Iyyooba Maxaafaa 5:2 - Wolaytta Bible

² Eeyya uraa lanccee worees; akeekai paccido uraakka qanaatee xaissees.

Iyyooba Maxaafaa 5:2 Iomraidhean Croise

Doomettaabaa 30:1

Raaheela Yaaqoobau naata yelabeennaagaa be7ido wode, ba michchiyo qanaataasu; hegaa gishshau Yaaqooba, “Tau naata imma; hegee xayikko, taani haiqqana” yaagaasu.

Doomettaabaa 38:9

SHin Oonaani yelettiya naati baageeta gidennaagaa eriis; hegaa gishshau ba ishaa machcheera zin77iyo wode audenne, ba ishaayyo na7i yelettenna mala, ba zerettaa biittan gussees.

Iyyooba Maxaafaa 18:4

Neeni ne hanqquwan nena qohaasa. Ne hanqquwan biittai baisa gidanee? Woikko zaallati bantta sohuwaappe xoqolettanee?

Mazamure Maxaafaa 107:17

Etappe issoti issoti eeyya gididosona; bantta oottido nagaraa gaasuwaaninne bantta iitatettaa gaasuwan tuggatidosona.

Mazamure Maxaafaa 14:1

Eeyyati bantta wozanan, “Xoossai baawa” yaagoosona. Eta de7oi moorettiis. Eti sheneyiyaabaa oottoosona; lo77iyaabaa oottiya asi baawa.

Mazamure Maxaafaa 75:4

Taani otoranchchata, 'Otorettoppite' yaagais; iitatakka, 'Intte kaciyaa bessoppite.

Mazamure Maxaafaa 92:6

Eeyya asi eranau danddayenna; damma asikka akeekanau danddayenna.

Leemiso Maxaafaa 12:16

Eeyya uraa hanqqoi sohuwaara erettees; shin cincca asi cashshaa wudenna.

Leemiso Maxaafaa 19:16

Azazuwaa naagidi oottiya asi, ba shemppuwaa naagees; shin shenehoo giya asi haiqqees.

Leemiso Maxaafaa 19:19

Hanqquwaa suulliya asi ba waagaa ekko; a aggaaga; neeni a ashshiyaabaa gidikko, haranttuwaakka neeni a hegaadan oottanaagee attenna.

Leemiso Maxaafaa 27:3

SHuchchai gita tooho; shaahetaa tookkiyoogeekka deexo; shin eeyya urai denttiyo ooshshai eta naa77aappekka deexxees.

Leemiso Maxaafaa 8:5

Inttenoo akeekai paccidoogeetoo, hayyuwaa demmanau tamaarite. Inttenoo eeyyatoo, akeekaa demmite.

Eranchchaa Maxaafaa 7:9

Hanqqoi azallati haluwaa kiyanau go7ettiyo miishsha gidiyo gishshau, elle hanqqettoppa.

Hoose7a 7:11

“Efireema asai qofi bainna eeyya haraphphe mala. Maaduwaa demmanau issiton Gibxxe xeesees; issiton qassi Asoorekko simmees.

Yoonaasa 4:9

Woossin Xoossai Yoonaasa hagaadan yaagiis; “Tumu neeni ha gosiyaa gishshau hanqqettanau bessii?” yaagiis. Yaagin Yoonaasi, “Ee bessees; ubba haiqqana gakkanaassi hanqqettanau bessees” yaagiis.

Roome 2:8

SHin harati iitabaa oottanau yaaretoosonanne tumatettaa ixxoosona; Xoossai eta bolli bashshaanne hanqquwaa yeddana.

Naa77antto Ximootiyoosa 3:6

Aissi giikko, etappe issoi issoi asa keetta gelidi, nagarai deexxidoogeeta, dumma dumma amuwan sugettiyaageeta, ubba wode tamaaridi, tumatettaa eratettaa ekkanau mule danddayibeenna daafuranchcha maccaasata godatoosona.