Iyyooba Maxaafaa 2:7 - Wolaytta Bible

⁷ Hegaappe guyyiyan, Seexaanai GODAA sinttappe kiyidi, Iyyooba tohuwaappe huuphiyaa gakkanaassi iita masunttai a bolli kiyanaadan oottiis.

Iyyooba Maxaafaa 2:7 Iomraidhean Croise

Sameela Maxaafaa Naa77anttuwaa 14:25

Israa7eela ubbaa giddon mera lo77on Abeseloomadan sabettida issi asinne baawa. A huuphiyaappe biidi tohuwaa yachchaa gakkanaashinkka an boriyoobi baawa.

Kawotu Maxaafaa Koiruwaa 22:22

“Yaagin GODAI ayyaanaa, 'Waata balettuutee?' yaagiis. “Yaagin ayyaanai, 'Taani kiyada baada, ayyo hananabaa yootiyaageetu ubbatu doonan worddotiya ayyaana gidana' yaagiis. “Yaagin GODAI, 'Ee, neeni a balettana; neeyyo hegee hanana. Ba; baada baletta' yaagiis” yaagiis.

Iyyooba Maxaafaa 1:11

SHin neeni ne kushiyaa yeddada, ayyo de7iya aquwaa ubbaa shociyaakko, i nena tumu ne sinttan qanggana” yaagiis.

Iyyooba Maxaafaa 13:28

Taani musidabaadaaninne bil77ai miido afaladan musais.

Iyyooba Maxaafaa 2:6

Yaagin GODAI Seexaanaa, “Eeno, a woroppappe attin, a bolli neeni koyidobaa oottanau danddayaasa” yaagiis.

Iyyooba Maxaafaa 30:30

Ta gogai xiiximmidi, poqetti poqetti wodhdhees; ta bollaikka mishuwan xuugettees.

Iyyooba Maxaafaa 7:5

Ta bollai guxuniyaanne googuwaa maayiis; ta masunttaappe giishshai goggees.

Isiyaasa 1:6

Tohuwaa biradhdhiyaappe huuphiyaa binnaanaa gakkanaassi payyatetti baawa; masuntti, kixinne giiyiyaabi de7ees; etinne giiyibookkona, woikko meecetti qashettibookkona, woikko zaitiyan tiyettidi looxigibookkona.

Isiyaasa 3:17

Hegaa gishshau, taani Godai Xiyoone maccaasatu huuphiyaa cittuwan goo7issana. Taani GODAI eta huuphiyaa bo77ayana” yaagees.

Zaarettido Wogaa 28:27

“GODAI nena xalee bainna Gibxxe masunttan, kixan, ilaaninne puusuwan harggissana.

Zaarettido Wogaa 28:35

GODAI xalee bainna iita masunttan ne gulbbataanne ne wodiraa harggissana; yedhdhiya gediyaappe huuphiyaa gakkanaashin, nena he masunttan shocana.

Ajjuutaa 16:11

Qassi asai ba seelaa gishshaunne ba masunttaa gishshau saluwaa Xoossaa qanggiis. SHin ba oottido nagaraappe simmibeenna.