Isiyaasa 9:6 - Wolaytta Bible

⁶ Na7i nuuyyo yelettiis! Attuma na7i nuuyyo imettiis! Kawotettai a hashiyan wodhdhana; a sunttai, “Maalaalissiyaabaa Zoriyaagaa, Wolqqaama Xoossaa, Merinaa Aawaa, Sarotettaa Halaqaa” geetettana.

Isiyaasa 9:6 Iomraidhean Croise

Sameela Maxaafaa Naa77anttuwaa 7:13

Ta sunttaayyo keettaa keexxanai a; taani a kawotaa araataa merinau mintta essana.

Sameela Maxaafaa Naa77anttuwaa 7:16

Ne zaretinne ne kawotettai ta sinttan merinau gam77ana; ne kawotaa araataikka merinau minni eqqana” yaagees' yaaga” yaagiis.

Kawotu Maxaafaa Koiruwaa 10:9

Nenan ufaittidi, nena Israa7eela kawotaa araatan utissida GODAI ne Xoossai galatetto! GODAI Israa7eela asaa merinau siiqido gishshau, neeni suure pirddaanne xillotettaa oottana mala i nena kawoyiis” yaagaasu.

Kawotu Maxaafaa Koiruwaa 2:33

Yoo7aabi ha asata worido gishshau, eta suuttaa daafai merinau Yoo7aaba huuphiyaaninne a zerettatu huuphiyan wodhdho. Daawita bollinne a keettaa asaa bolli, a zerettatu bollinne a kawotaa araataa bolli merinau GODAA saroi gido” yaagiis.

Kawotu Maxaafaa Koiruwaa 2:45

SHin Kawoi Solomoni anjjettana; Daawita kawotaa araataikka GODAA sinttan merinau saro de7ana” yaagiis.

Nahimiyaa Maxaafaa 9:32

“Nu Xoossau, gita, wolqqaamanne yayettida Xoossau, ne aggenna siiquwaa maachchaa naagiyaagoo, nu bollan gakkida metoi ne sinttan laafabaa milatoppo. Beni Asoore kawotu wodiyaappe doommidi, hachchi gakkanaashin, nu bollan, nu kawotu bollan, nu halaqatu bollan, nu qeesetu bollan, nu hananabaa yootiyaageetu bollan, nu maizza aawatu bollaaninne ne asa ubbaa bollan gita metoi gakkiis.

Mazamure Maxaafaa 45:3

Wolqqaama kawuwau, ne bisuwaa ne xeessan gixxa; bonchchoinne gitatettai nebaa.

Mazamure Maxaafaa 45:6

Abeet Xoossau, ne kawotaa araatai meri merinau de7ees; ne kawotaa xam77aikka suuretettaa xam77aa.

Mazamure Maxaafaa 45:7

Neeni xillotettaa siiqaasa; naaquwaa ixxaasa. Xoossai, ne Xoossai, nena ne laggetuppekka aattidi, ufaissaa zaitiyaa tiyidoogee hegaassa.

Mazamure Maxaafaa 50:1

Wolqqaama GODAI, Xoossai haasayees. Awai mokkiyoosaappe wulliyoosaa gakkanaassi sa7an de7iya asaa xeesees.

Mazamure Maxaafaa 72:17

Kawuwaa sunttai merinau de7o; awai de7ido keesa ubban xeegettiiddi, gam77o. Asai ubbai a baggaara anjjettana; kawotettati ubbai a, “Ufaitta” yaagidi anjjana.

Mazamure Maxaafaa 72:3

Dereti sarotettaa aifiyaa, keratikka xillotettaa aifiyaa ne asaayyo aifona.

Mazamure Maxaafaa 72:7

I de7iyo laitta ubban xillotettai daayo; aginai xayana gakkanaassi sarotettai daro.

Mazamure Maxaafaa 85:10

Aggenna siiqoinne tumatettai issippe gaittana. Xillotettainne sarotettai issippe yerettana.

Mazamure Maxaafaa 89:5

Abeet GODAU, saloti neeni oottido maalaalissiyaabaanne neeni ammanettiyoogaa geeshshatu yaa7an galatoosona.

Leemiso Maxaafaa 8:23

Beni wode, biittai sa7ai merettanaappe kase taani sunttettaas.

Isiyaasa 10:21

Atettai, Yihudaa asaa atettai Wolqqaama Xoossaakko simmana.

Isiyaasa 11:5

Xillotettai a xeessau dancco gidana; ammanettiyoogeekka a miyyiyau qabatto gidana.

Isiyaasa 16:5

Hegaappe guyyiyan, issi kawotaa araatai aggenna siiquwan eqqana; he araatan, Daawita dunkkaaniyan issi ammanettiya daannai uttana. I suuretettaa koyana; xillotettaa oottanaukka eesotana” yaagana.

Isiyaasa 26:12

Abeet GODAU, neeni nuuyyo sarotettaa minttadasa; nu ooso ubbaa neeni nuuyyo oottadasa.

