Kessaabaa 12:14 - Wolaytta Bible

¹⁴ “Ha gallassai intteyyo hassayi hassayi bonchchiyo gallassa gido; intte yeletai ubbai GODAA baalaa bonchchite; hagaa woga oottidi merinau bonchchite.

Kessaabaa 12:14 Iomraidhean Croise

Kawotu Maxaafaa Naa77anttuwaa 23:21

Hegaappe guyyiyan, kawoi asaa ubbaa, “Ha Maachchaa Maxaafan xaafettidoogaadan GODAAYYO intte Xoossaayyo Paasikaa Baalaa bonchchite” yaagidi azaziis.

Mazamure Maxaafaa 111:4

I ba maalaalissiya oosoti hassayettanaadan oottiis. GODAI qarettiyaagaanne maariyaagaa.

Mazamure Maxaafaa 135:13

Abeet GODAU, ne sunttai merinau de7ana; yeletaappe yeletaa gakkanaassi neeni hassayettana.

Kessaabaa 12:17

“Oittaa Baalaa bonchchite; aissi giikko, taani intte citaa Gibxxe biittaappe kessidoi he gallassa. He gallassaa, yeletaappe yeletaa gakkanaashin kantti kiyiya woga oottidi bonchchite.

Kessaabaa 12:24

“Intte ha azazuwaa intteyyoonne intte zerettaayyo merinau woga oottidi azazettite.

Kessaabaa 12:43

GODAI Muusanne Aaroona, “Paasikaa gallassaa bonchchiyo wogai hageeho; bete asi appe mulekka mooppo.

Kessaabaa 12:6

Ha aginaayyo tammanne oiddantta gallassaa gakkanaassi eta heemmite; he gallassi omarssi lankkilankkiyaagan Israa7eela maabaraa asai ubbai eta shukkana koshshees.

Kessaabaa 23:15

Oittaa Baalaa bonchchite; taani inttena azazidoogaadan, laappun gallassaa irshshuwaa yeggibeenna oittaa miite; intte Abiiba giyo aginan keerido gallassan ha baalaa bonchchite; aissi giikko, intte Gibxxeppe kiyidoi he aginaana. “Intteppe issi asinne ta sinttan mela kushe beettoppo.

Kessaabaa 27:21

Aarooninne a naati, xomppee GODAA sinttan qammida sa7ai wonttana gakkanaashin poo7ana mala, Xoossaa Dunkkaaniyaa giddon, Markkaa Taabootaa sinttan de7iya magalashuwaappe kareera eettona. Hagee Israa7eela asaayyo merinau wotto woga gididi de7o.

Kessaabaa 5:1

Hegaappe guyyiyan Muuseenne Aarooni Gibxxe kawuwaakko yiidi a, “GODAI, Israa7eela Xoossai hagaadan yaagees; 'Ta asai taayyo bazzon baalaa bonchchana mala, eta yedda' yaagees” yaagidosona.

Hizqqeela 46:14

Hegaarakka naa77u kilo giraame xiillee issi litiro zaitiyan munaqettidi, maallado maallado katta yarshsho gididi shiiqo. Hagee intte GODAASSI hachchi hachchi shiishshiyo yarshshuwaa wogaa.

Wogaabaa 23:6

“'Qassi he aginankka tammanne ichchashantto gallassai GODAA Oittaa Baalaa gallassa; hegaa gishshau laappun gallassatun irshshoi gelibeenna oittaa miite.

Zakkaariyaasa 6:14

He kallachchai Helddaaya, Xoobbiyaa, Yadaayanne Xafaaniyaa na7aa Yoosiyaasa hassayissiyaabaa gididi, GODAA Beeta Maqidasiyan de7ana” yaagiis.

Qoodaabaa 10:8

Aaroona naati qeeseti xurumbbaa punnona. Hagee neeyyoonne yiya yeleta ubbau merina woga gido.

Qoodaabaa 15:15

Inttessikka intte giddon de7iya betetussikka ha wogai issuwaa; hagee sinttappe yaana yeletaassikka eqqidi de7iya woga. Inttekka betetikka GODAA sinttan issuwaa.

Qoodaabaa 16:40

Aaroona zare gidenna ooninne GODAA sinttan ixaanaa cuwayanau shiiqenna mala, Qoraahanne a citaa gakkidaagee a gakkenna mala, Israa7eelata hassayissanau hageeta oottiis. GODAI Muuse baggaara El77aazara azazidoogaadan hagee haniis.

Qoodaabaa 18:8

Hegaappe guyyiyan GODAI Aaroona, “Israa7eelati taayyo immiyo geeshsha imota ubbaa taani neeyyo immaas. Taani neeyyo ne gishshaanne ne attuma naatuyyo eta gishshaa merinau gishsha oottada immaas.

Maatiyoosa 26:13

Taani intteyyo tumaa odais; sa7a ubban ha wonggeliyaa mishiraachchuwaa odiyoosan awaanikka, asai o hassayana mala, a oottidoogee odettana” yaagiis.

Luqaasa 22:19

Qassi oittaa ekkidi, Xoossaa galatiis; he oittaa menttidi, etassi immidi, “Hagee intteyyo imettida ta ashuwaa; hagan tana hassayite” yaagiis.

Zaarettido Wogaa 16:1

“Abiiba aginan GODAA intte Xoossaa Paasikaa Baalaa bonchchite; aissi giikko, GODAI intte Xoossai inttena Abiiba aginan qammi Gibxxeppe kessiis.

Zaarettido Wogaa 16:11

Hegan intte, intte attuma naati, intte macca naati, intte attuma ashkkaratinne intte macca ashkkarati, intte katamatun de7iya Leewati, beteti, aawu bainna naatinne intte giddon de7iya am77eti ubbai GODAI intte Xoossai ba sunttai xeesettanaadan dooriyo sohuwan, ufaittite.

Zaarettido Wogaa 6:8

Malaata oottada ne kushiyan eta qachcha; qassi ne som77uwankka malaatadan wotta.

Yaasu Maxaafaa 4:7

intte, 'GODAA Maachchaa Taabootaa sinttan Yorddaanoosa SHaafai gogettaa aggidi eqqidoogaa Israa7eela asaa merinau hassayissoosona. Maachchaa Taabootai pinnishin, Yorddaanoosa haattai duuxxiis' yaagidi etau odite” yaagiis.

Sameela Maxaafaa Koiruwaa 30:25

He gallassappe doommidi, hachchi gakkanaashin, Daawiti Israa7eela biittaayyo hegaa woganne awaajo oottidi wottiis.