Iyyooba Maxaafaa 7:1 - Wolaytta Bible

¹ “Asa de7oi sa7aa bollan wolqqaama baaxe gidenneeyye? A de7o laittai keraa oottiya asa de7o laittaa mala gidenneeyye?

Iyyooba Maxaafaa 7:1 Iomraidhean Croise

Iyyooba Maxaafaa 10:17

Neeni ta bolli ooratta markkata ehaasa; ne hanqquwaakka ta bolli darissaasa; tana olanau ooratta halchchota giigissaasa.

Iyyooba Maxaafaa 14:1

“Maccaasappe yelettida asa baree qantta; hegaa keesaikka metuwan kumi uttiis.

Iyyooba Maxaafaa 5:7

Tamai piri wodhdhiyoogaadan, asi metuwau yelettiis.

Iyyooba Maxaafaa 7:2

Kuwaa amottiya ashkkaraadan, woikko ba damoozaa ekkanau naagiya oosanchchaadan,

Mazamure Maxaafaa 39:4

“Abeet GODAU, ta de7uwaa wurssettaanne taayyo de7anau attida gallassaa tana bessa. Qassi ta de7oi ciranau ai keenaa eesotiyaakko, tana erissa.

Eranchchaa Maxaafaa 8:8

SHemppoi shaahettidi biyo gallassi oiqqidi, teqqanau danddayiya asi baawa; woikko haiqoi ba gallassan yeennaadan digganau danddayiya asikka baawa. Hegee ooninne kessi ekkanau danddayenna ola. Hegaa gishshau, haiquwaa sinttan iitatetti iitaa oottiya uraa ashshi ekkenna.

Isiyaasa 16:14

SHin ha77i GODAI hagaadan yaagees; “Konttiraate oosanchchaa laittaa qoodaadan, Moo7aaba bonchchoinne a coratettai heezzu laittatu giddon wurana; an attiya asatikka amaridaageetanne wolqqi bainnaageeta gidana” yaagees.

Isiyaasa 21:16

Hegaappe guyyiyan, Godai tana hagaadan yaagiis; “Konttiraate oosanchchaa wodiyaadan, mexi issi laittaa giddon Qeedaare bonchchoi ubbai wurana.

Isiyaasa 38:5

Yiidi, “Ba; baada Hizqqiyaasa, 'GODAI ne maizza aawaa Daawita Xoossai hagaadan yaagees; “Taani ne woosaa siyaas; ne afuttaakka be7aas. Ne laittaa bolli taani neeyyo tammanne ichchashu laittaa gujjana.

Isiyaasa 40:2

Yerusalaamessikka, a omooduwan de7ido wodee polettidoogaa, i nagarai atto geetettidoogaa yootite; i nagaraa gishshau, GODAI o naa77u dakko qaxxayidoogaa yootite” yaagees.

Wogaabaa 25:50

I bana shammida bitaniyaara issippe gididi, i bana baizzido laittaappe doommidi Ishatamantto Laittaa Baalai gakkanaashin de7iya laittaa qoodo; a birshshissiya waagai he laittaa qoodaa keena gido. I bana shammidaagaara gam77ido wodiyaa waagai issi asi keraa oottidi demmiyo miishsha lagge gido.

Zaarettido Wogaa 15:18

A neeni ailletettaappe kessa yeddiyo wode, neeni qohettidabaadan qoppoppa; aissi giikko, i ha usuppun laittaa giddon kerau oottiyaabi oottiyoogaayyo dakko daruwaa neeyyo oottiis. Hegaa gishshau, neeni oottiyooban ubban GODAI ne Xoossai nena anjjana.