Isiyaasa 26:3

Ba qofaa nenan wottida asa neeni polo sarotettan naagaasa; aissi giikko, i nenan ammanettees.

Isiyaasa 28:29

Hageekka qassi maalaalissiya zoriyaa zoriya, oosuwaakka aadhdhida eran oottiya Ubbaappe Wolqqaama GODAAPPE yees.

Isiyaasa 32:1

Be7ite, kawoi xillotettan kawotana; haariyaageetikka suuretettan haarana.

Isiyaasa 37:32

Aissi giikko, wuriiddi attidaageeti Yerusalaameppe, palahidaageetikka Xiyooneppe kiyana. Ubbaappe Wolqqaama GODAA mishoi hegaa oottidi polana.

Isiyaasa 53:10

SHin i qohettanaagee GODAA shene gidiis; qassi GODAI i tuggatanaadan oottiis. I bana nagarau yarshsho oottiyo wode, ba zerettaa be7ana. A bareekka aduqqana; GODAA sheneekka a kushiyan polettana.

Isiyaasa 53:2

I a sinttan mela biittan de7iya durumaappe xaphuwaa yeddidi, aaciya yelaga aacaadan dicciis. Nuuni a loitti xeellanau, ayyo merai woikko qottai baawa; nuuni akko shiiqanau ayyo puuli baawa.

Isiyaasa 53:5

SHin i nu mooruwaa gishshau, cadettidi masunxxiis; nu nagaraa gishshaukka shocettidi liiqiis. I qaxxayettidoogan, nuuni saruwaa demmida; a masunttan nuuni paxida.

Isiyaasa 63:16

Abrahaami nuna erana xayikkokka, Yaaqoobi nuna akeekennan xayikkokka, abeet GODAU, neeni nu aawaa. Beni wodiyaasappekka doommidi, ne sunttai nuna woziyaagaa.

Isiyaasa 66:12

GODAI hagaadan yaagees; “Be7ite, taani iyyo sarotettaa shaafadan darissana; kawotettatu duretettaakka kumidi goggiya pulttuwaadan, iyyo ehaana. Yaatobare intte hegaa xammana; i hashiyan intte toohettana; i kiyuwan uttidi, intte baalotana.

Isiyaasa 7:14

Yaatikko, Godai ba huuphen intteyyo malaataa immana; geela7iyaa shahaarada attuma na7aa yelana; a sunttaakka “Amaanu7eela” yaagada sunttana.

Isiyaasa 8:18

Tananne taayyo GODAI immido naata be7ite. Nuuni Xiyoone Deriyan de7iya Ubbaappe Wolqqaama GODAAPPE Israa7eelayyo malaatanne markka.

Ermmaasa 31:22

Inttenoo, ammanoi bainna Israa7eelatoo, aude gakkanaashin toilattuuteetii? GODAI sa7aa bollan issi oorattabaa medhdhana; hegeenne, maccaasi attumaasaassi eqettidi, saro ashshiyoogaa mala oorattabaa” yaagees.

Daaneela 2:44

“He kawotu laittan, saluwaa Xoossai mulekka kunddenna, hara asaukka imettenna kawotettaa essana. He eqqida kawotettai he kawotettata ubbaa gaaceretti xaissana; shin i merinau eqqidi daana.

Daaneela 7:14

Asai ubbai, kawotettati ubbainne dumma dumma qaalan haasayiya zareti ubbai ayyo haarettana mala, maatai, bonchchoinne kawotettai ayyo imettiis. A maatai merinau shaarettenna maataa; a kawotettai mulekka xayennaagaa.

Hagge 2:9

Koiroogaa bonchchuwaappe ha naa77antto Beeta Maqidasiyaa bonchchoi darana; taani Ubbaappe Wolqqaama GODAI ha sohuwan sarotettaakka immana' yaagada yoota” yaagiiddi yiis.

Maatiyoosa 1:1

Hagee Daawita zarenne Abrahaama zare gidida Yesuus Kiristtoosa yeletaa yootiya maxaafaa.

Maatiyoosa 11:27

“Ta Aawai taassi ubbabaa immiis; Aawaappe harai Na7aa erenna; Na7aappenne Na7ai Aawaa bessanau koyiyo asatuppe attin, harai Aawaa erenna.

Maatiyoosa 28:18

Yesuusi etakko shiiqidi, eta hagaadan yaagiis; “Maata ubbai saluwaaninne sa7an taayyo imettiis.

Luqaasa 1:35

Kiitanchchai zaaridi Mairaamo, “Geeshsha Ayyaanai ne bolli yaana; Ubbaappe Bolla Xoossaa wolqqai nenan shemppana; hegaa gishshau, ne yelana geeshsha na7ai Xoossaa Na7aa geetettana.

Luqaasa 2:14

Xoossaa galatiiddi, “Salo ubbaappe bolla saluwan de7iya Xoossaassi bonchchoi gido. Sa7an a ufaissiya asaassi sarotettai gido” yaagidosona.

