Izira Maxaafaa 10:1 - Wolaytta Bible

¹ Iziri Xoossaa Beeta Maqidasiyaa sinttan kunddidi yeekkiiddi woossiyo wodenne nagaraakka paaxiyo wode, Israa7eela asaappe daroi, maccai, attumainne naatoi ubbai akko shiiqidi, misho yeehuwaa aara yeekkidosona.

Izira Maxaafaa 10:1 Iomraidhean Croise

Kawotu Maxaafaa Koiruwaa 8:30

Taani ne ashkkarainne ne asai Israa7eeli ha Beeta Maqidasiyaakko simmidi, watiwatiyo watiwatuwaa neeni siya. Neeni de7iyoosan saluwan siyada, nuuyyo atto yaaga.

Kawotu Maxaafaa Koiruwaa 9:3

Qonccidi GODAI a hagaadan yaagiis; “Neeni ta sinttan woossido woosaanne watiwatido watiwatuwaa taani siyaas. Neeni keexxido Beeta Maqidasee merinau ta sunttai an xeesettana mala oottada taani geeshshaas; ta aifeenne ta wozanai ubba wode ha Beeta Maqidasiyan de7ana.

Hanidabaa Odiya Naa77antto Maxaafaa 20:13

Yihudaa asai ubbai bantta yiira naatuura, bantta maccaasatuuranne bantta naatuura issippe gididi, GODAA sinttan eqqidosona.

Hanidabaa Odiya Naa77antto Maxaafaa 20:9

'Nu bolli iitabai, woi olai, woi boshai, woikko koshai yiyaakko, nuuni ne sunttai de7iyo ha Beeta Maqidasiyaa sinttaaninne ne sinttan eqqidi, nu metuwan neekko waassana. Neeni nu waasuwaa siyada, nuna ashshana' yaagidosona.

Izira Maxaafaa 10:6

Hegaappe guyyiyan, Iziri Xoossaa Beeta Maqidasiyaa sinttaappe denddidi, Eliyaashiba na7ai Yahohanaani de7iyo kifiliyaa geliis. Gelidi kumetta qammaa omooduwaappe simmida asatu nagaraassi yeekkiiddi aqido gishshau, he sohuwan qumaa mibeenna; haattaakka uyibeenna.

Nahimiyaa Maxaafaa 1:4

Taani hagaa ubbaa siyido wode uttada yeekkaas. Daro gallassaa azzanada xoomaidda, saluwaa Xoossaa, hagaadan yaagada woossaas;

Nahimiyaa Maxaafaa 1:6

taani ne ashkkarai qassi ne ashkkarata gidiya Israa7eela asaa gishshaassi qamminne gallassi nena woossiyo woosaa siyanau ne haittai ezggo; ne aifeekka duge taakko xeello. Nuuni Israa7eela asai oottido nagaraa ubbaa neeyyo paaxais; tumakka taaninne ta maizza aawati nena naaqqida.

Nahimiyaa Maxaafaa 10:28

Qassi attida asaikka qeeseti, Leewati, penggiyaa naagiyaageeti, mazamuriyaa yexxiyaageeti, Beeta Maqidasiyaa ashkkaratinne Xoossaa higgiyaassi azazettanau Aihuda gidennaageetuppe banttana shaakkida ubbai, qassi eta machchoti, eta attuma naati, eta macca naatinne yohuwaa akeekanau asa gamma gakkida ubbai,

Nahimiyaa Maxaafaa 8:9

Asai higgiyaa qaalaa siyido wode, bantta wozanan mishettidi yeekkidosona. Hegaa gishshau, biittaa haariya Nahimee, qeesenne xaafe gidiya Izirinne asaassi maxaafaa birshshiya Leewati asaa hagaadan yaagidosona; “Ha gallassai GODAASSI, intte Xoossaassi, geeshsha gallassa gidiyo gishshau, issoinne azzanoppitenne yeekkoppite” yaagidosona.

