Kessaabaa 12:31 - Wolaytta Bible

³¹ He gallassa qammikka kawoi Muusanne Aaroona xeesidi, “Denddite! Inttekka Israa7eela asaikka ta asaa gidduwaappe kiyite! Biidi intte oichchidoogaadankka GODAAYYO goinnite!

Kessaabaa 12:31 Iomraidhean Croise

Mazamure Maxaafaa 105:38

Gibxxe asati etau daro yayyido gishshau, eti kiyidoogaa ufaittidosona.

Kessaabaa 10:29

Yaagin Muusee a, “Tumakka; neeni giidoogaadan taani nena naa77antto mulekka be7ikke” yaagiis.

Kessaabaa 10:9

Yaagin Muusee, “Nuuni nu guutta naatuuranne cimatuura, nu attuma naatuuranne macca naatuura, nu dorssaa wudetuuranne miizzaa wudetuura issippe baana; aissi giikko, nuuni biyoosan GODAA baalaa bonchchanau koshshees” yaagiis.

Kessaabaa 11:1

Muusessi GODAI, “Taani Gibxxe kawuwaa bollinne a asaa bolli issi hara bosha yeddana; hegaappe guyyiyan i inttena ha biittaappe kessi yeddana; kessiiddi i inttena issoinne attennan ubbaakka yedettana.

Kessaabaa 11:8

Ha ne sunttati ubbai duge taakko yiidi, ta sinttan gufannidi ziggana; ziggidi, 'Kiyada barkkii! Nena kaalliya asai ubbaikka bo!' yaagana. Hegaappe guyyiyan taani baana” yaagiis. Hegaappe guyyiyan Muusee hanqquwaa suulliiddi, kawuwaa sinttappe kiyidi biis.

Kessaabaa 12:39

Gibxxeppe eti ekkidi kiyido munaqaa irshshoi gelibeennaagaa oittaa uukkidosona; aissi giikko, eti Gibxxeppe dirbban kiyidosona; banttau shinqqe kattanaukka, munaqi denddin uukkanaukka eta gattibeenna.

Kessaabaa 6:1

Hegaappe guyyiyan GODAI Muusa, “Taani Gibxxe kawuwaa oottanabaa neeni ha77i be7ana; ta wolqqaama kushiyaa gaasuwan i eta yeddana; ta wolqqaama kushiyaa gaasuwan i eta ba biittaappe laaggidi kessana” yaagiis.

Kessaabaa 8:25

He wode kawoi Muusanne Aaroona xeesissidi, “Biite; ha biittan intte Xoossaassi yarshshite” yaagiis.

Kessaabaa 8:8

Kawoi Muusanne Aaroona xeesissidi, “Ha shodhdheta taappenne ta asaappe diggana mala, GODAA intte woossite; yaanikko GODAASSI yarshshuwaa yarshshana mala, taani asaa yeddana” yaagiis.

Sameela Maxaafaa Koiruwaa 6:6

Gibxxe asatinne eta kawoi zoriyaa ekkennan ixxidoogaadan, intte aissi zoriyaa ekkennan ixxeetii? GODAI eta iissidi qaxxayin, eti Israa7eelata bantta ogiyaa baana mala yeddibookkonaayye?