Luqaasa 21:15

Aissi giikko, intte morkketuppe ooninne inttenaara eqettanaunne palamettanau danddayenna haasayaa minotettaanne aadhdhida eratettaa taani inttessi immana.

Yohaannisa 1:14

Qaalai asa gididi, nu giddon de7iis. Nuuni a bonchchuwaa aaro kehatettainne tumatettai kumidoogaa be7ida. Aawaayyo issi Na7aa xalaala gidida i ekkido bonchchoi hagaa.

Yohaannisa 1:16

Nuuni ubbai a kumetta aaro kehatettaappe anjjuwaa ekkida.

Yohaannisa 14:27

“Taani sarotettaa inttenaara wottais; ta sarotettaa intteyyo immais. Taani sa7ai immiyo sarotettaa malaa immikke. Intte hirggoppitenne yayyoppite.

Yesuusi Kiittidoogeetu Oosuwaa 10:36

Xoossai asa ubbaa Godaa Yesuus Kiristtoosa baggaara, sarotettaa yootiiddi, ha wonggeliyaa mishiraachchuwaa Israa7eela asaassi kiittidoogaa intte ereeta.

Yesuusi Kiittidoogeetu Oosuwaa 20:28

“Yesuusi ba suuttan wozido Xoossaa woosa keettaa naagite; qassi Geeshsha Ayyaanai inttena halaqa oottidi sunttido wude ubbaakka intte huuphiyaakka naagite.

Roome 8:32

I harai atto ba Na7aakka waayiyaappe guyye ashshibeenna; shin a nuuyyo ubbaayyo aattidi immi aggiis. I ba Na7aa immidaagee qassi nuuyyo ubbabaa coo immennee?

Roome 9:5

eti aawatu zare; qassi Kiristtoosikka ashuwan eta zare. Xoossai, ubbaappe bolla gididi haariyaagee, merinau galatetto; amin77i.

Koiro Qoronttoosa 1:30

SHin Xoossai inttessi Kiristtoos Yesuusa baggaara de7uwaa immiis. I nuussi Kiristtoosa aadhdhida eratettaa, xillotettaa, geeshshatettaanne qassi atotettaa immiis.

Koiro Qoronttoosa 15:25

Aissi giikko, Xoossai a morkketa ubbaa a tohuwaappe garssaara wottana gakkanaassi, Kiristtoosi haaranau bessees.

Naa77antto Qoronttoosa 5:19

Xoossai Kiristtoosa baggaara asa ubbaa banaara sigettees; asa nagaraakka asa bolli qoodenna; qassi asa banaara sigettiyo kiitaakka nuuyyo immiis.

Zaarettido Wogaa 10:17

Aissi giikko, GODAI intte Xoossai xoossatu Xoossaanne godatu Godaa. I gita Xoossaa; i wolqqaamanne yashshiya Xoossaa. I som77o xeelli pirddennaagaanne maganxxo ekkennaagaa.

Qolasiyaasa 2:3

Geeman Xoossai minjjido erainne aadhdhida eratettai ubbai aani de7ees.

Koiro Ximootiyoosa 3:16

Nu ammanuwaa xuurai gita gidiyoogaa ooninne kashi gaanau danddayenna. Kiristtoosi ashuwan qoncciis; i xillo gidiyoogaa Geeshsha Ayyaanai markkattiis. Kiitanchchatikka a be7idosona; Aihuda gidenna asai abaa yootin siyiis. Sa7an de7iya asai a ammaniis; bonchchuwan i saluwaa biis.

Tiitu 2:13

Nuuni nu gita Xoossai, nuna ashshiya Yesuus Kiristtoosi beettana giido anjjettida bonchcho gallassaa naagoos.

Ibraawe 1:8

SHin ba Na7aabaa haasayiiddi, “Xoossau, ne kawotaa araatai meri merinau de7ees. Ne kawotaa xam77aikka xillotettaa xam77aa.

Ibraawe 13:20

Sarotettaa Xoossai, nu Godaa Yesuusa, dorssaa heemmiya gitaa, merinaa maachchaa suuttan haiquwaappe denttiis.

Koiro Yohaannisa 5:20

Nuuni tumu Xoossaa eranaadan, Xoossaa Na7ai yiidoogaanne nuuyyo akeekaa immidoogaa eroos. Nuuni tumu Xoossaa giddon, a Na7aa Yesuus Kiristtoosa giddon de7eettees; i tumu Xoossaanne merinaa de7uwaa.

Ajjuutaa 19:16

A maayuwaa bollinne a wodiraa bolli, “Kawotu Kawuwaanne godatu Godaa” yaagiya sunttai xaafetti uttiis.

Daannatu Maxaafaa 13:18

Yaagin GODAA kiitanchchai a, “Ta sunttai maalaalissiyaagaa gidiyo gishshau, neeni ta sunttaa aibissi oichchai?” yaagidi zaariis.