Isiyaasa 8:17 - Wolaytta Bible

¹⁷ Taani ba som77uwaa Yaaqooba zaretuppe genttiya GODAA naagana; qassi an ammanettana.

Isiyaasa 8:17 Iomraidhean Croise

Doomettaabaa 49:18

“Abeet GODAU, taani neeni ashshanau naagais.

Iyyooba Maxaafaa 13:24

“Neeni aibissi ne som77uwaa taappe genttai? Qassi tana aibissi ne morkkedan qoodai?

Iyyooba Maxaafaa 14:14

Issi asi haiqqikko, simmidi paxanee? Ta laamee yaana gakkanaashin, ha tugga wodiyaa ubbaa danddayan naagana.

Iyyooba Maxaafaa 35:14

“Iyyoobaa, neeni, 'Taani Xoossaa be7anau danddayikke; ta mootoi a sinttan de7ees; taani a naagais' yaagaasa. Yaatin, neeyyo i zaaruwaa immanau, ne gaasoi ai keena guuxxanddeeshsha!

Mazamure Maxaafaa 130:5

Taani GODAA naagais; ee, taani a laamotan naagais; a qaalankka ufaissaa oottais.

Mazamure Maxaafaa 27:14

GODAN ufaissaa wotta; minnadanne wozannaamada, GODAN ufaissaa wotta.

Mazamure Maxaafaa 33:20

Nuuni GODAN ufaissaa oottoos; i nuna maaddiyaagaanne nu gonddalle.

Mazamure Maxaafaa 37:34

GODAN ufaissaa wottada, a ogiyaa naaga. Neeni biittaa laattana mala, i nena gitayana. Iita asati xoqollettidi xayishin, neeni be7ana.

Mazamure Maxaafaa 39:7

“Abeet Godau, ha77i simmi, taani naagiyoobai aibee? Taani ufaissaa oottiyoi nenaana.

Mazamure Maxaafaa 40:1

Taani GODAA danddayan naagaas; i taakko simmidi, ta waasuwaa siyiis.

Isiyaasa 1:15

“Intte kushiyaa miccidi, intte woossiyo wode, taani ta aifiyaa intteppe genttana; intte daro woosaa woossikkokka, taani siyikke; aissi giikko, intte kushee suuttan munaqettiis.

Isiyaasa 25:9

He gallassi eti hagaadan yaagana; “Hagee tumu nu Xoossaa; nuuni i nuna ashshanaadan naagida; naagin i nuna ashshiis. Hagee GODAA; nuuni a naagida. Ane a atotettan hashshu goosinne ufaittoos” yaagana.

Isiyaasa 26:8

Ee GODAU, ne higgiyaa ogiyan hemettiiddi, nuuni nena naagoos. Nu wozanaa amoi ne sunttaa bonchchanaagaa xalaala.

Isiyaasa 30:18

SHin GODAI intteyyo kehanau naagees; i intteyyo qarettiyoogaa bessanau denddees. Aissi giikko, GODAI xillo pirddiya Xoossaa; a naagiyaageeti ubbati anjjettidaageeta.

Isiyaasa 33:2

Abeet GODAU, nuna maara; nuuni nena naagoos; maallado maallado nuussi wolqqa gida; metuwaa wodekka nuna ashshiyaagaa gida.

Isiyaasa 45:15

Abeet Xoossau, Israa7eela Ashshiyaagoo, tumuppe neeni nena genttiya Xoossaa.

Isiyaasa 50:10

Intte giddoppe GODAASSI yayyiyaageenne a ashkkaraa qaalaassi azazettiyaagee oonee? Xuman hemettiyaageenne poo7oi bainnaagee i oonee? He urai GODAA sunttan ammanetto; ba Xoossankka zemppo.

Isiyaasa 54:8

Suulliya hanqquwan, taani ta sinttaa neeppe guutta wodiyau genttaas; shin merinaa siiquwan taani neeyyo qarettana” yaagees. GODAI, nena Woziyaagee hagaa odees.

