Isiyaasa 55:3 - Wolaytta Bible

³ “Ta asau, siyite; taakko haa yiite. SHemppoora paxa de7ana giikko, taani yootiyoogaa siyite. Taani inttenaara merinaa maachchaa maacettana. Taani anjjana gaada Daawita anjjidoogaadan, inttenakka anjjana.

Isiyaasa 55:3 Iomraidhean Croise

Doomettaabaa 17:7

Taani taappenne neeppe, neeppe guyyiyan ne zerettaappenne gidduwan, yeletaappe yeletaa gakkanaassi ta maachchaa maacettais; ha maachchai taani neeyyoonne neeppe guyyiyan ne zerettaayyo Xoossaa gidana mala merinaa maachcha.

Doomettaabaa 49:10

Haariyaagee yaana gakkanaashin, kawotaa xam77ai Yihudaappe, deriyaa haariyaageetu gatimai a toho giddoppe shaahettenna. Qassi dere asai ayyo azazettana.

Sameela Maxaafaa Naa77anttuwaa 23:5

“Tumu ta keettaa asai Xoossaa sinttan suure. I tanaara merinaa maachchaa maacettiis; ubbabaikka ha maachchaa giddon giigidinne minnidi uttiis. Xoossai taayyo xoonuwaa immana; qassi taani amottidobaa ubbaa i tumuppe polana.

Sameela Maxaafaa Naa77anttuwaa 7:29

Ne sinttan yaa merinau gam77anaadan, ne ashkkaraa zariyaa anjjanau ufaitta. Aissi giikko, Abeet Ubbaa Haariya GODAU, hegaa haasayadasa; qassi ne anjjuwan ne ashkkaraa zareti merinaukka anjjettana” yaagidi woossiis.

Hanidabaa Odiya Naa77antto Maxaafaa 6:42

Abeet GODAU, Xoossau, neeni tiyido kawuwaa aggoppa. Ne ashkkaraa Daawitassi aggenna ne siiquwaa hassaya” yaagiis.

Mazamure Maxaafaa 119:112

Taani merinau, wurssettaa gakkanau ne awaajjuwaadan oottanau qachchaas.

Mazamure Maxaafaa 119:175

Taani nena galatana mala, tana paxa wotta; ne pirddaikka tana maaddo.

Mazamure Maxaafaa 78:1

Ta asau, taani inttena tamaarissiyoogaa siyite; ta doonaappe kiyiya qaalaa ezggite.

Mazamure Maxaafaa 89:28

Taani aggenna ta siiquwaa ayyo merinau naagana. Taani aara maacettido maachchaa minttana.

Mazamure Maxaafaa 89:29

Taani a zerettaa merinaayyo minttada essana; a kawotaa araataakka saluwaadan gam77ettana.

Kessaabaa 15:26

I eta hagaadan yaagiis; “GODAI intte Xoossai odiyoobaa minttidi siyikkonne a aifiyaa sinttan likkebaa oottikko, intte a azazuwaa ezggikkonne a awaajuwaa ubbaa naagikko, taani Gibxxetu bolli ehiido harggiyaappe issuwaanne intte bolli ehiikke; aissi giikko, taani inttena pattiya GODAATTENNE” yaagiis.

Leemiso Maxaafaa 4:20

Ta na7au, taani yootiyoogaa siya; taani odiyoogaakka loittada ezgga.

Leemiso Maxaafaa 7:2

Neeyyo paxa de7anau ta azaziyoogaa ootta; ta timirttiyaakka ne aifiyaa buluwaadan naaga.

Isiyaasa 51:4

“Ta asau; taani yootiyoobaa siyite. Ta kawotettau, ne haittaa taakko yeggada ezgga. Aissi giikko, higgee taappe kiyees; ta suure pirddaikka kawotettatussi poo7o gidana.

Isiyaasa 54:8

Suulliya hanqquwan, taani ta sinttaa neeppe guutta wodiyau genttaas; shin merinaa siiquwan taani neeyyo qarettana” yaagees. GODAI, nena Woziyaagee hagaa odees.

Isiyaasa 61:8

Xoossai hagaadan yaagees; “Taani GODAI suure pirddaa dosais; wuussaanne mooruwaa ixxais. Taani ammanettada, eta oosuwaa waagaa etayyo qanxxana. Taani etaara merinaa maachchaa maacettana.

