doorettiis. Goggiya haattainne godadan minni eqqiis; ciimma haattati abbaa gomppan irkkidi minnidosona.

Kessaabaa 7:19

GODAI Muusa hagaadan yaagiis; “Neeni Aaroona, 'Ne gatimaa oiqqada Gibxxe haattatu bolli, shaafatu bolli, zara haattatu bolli, dalbbanttatu bollinne haattaa dagayiyoobatu ubbaa bolli ne kushiyaa micca' yaaga; i miccin eti suuttau laamettana; Gibxxe biitta ubban, harai attin, mittaappenne shuchchaappe woocidi kessido haattaa tigiyo miishshatu ubban suutti kumana” yaagiis.

Isiyaasa 23:11

GODAI abbaa bollan ba kushiyaa micciis; i kawotettaakka qaattiis; Kanaane biittaa qatota laalana mala, GODAI azazuwaa immiis.

Isiyaasa 43:16

Abbaa giddon ogiyaa, wolqqaama haattatu giddoorakka loossuwaa kessidi,

Isiyaasa 44:27

Taani haattaa ciimmatakka, 'Melite! Intte goggiya haattatakka melissana' yaagais.

Isiyaasa 50:2

Taani yiido wode, aibissi hegan asi xayidee? Taani xeesido wode, 'Yee!' gaanau aibissi asi hegan de7ibeennee? Taani inttena wozanau ta kushee qantteeyye? Woikko inttena ashshanau taayyo wolqqi baaweeyye? Be7ite, taani seerada abbaa melissais. SHaafatakka bazzo oottais. Etan de7iya moleti haattai xayin wooqqoosona; saamoi worin haiqqoosona.

Isiyaasa 51:10

Abbaanne gita ciimma haattaa melissidaagee nena gidikkiiyye? Neeni wozidoogeeti pinnana mala, ciimma abbaa oge oottidaagee nena gidikkiiyye?

Isiyaasa 51:15

Aissi giikko, taani GODAA ne Xoossaattennee. Dambbalai waassanaadan, abbaa qaattais. Ta sunttai Ubbaappe Wolqqaama GODAA.

Isiyaasa 63:12

Ba bonchcho qesiyaa gita wolqqaa Muusessi ushachcha kushe gidanaadan kiittidaagee, ba merinaa haittaa kessanau, eta sinttan de7iya haattaa shaakkidaagee,

Isiyaasa 63:13

eta ciimmaa giddoora pinttidaagee awan de7ii?” yaagidosona. Bazzuwaara kanttiya paraadan, eti xubettibookkona.

Imbbaaqooma 3:8

Abeet GODAU, neeni aibissi hanqqettadii? SHaafati nena hanqqetissidonaa? Woi abbaa bolli hanqquwaa eexxa kiyadii? CHii, neeni ne paratanne ne para gaareta toggidoogee ne asaassi xoonuwaa immanaassa.

Yesuusi Kiittidoogeetu Oosuwaa 7:36

He Muusee Israa7eelata Gibxxe biittan Zo7o Abbaaninne bazzuwan, oitamu laittau oorattabaanne Xoossai oottiyo malaataa oottiiddi, Gibxxeppe kaalettiis.

Yaasu Maxaafaa 2:10

Aissi giikko, Gibxxe biittaappe intte kiyido wode, intte sinttan Zo7o Abbaa GODAI waati melissidaakkonne nuuni siyida. Qassi Yorddaanoosa SHaafaappe arshsho baggaara de7iya Amoore biittaa kawota naa77ata, Sihoonanne Ooganne intte waati muleera xaissidaakkonne siyida.

Yaasu Maxaafaa 3:17

Israa7eela asai mela biittaa yedhdhidi pinniyo wode, asai ubbai pinnidi wurana gakkanaassi GODAA Maachchaa Taabootaa tookkida qeeseti Yorddaanoosa SHaafaa giddon mela biittan eqqidosona.

Yaasu Maxaafaa 4:23

Nuuni pinnana gakkanaassi, GODAI nu Xoossai Zo7o Abbaa kase nu sinttan melissidoogaadan, inttekka pinnana gakkanaassi, GODAI intte Xoossai Yorddaanoosa SHaafaa intte sinttan melissiis.