Isiyaasa 57:17

Eta nagaraa gaasuwaaninne eta yaariyaa gaasuwan, taani eta hanqqettaas. Hanqqettada eta shocaas; ta sinttaakka etappe genttaas. SHin eti ha77ikka simmidi, bantta wozanaa qofan biidosona.

Isiyaasa 59:2

SHin intte nagarai intteppenne intte Xoossaappe gidduwan shaahotettaa medhdhiis. Qassi i siyenna mala, intte nagarai a sinttaa intteppe genttiis.

Isiyaasa 64:4

Beniisappe doommidi, nenan ammanettidi, naagiyaageetussi maalaalissiyaabaa oottida neeppe attin, hara Xoossaa asa haitti siyibeenna; asa aifeekka be7ibeenna.

Isiyaasa 64:6

Nuuni ubbaikka tuna asa gidida; nu xillotetta ooso ubbaikka qita curqqa mala. Nuuni ubbaikka bonccodan shullida; nu nagarai nuna carkkodan, pittidi efiis.

Isiyaasa 64:7

Ne sunttaa xeesiyai, woikko nena mintti oikkanau koyiyai baawa. Aissi giikko, neeni ne sinttaa nuuppe genttadasa; nuna nu nagaraa gishshau, agga bayadasa.

Ermmaasa 33:5

Inttenaara olettanaunne taani ta hanqquwaaninne yiilluwan shocana asatu ahaa he sohotun kunttanau Baabilooneti geloosona. Aissi giikko, eta iitatettaa ubbaa gishshau, taani ha katamaappe ta som77uwaa genttaas.

Hoose7a 12:6

Hegaa gishshau, intte Xoossaakko simmite; siiquwaanne suure pirddaa mintti oiqqite; intte Xoossai oottanaashin naagite.

Mikiyaasa 3:4

He wode eti GODAAKKO waassana, shin i etau zaarenna; i ba sinttaa he wode etappe qottana; aissi giikko, eti iita oosuwaa oottidosona.

Mikiyaasa 7:7

SHin tana gidikko, taani ufaissan GODAA xeellashshana; tana ashshiya Xoossaa taani naagashshana; ta Xoossai tabaa siyana.

Imbbaaqooma 2:3

Aissi giikko, ajjuutan beettidabai ba keerettida wodiyaa naagees. He ajjuutai polettiyo wodee eesuwan gakkana; worddo gididi attenna. Takkiyaabaa milatikkokka naaga; aissi giikko, i tumuppe yaana; gam77enna.

Luqaasa 2:38

He saatiyankka shiiqada, Xoossaa galataasu. Qassi Xoossai Yerusalaame wozin be7ana yaagidi naagiya asaa ubbau na7aabaa odaasu.

Luqaasa 24:27

Yaagidi Muuse maxaafaappenne hananabaa yootiyaageetu maxaafaappe doommidi, Xoossaa maxaafatu ubban babai xaafettidaagaa etassi birshshiis.

Zaarettido Wogaa 32:20

Yaatidi hagaadan yaagiis; 'Taani ta som77uwaa etappe genttana; eti geellanne ammanettenna dere gidiyo gishshau, eta omarssaa co77u gaada xeellana.

Koiro Tasalonqqe 1:10

Qassi Xoossaa Na7ai Yesuusi, Xoossai haiquwaappe denttidoogee, nuna sinttappe yaana Xoossaa hanqquwaappe ashshiyaagee saluwaappe yaanaagaa intte naagiyoogaa eti haasayoosona.

Naa77antto Tasalonqqe 3:5

Godai intte wozanaa Xoossaa siiquwaakkonne Kiristtoosi immiyo danddayaakko kaaletto.

Ibraawe 2:13

Qassi i, “Taani ta ammanuwaa Xoossan wottana” qassikka, “Xoossai tau immido naatuura taani hagan de7ais” yaagees.

Ibraawe 9:28

Hegaadankka, qassi Kiristtoosi daro asaa nagaraa xaissanau issitoo yarshshettiis; qassi i bana mintti naagiyaageeta ashshanau beettanaappe attin, naa77antto nagara tookkanau beettenna.