Kessaabaa 12:29 - Wolaytta Bible

²⁹ Qammau gina shaahuwan GODAI Gibxxen baira yelettida ubbaa, kawotaa araatan uttida kawuwaa baira na7aappe doommidi, qasho keettan de7iya omoodettidaageetu baira na7aa gakkanaassi, qassi baira yelettida mehiyaa ubbaa dippi oottiis.

Kessaabaa 12:29 Iomraidhean Croise

Doomettaabaa 15:14

SHin ailleyidi eta haariya kawotettaa taani qaxxayana; hegaappe guyyiyan, eti daro aquwaara he biittaappe kiyana.

Iyyooba Maxaafaa 34:20

Eti hekka bilahe akeekennan haiqqana; asai ubbaikka kokkoridi xayana; wolqqaamatikka ai asa kusheenne bochchennan kichchana.

Mazamure Maxaafaa 105:36

GODAI Gibxxe asatu soo baira naata ubbaa woriis; koiro yelettida ubbaa xaissiis.

Mazamure Maxaafaa 135:8

Gibxxe biittan asaa naatuppenne mehiyaa maraappe baira yelettidaageeta woriis.

Mazamure Maxaafaa 136:10

I Gibxxe biittan bairata woriis; aggenna a siiqoi merinaagaa.

Mazamure Maxaafaa 78:50

Ba hanqquwaa aatti yeddiis. Eta bashshaassi aattidi immiisippe attin, haiquwaappe ashshibeenna.

Mazamure Maxaafaa 78:51

Gibxxen yelettida baira naata ubbaa woriis.

Kessaabaa 11:1

Muusessi GODAI, “Taani Gibxxe kawuwaa bollinne a asaa bolli issi hara bosha yeddana; hegaappe guyyiyan i inttena ha biittaappe kessi yeddana; kessiiddi i inttena issoinne attennan ubbaakka yedettana.

Kessaabaa 12:12

“Taani he gallassi qammi Gibxxeera kanttana; kanttaidda baira yelettida ubbaa, asaakka mehiyaakka worana; Gibxxe eeqatu ubbaa bollikka taani pirddana; taani GODAATTENNE.

Kessaabaa 12:28

Israa7eelati GODAI Muusanne Aaroona azazidoogaadan oottidosona.

Kessaabaa 13:15

Gibxxe kawoi dammidi nuna yeddennan ixxin, GODAI Gibxxe biittan de7iya baira ubbaa, asaappe doommidi mehiyaa bairaa gakkanaassi woriis. Taani aayi uloppe koiro yelettida attumaa ubbaa GODAASSI yarshshiyoogeenne ta baira attuma naata taani woziyoogee hegaassa' yaaga.

Kessaabaa 4:23

I taayyo goinnana mala, ta na7aa neeni yeddana mala, taani neeyyo yootaas; shin neeni a yeddennan ixxadasa; hegaa gishshau, taani ne baira attuma na7aa worana” yaagees' yaagada oda” yaagiis.

Kessaabaa 9:6

Yaagidi wonttetta gallassi GODAI hegaa oottiis. Gibxxe asaa mehe ubbai haiqqiis; shin Israa7eela asaa mehiyaappe issoinne haiqqibeenna.

Isiyaasa 24:22

Eti ollan de7iya qasho asatudan, issippe shiiqana; shiiqidi qasho keettan gorddettidi uttana. Qassi daro gallassaappe guyyiyan, eti qaxxayettana.

Isiyaasa 41:11

“Be7a, nena hanqqettiya ubbai yeellatidi kauyyana; nenaara eqettiyaageeti kasekka bainnabaadan hanidi xayana.

Isiyaasa 51:14

Omoodettidaagee eesuwan birshshettana; haiqqenna; ollankka gelenna; ayyo oittikka paccenna.

Ermmaasa 38:13

Yaatin, he wodoruwan goochchidi, Ermmaasa ollaappe kessidosona. Kessidi naagiyaageetu dabaabaa gelissidi gorddidosona.

Ermmaasa 38:6

Yaagin eti Ermmaasa kawo keettaa dabaaban de7iya, kawuwaa na7aa Malkkiyaa haatta ollan yeggidosona; eti wodoruwan a duge wottidosona. He wode he ollan silimoppe attin, haatti baawa; Ermmaasi he silimuwaa giddo geliis.

Imbbaaqooma 3:5

GODAI boshaa baappe sinttau kiittees; haiquwaakka ba geeduwaa kaalettees.

Zakkaariyaasa 9:11

GODAI hagaadan yaagees; “Nena gidikko, qassi taani nenaara maacettido maachchaa suuttaa gishshau, ne asata eti qashettido haatti bainna ollaappe taani kessada yeddana.

Qoodaabaa 3:13

aissi giikko, baira yelettida ubbai tabaa. Taani Gibxxe biittan baira yelettidabaa ubbaa worido gallassan, Israa7eelatun baira yelettidabaa ubbaa, asa gidin, mehe gidin, taayyo dummayaas; eti tabaa gidana. Taani GODAATTENNEE” yaagiis.

Qoodaabaa 33:4

He wode Gibxxe asai GODAI worido bantta baira naata moogoosona. Hagaadan oottidi, GODAI eta xoossatu bolli pirddaa ehiis.

Qoodaabaa 8:17

Israa7eela asaa gidduwan baira yelettidabi asa gidin, mehe gidinkka ubbai tabaa. Taani Gibxxe biittan baira ubbaa worido gallassan, eta taayyo dummayaas.

Ibraawe 11:28

Haiquwaa kiitanchchai Israa7eela asaayyo baira naata bochchennaadan, Muusee Paasikaa bonchchidoogeenne qosilettan suuttaa caccafissidoogee ammanuwaana.

Ibraawe 12:23

Xoossaa baira naatukko, issippe shiiqidaageetukko, eta sunttai saluwan xaafettidoogeetukko yiideta; qassi asa ubbaa pirddiya Xoossaakkonne, bali bainnaageeta oottido xillo asatu ayyaanatukko yiideta.