Kessaabaa 12:12 - Wolaytta Bible

¹² “Taani he gallassi qammi Gibxxeera kanttana; kanttaidda baira yelettida ubbaa, asaakka mehiyaakka worana; Gibxxe eeqatu ubbaa bollikka taani pirddana; taani GODAATTENNE.

Kessaabaa 12:12 Iomraidhean Croise

Hanidabaa Odiya Koiro Maxaafaa 14:12

Pilisxxeemati bantta eeqata he sohuwan yeggidi biidosona. Yaatin Daawiti azazidi, eta eeqata taman xuugissiis.

Mazamure Maxaafaa 135:8

Gibxxe biittan asaa naatuppenne mehiyaa maraappe baira yelettidaageeta woriis.

Mazamure Maxaafaa 82:1

Xoossai saluwaa yaa7aa shiishshees. SHiishshidi xoossatu giddon hagaadan yaagidi pirddees;

Mazamure Maxaafaa 82:6

Taani inttena, 'Intte xoossata; intte ubbaikka Ubbaappe Xoqqiya Xoossaa naata.

Mazamure Maxaafaa 91:7

SHa7ai ne miyyessaara, qassi tammu sha7ai neeppe ushachcha baggaara kunddana; shin nena aibinne bochchenna.

Mazamure Maxaafaa 95:3

Aissi giikko, GODAI wolqqaama Xoossaa, xoossatu ubbaa bolli wolqqaama kawo.

Kessaabaa 12:23

GODAI Gibxxeta shoci woranau he biittaara kanttiyo wode, suuttaa qoriyaaninne naa77u qosilettatun be7ana; be7idi kareera aadhdhi bayana; xaissiyaagee intte soo gelidi, inttena worennaadan a intte soo gelissenna.

Kessaabaa 18:11

GODAI hara Xoossatuppe ubbaappe gooba gidiyoogaa taani ha77i erais; aissi giikko, i hagaa Israa7eela asaassi iitidaageetussi oottiis” yaagiis.

Kessaabaa 21:6

a godai a pirddiyaageetu sintti aatto; hegaappe guyyiyan pengge woikko pengge qosilettaakko a efiidi, a haittaa goottan lukko. Simmi i ba de7o laitta ubban ayyo aille gidana.

Kessaabaa 22:28

“Xoossaa bolli cashsha qaalaa haasayoppa, woikko ne deriyaa haariyaagaa qanggoppa.

Kessaabaa 6:2

Xoossai qassikka Muusa, “Taani GODAA;

Kessaabaa 9:6

Yaagidi wonttetta gallassi GODAI hegaa oottiis. Gibxxe asaa mehe ubbai haiqqiis; shin Israa7eela asaa mehiyaappe issoinne haiqqibeenna.

Isiyaasa 19:1

Gibxxe biittaabaa GODAI hagaadan yaagees; “Be7ite, GODAI eesotiya shaaraa toggidi, Gibxxe yees. Gibxxe eeqati a sinttan kokkorana; Gibxxe asaa wozanaikka eta giddon seerana” yaagees.

Ermmaasa 43:12

Gibxxe xoossatu keettata i taman oittana; eeqatakka xuuggana, woikko omooduwau ekkidi efaana. Henttanchchai ba calaa maayiyoogaadan, i Gibxxe biittaa maayana. Yaatidi hegaappe saro baana.

Ermmaasa 43:13

Gibxxe biittan Heliyopoliisa giyo kataman de7iya hawulttiyaa i mentterettana; Gibxxe xoossatu keettatakka taman xuuggana” yaagees' yaaga” yaagiis.

Ermmaasa 46:25

Ubbaappe Wolqqaama GODAI, Israa7eela Xoossai hagaadan yaagees; “Taani Teebisa katamaa xoossaa Amoona, Gibxxe kawuwaa, Gibxxe biittaanne Gibxxe xoossata, Gibxxe kawotanne Gibxxe kawuwan zemppiyaageeta ubbaa qaxxayana.

Hizqqeela 12:16

Eti bantta biyo kawotettatu giddon bantta tuna oosuwaa paaxana mala, taani etappe amaridaageeta olaappe, koshaappenne boshaappe kessi ekkanaadan oottana. Taani GODAA gidiyoogaa eti hegan erana” yaagiiddi yiis.

Amoxa 5:17

Woiniyaa turaa soho ubban yeehoi de7ana; aissi giikko, taani inttena qaxxayanau intte giddoora kanttana” yaagees GODAI.

Sofonaasa 2:11

GODAI etan yayettidaagaa gidana; biittan de7iya xoossata ubbaa i xaissana; qassi sa7an de7iya kawotettatun de7iya asai ubbai ba de7iyoosan de7iyoosan ayyo goinnana.

Qoodaabaa 33:4

He wode Gibxxe asai GODAI worido bantta baira naata moogoosona. Hagaadan oottidi, GODAI eta xoossatu bolli pirddaa ehiis.

Sameela Maxaafaa Koiruwaa 5:3

Ashddooda asai wonttetta gallassi guuridi denddido wode, GODAA Taabootaa sinttan Daagooni ba som77uwan biittan gufannidaagaa be7idosona! Daagoona denttidi, kase sohuwan essidosona.

Sameela Maxaafaa Koiruwaa 6:5

Intte he kixaanne intte biittaa bashshiya he eceretu misileta medhdhidi, Israa7eela Xoossaayyo bonchchuwaa immite; ooni erii intte bollappe, intte xoossatu bollappenne intte biittaa bollappe ba kushiyaa i denttana.