Mazamure Maxaafaa 119:136

Ne higgiyau asai azazettibeenna gishshau, ta aifiyaappe afuttai shaafaadan goggees.

Mazamure Maxaafaa 32:5

Taani ta nagaraa neessi paaxaas; ta iitatettaakka neeppe genttabeikke; “Ta mooruwaa GODAASSI paaxana” gaas. Yaatin, neeni tana deexxida nagaraa atto yaagadasa.

Ermmaasa 13:17

SHin intte siyennan ixxikko, intte otoruwaa gishshau, taani geeman yeekkais. GODAA wudee omoodettidi biichchido gishshau, taani yeekkais; ta aifeekka afuttaa holssayees.

Ermmaasa 9:1

Ta huuphee haatta olla gideerenneeshsha! Ta aifetikka afutta pultto gidorkkonaashsha! Yaatiyaakko taani ta asatuppe morkketu kushiyan haiqqidaageetuyyo qamminne gallassi yeekkana shin!

Daaneela 9:20

Taani woossaidda, ta nagaraanne ta asaa Israa7eela nagaraa paaxaiddanne ta Xoossaa geeshsha deriyaabaa, Yerusalaamebaa GODAASSI ta Xoossaassi watiwataidda takkaas.

Hoose7a 14:2

GODAAKKO simmidi, hagaadan yaagidi woossite; “Nu nagara ubbaappe nuna maara; neeni nuna ne kehatettan shiishsha ekka; yaatin nuuni nu inxxarssan nena galatana.

Zakkaariyaasa 12:10

“Taani Daawita zaretu bollinne Yerusalaamen de7iya asaa bolli qaretaanne woosaa ayyaanaa gussana; hegaa gishshau, eti bantta caddidoogaa be7iyo wode, asi ba mexi issi na7au yeekkiyoogaadan yeekkana; qassi ba baira na7aukka kayyottiya asadan kayyottana.

Maatiyoosa 3:6

Yiidi ba nagaraa paaxin, Yorddaanoosa giyo shaafan asaa xammaqiis.

Luqaasa 19:41

Katamaa gakkanau i matidi, katamaa be7ido wode qarettidi yeekkiiddi,

Yesuusi Kiittidoogeetu Oosuwaa 10:30

Qornneliyoosi hagaadan yaagiis; “Taani hachchi oiddu gallassaappe kase ha saaten uddufun saate woosaa ta sooni Xoossaa woossishin, phooliya maayuwaa maayida asi ta sinttan eqqidi,

Yesuusi Kiittidoogeetu Oosuwaa 21:5

Nuuni etaara uttiyo wodee wurin, kiyidi biida; eti ubbati bantta maccaasatuuranne bantta naatuura issippe katamaappe gaxi kessana gakkanaas, nuna moissidosona; moissin nuuni abbaa doonan gulbbatidi, Xoossaa woossida.

Roome 9:2

Taayyo ashuwan zare gidiya ta ishanttuyyo, ta wozanan daro qaretainne aggenna qofai de7ees.

Zaarettido Wogaa 31:12

Eti ubbaikka siyidi, GODAASSI, intte Xoossaassi, yayyiyoogaa tamaarana mala, ha higgiyaa qaala ubbaa ammanettidi polana mala, asaa, attumanne macca, naatanne intte biittan de7iya kare biitta asaa issippe shiishshite.

Yaasu Maxaafaa 7:6

Hegaappe guyyiyan Yaasu azzanidi, ba maayuwaa pooshshiis; pooshshidi GODAA Taabootaa sinttan omarssi gakkanaashin gufanniis. Israa7eela cimatikka aagaadan hanidosona; bantta huuphiyankka baanaa qolidosona.

Yaasu Maxaafaa 8:35

Muusee azazidobaa ubbaappe Yaasu nabbabennan aggido issi qaalikka baawa. Kumetta Israa7eela yaa7aassi, maccaasaassi, naatussi, eta giddon de7iya allagatussaarakka ubbaassi nabbabiis.