Iyyooba Maxaafaa 7:16 - Wolaytta Bible

¹⁶ Taani ta de7uwaa karaas; taani merinau de7anau koyikke. Ta laittai siiriyaara shemppiyo issi shemppo mala gidiyo gishshau, neeni tana agga baya.

Iyyooba Maxaafaa 7:16 Iomraidhean Croise

Doomettaabaa 27:46

Hegaappe guyyiyan Ribiqa Yisaaqa, “Eesawi ekkido Hiitetu macca naatu gaasuwan taani ta de7uwaa shenetaas; qassi Yaaqoobikka hageetu mala Hiitetu macca naatuppe machcho ekkikko, taani simmi haiqqanau koyais” yaagaasu.

Kawotu Maxaafaa Koiruwaa 19:4

yeggidi barkka issi gallassa ogiyaa bazzuwan hemettiis. Hemettiiddi biidi issi sankkaaraa kuwan uttidi, “Abeet GODAU, taayyo gidana; taani ta maizza aawatuppe kehikke. Ta shemppuwaa ekka” yaagidi haiqqanau woossiis.

Iyyooba Maxaafaa 10:1

“Taani ta de7uwaa karais! Hegaa gishshau, taani mootettanaappe attin, co77u giikke; taani mishettada haasayais.

Iyyooba Maxaafaa 10:20

Ta de7anau attida laittati guutta gidokkonaa? Taani qiibaa ufaitta ekkana mala, hai tana aggarkkii!

Iyyooba Maxaafaa 14:6

Hegaa gishshau, keraa oottiya asi ba oosuwaa polidi shemppiyoogaadan, asi ba daafura laittaa polidi shemppanaadan, a aggaaga.

Iyyooba Maxaafaa 6:9

Xoossai tana woreerenneeshsha! I ba kushiyaa yeddidi, ta de7uwaa turaa duutteerenneeshsha!

Iyyooba Maxaafaa 7:15

Taani ha sakkiya bollaara de7anaagaappe sulettiyoogaanne haiqqiyoogaa doorais.

Iyyooba Maxaafaa 7:7

“Abeet Xoossau, ta laittai siiriyaara shemppiyo issi shemppo mala gidiyoogaa hassaya! Ta aifee naa77antto kehabaa be7ennan attiis.

Iyyooba Maxaafaa 9:21

“Taani boree bainna asa. SHin ta de7uwaa wudikke; taani ta de7uwaa karais.

Mazamure Maxaafaa 144:4

Asi issiton carkkiya carkko mala; a gallassatikka aadhdhiya kuwaa mala.

Mazamure Maxaafaa 39:10

Ne boshaa ta bollaappe dentta. Ne kushiyaa minotettaa gaasuwan taani hitais.

Mazamure Maxaafaa 39:13

Taani shaahettanaappenne xayanaappe kasetada ufaittana mala, hai tana agga” yaagaas.

Mazamure Maxaafaa 39:6

Tumaappe asai eeshuwaadan hemettees; tumaappe coo mela simerettees. I aquwaa shiishshees; shin ekkana asa erenna.

Mazamure Maxaafaa 62:9

Asi ubbi issiton shemppiyo carkko mala; xoqqin ziqqin, asi hada. Meezaanan wottinkka eti ainne deexxokkona; eti issiton shemppiyo carkkoppekka kauyyoosona.

Mazamure Maxaafaa 78:33

Hegaa gishshau, i eta gallassata carkkuwaadan, eta laittatakka akeekennan xaissiis.

Mazamure Maxaafaa 78:39

Aissi giikko, eti asho xalaala gidiyoogaanne yaa carkkidosaappe haa simmenna carkko mala gidiyoogaa hassayiis.

Eranchchaa Maxaafaa 2:17

Metoppe attin, go77iyaabi bainna gishshau, ha sa7aa de7oi tana iitiis. Hegeekka hada; carkkuwaa oiqqanau yedettiyoogaa mala.

Ermmaasa 8:3

Taani laalidosan de7iya, ha iita kawotettaappe attida asati ubbai de7uwaappe haiquwaa doorana. Taani Ubbaappe Wolqqaama GODAI hagaa odais” yaagees.

Yoonaasa 4:3

Abeet GODAU, ha77i simmi hai hayyanaa tana wora; paxa de7iyoogaappe haiqqiyoogee taayyo keha” yaagiis.

Yoonaasa 4:8

Awai kiyiyo wode, Xoossai michchiya carkkuwaa arshsho baggappe yeddiis; hegaappe denddidaagan Yoonaasi labbanana gakkanaashin, awai Yoonaasa huuphiyaa xuuggiis. Yaatin i, “Paxa de7iyoogaappe haiqqiyoogee taayyo keha” yaagidi haiquwau woossiis.