Iyyooba Maxaafaa 42:3 - Wolaytta Bible

³ 'Laa ha eri bainnan ta zoriyaa genttiyaagee oonee?' yaagada tana oichchadasa. Tumuppe taani taayyo gelibeennabaa haasayaas; ta eraappe haakkida maalaalissiyaabaa haasayaas.

Iyyooba Maxaafaa 42:3 Iomraidhean Croise

Iyyooba Maxaafaa 11:7

“Neeni Xoossaa ciimma xuuraa qorada eranau danddayai? Woikko Ubbaa Danddayiya Xoossaa zawata koyada demmanau danddayai?

Iyyooba Maxaafaa 11:9

Xoossaa aadhdhida eratettai biittaa zananaappe aduqqees; abbaa gomppaappekka aakkees.

Iyyooba Maxaafaa 13:1

“Hagaa ubbaa ta aifee be7iis; ta haittaikka siyidi akeekiis.

Iyyooba Maxaafaa 38:2

“Eri bainna haasayan ta zoriyaa tashsha7issiyaagee i hagee oonee?

Iyyooba Maxaafaa 5:9

Gidduwaa pilggidi eranau danddayettenna gitabatanne qoodi bainna oorattabata Xoossai oottees.

Mazamure Maxaafaa 131:1

Abeet GODAU, taani ayyuwaa aggaas; ta hanuwaanikka otorettikke. Gitabaassi woikko eranau danddayenna maalaalissiyaabaassi taani hirggikke.

Mazamure Maxaafaa 139:6

Ne eratettai tana keehippe maalaalissiyaabaa; taani akeekanau danddayiyoosaappe xoqqa.

Mazamure Maxaafaa 40:5

Abeet GODAU, ta Xoossau, neeni daro maalaalissiyaabaa oottadasa; nenaara likkettiyai ooninne baawa! Neeni nuuyyo qoppido lo77o qofaa ooninne qoodanau danddayenna. Hegee taani yootin, wuriyaabaa gidenna.