Isiyaasa 64:3 - Wolaytta Bible

³ Kasekka neeni nuuni naagibeenna maalaalissiyaabaa oottido wode wodhdhadasa; wodhdhin dereti ne sinttan gaji gajidi kokkoridosona.

Isiyaasa 64:3 Iomraidhean Croise

Sameela Maxaafaa Naa77anttuwaa 7:23

Neeni ne asa oottanau wozido ne asaa Israa7eela milatiya hara kawotetti sa7aa bollan baawa. Neeni etayyo oottido gitanne maalaalissiya oosotu gaasuwan ne sunttai biittan sa7an erettiis. Neeni ne asaa sinttaappe hara kawotettatanne eta xoossata laaggadasa.

Mazamure Maxaafaa 106:22

Kaama biittan maalaalissiyaabaanne, Zo7o Abban, “Hoola!” giissiyaabaa oottidaagaa.

Mazamure Maxaafaa 66:3

Xoossaayyo hagaadan yaagite; “Ne oosoti aiba garamissiyaabee! Ne wolqqai darido gishshau, ne morkketi yashshau ne sinttan gulbbatoosona.

Mazamure Maxaafaa 66:5

Haayite; Xoossai oottidobaa be7ite; i asaa giddon garamissiya oosuwaa oottiis.

Mazamure Maxaafaa 68:8

Siinaa Deriyan qonccida Xoossaa sinttan, Israa7eela Xoossaa sinttan biittai qaaxxiis; saloti iraa duge tigi bayidosona.

Mazamure Maxaafaa 76:12

I halaqatu otoruwaa giishshees; wolqqaama kawotakka i yashissees.

Kessaabaa 34:10

Yaatin GODAI hagaadan yaagiis; “Taani inttenaara maachchaa maacettais; hagaappe kase sa7a ubban de7iya kawotetta ubban hani erenna maalaalissiyaabaa ne asa ubbaa sinttan oottana; taani GODAI, intteyyo oottiyo oosoi ai keena maalaalissiyaabaakko neeni eta giddon de7iyo asai be7ana.

Isiyaasa 5:25

Hegaa gishshau, GODAA hanqqoi a asaa bolli eexxi kiyees; i ba kushiyaa eta bolli denttidi, eta diippees. Dereti qaaxxoosona; haiqqida asaa ahai ogiyan buura mala gidees; yaaninkka a hanqqoi simmenna; a kushee ha77ikka denddidosan de7ees.

Isiyaasa 64:1

Abeet GODAU, neeni salota daakkada duge wodhdhidaa gidarkkiishsha! Wodhdhin deretikka gaji gajidi kokkoridaa gidorkkonaashsha!

Imbbaaqooma 3:3

Xoossai Temaana giyo sohuwaappe yees; he Geeshshai Paaraana Deriyaappe yees. A bonchchoi saluwaa kammiis; a galataikka sa7aa kumiis.

Imbbaaqooma 3:6

I eqqidi biittaa qaattiis. Qassi i xeellidi kawotettata kokkorssiis. Merinaasappe de7ida dereti meqerettidosona; qassi i eta bollan hemettiyo beniisappe de7ida keratikka laalettidosona.

Zaarettido Wogaa 10:21

Intte intte aifiyan be7ido he gitanne yashshiya maalaalissiyaabata, intteyyo oottidaagee i intte galataattenne; qassi intte Xoossaattenne.

Zaarettido Wogaa 4:34

Woikko GODAI intte Xoossai intte xeellishin, Gibxxe biittan intteyyo oottidoogaadan, paaciyan, malaatan, maalaalissiyaaban, olan wolqqaama kushiyaaninne micettida qesiyan, qassi gita yashshan hara kawotettaa giddo gelidi, issi kawotettaa baayyo ekkanau baaxetida hara xoossi de7ii?