Isiyaasa 61:4 - Wolaytta Bible

⁴ Eti beni qolettidaageeta zaarettidi keexxana; beni kunddidaageetakka zaarettidi essana. Eti onidaageetanne daro yeletaappe kase kolettida katamata zaarettidi keexxana.

Isiyaasa 61:4 Iomraidhean Croise

Izira Maxaafaa 9:9

Nuuni aille gidikkonne, nu Xoossai nuna ailletettan aggibeenna; nu de7uwaa ooraxissiis. Qassi nu Xoossaa Beeta Maqidasiyaa keexxana mala, kolettidaagaa bottokonana malanne Yihudaaninne Yerusalaamen nuuni sarotettan de7ana mala, Parsse biittaa kawotu sinttan nuuyyo ba aggenna siiquwaa bessiis.

Mazamure Maxaafaa 46:8

Haa yiite; GODAA oosuwaa xeellite; i sa7an oottido garamissiya malaataa be7ite.

Mazamure Maxaafaa 74:3

Ane ne Beeta Maqidasee laalettido sohuwaa yaada xeella. Morkketi an de7iyaabaa ubbaa bashshidosona.

Isiyaasa 52:9

Inttenoo Yerusalaamen qolettida sohotoo, issippe ufaissau yexxite; aissi giikko, GODAI ba asaa minttettiis; Yerusalaame katamaakka woziis.

Isiyaasa 58:12

Beni qolettidaageeta intte zaarettidi keexxana; daro wodiyaappe kase baasettida baasotikka keexettidi xoqqu gaana. Inttekka qolettida gimbbeta zaarettidi gimbbiyaageetanne asai de7iyo sohotun ogiyaa kessiyaageeta geetetti xeesettana” yaagees.

Mikiyaasa 7:11

Inttenoo, Israa7eela asatoo, intte katamaa gimbbe dirssati direttiyo gallassai yaana; he gallassi intte zawaikka aakkana.

Zakkaariyaasa 1:17

“'Zaarettadakka hagaadan yaagada awaajja; “Ubbaappe Wolqqaama GODAI hagaadan yaagees; 'Ta katamatu duretettai kumi goggana; qassi taani GODAI Xiyoone zaarettada minttettana; Yerusalaamekka zaarettada doorana' yaagees” yaagada awaajja' yaagiis” yaagiis.