Ermmaasa 30:9

Hegaa aggidi eti GODAASSI, bantta Xoossaassi, oottana; taani etayyo denttiyo Kawuwaa Daawitassi eti haarettana.

Ermmaasa 32:40

Taani etaara merinau maachchaa maacettana. He maachchan taani etayyo lo77obaa oottiyoogaa aggikke; eti taappe wora simmenna mala, taani eti taayyo yayyanaadan oottana.

Ermmaasa 33:26

taani Yaaqooba zerettatanne ta ashkkaraa Daawita zerettata agga bayana; yaatabeennabaa gidiyaakko, Abrahaama, Yisaaqanne Yaaqooba zaretu bolli kawoyanau Daawita zerettaa doorennan aggana. Taani ta asaa maarana; taani eta zaarada ishalissana” yaagiis.

Ermmaasa 38:20

Ermmaasi zaaridi, “Aikko baawa! Eti nena etayyo aattidi immokkona. Taani yootiyo GODAA qaalaassi hayyanaa azazetta. Hegee neeyyo lo77o gidana; neenikka paxa attana.

Ermmaasa 50:5

Eti Xiyoone efiya ogiyaa oichchidi, bantta sinttaa yaa zaaridi, 'Haayite! Nuuni mulekka dogettenna merinaa maachchaa GODAARA ane maacettoos' yaagana.

Hizqqeela 16:60

Gidikkonne, taani ne yelagatettaa wodiyan nenaara maacettido maachchaa qaalaa hassayana; qassi merinaa maachchaakka nenaara maacettana.

Hizqqeela 34:24

Hegaappe sinttan taani GODAI eta Xoossaa gidana; ta ashkkarai Daawiti eta giddon halaqa gidana. Taani GODAI hagaa odaas.

Hizqqeela 34:25

“'“Taani etaara sarotettaa maachchaa maacettana; iita do7atakka taani biittaappe diggana; yaatobare ta dorssati bazzon saro de7ana; wora garssankka hirggi bainnan allaxxana.

Hizqqeela 37:26

Taani etaara Sarotettaa maachchaa maacettana; he maachchaikka etaara merinaa maachcha gidana. Taani eta minttada essana; eta qoodaakka corissana; ta Beeta Maqidasiyaakka merinau eta giddon wottana.

Wogaabaa 18:5

Hegaa gishshau ta azazuwaanne ta wogaa naagikko, intte paxa de7ana. Taani GODAA.

Amoxa 5:4

GODAI Israa7eela asaassi hagaadan yaagees; “Tana koyite; yaatikko, intte de7uwan de7ana.

Amoxa 5:6

GODAA koyite; yaatikko, intte de7uwan de7ana. Hegee xayikko, i Yooseefa zariyaa tamaadan xuuggana; Beeteelen de7iya asaakka tamai maana. He tamaa etau ooninne toissenna.

Maatiyoosa 11:28

“Daafuranchchatoo, deexuwaa tookkiyaageetoo, ubbati taakko haa yiite; taani inttena shemppissana.

Maatiyoosa 13:16

“SHin intte aifee xeelliyo gishshaunne intte haittaikka siyiyo gishshau, intte anjjettidaageeta.

Maatiyoosa 17:5

I haasayishin, poo7iya shaarai yinne eta gentti aggiis; genttin shaaraappe, “Hagee taani siiqiyo tana ufaissiya ta Na7aa; i giyoogaa siyite” giya qaalai yiis.

Yohaannisa 10:27

Ta dorssati ta qaalaa siyoosona; taani eta erais; etikka tana kaalloosona.

Yohaannisa 6:37

Ta Aawai tau immiyo ubbai taakko yaana; qassi taakko yiya oonanne mulekka taani wora yeddikke.

Yohaannisa 7:37

He baala gallassaa bonchchiyo gallassaappe waannatiya wurssetta gallassan Yesuusi denddi eqqidi, ba qaalaa xoqqu oottidi, “Saamettida urai ooninne taakko yiidi uyo.

Yohaannisa 8:47

Xoossaa asa gidiya urai Xoossai giyoogaa ezggees; intte Xoossaa asa gidenna gishshau, Xoossai giyoogaa ezggekketa” yaagiis.

Yesuusi Kiittidoogeetu Oosuwaa 13:34

Naa77anttuwaa i haiqqenna mala, haiquwaappe a denttidoogaassi Xoossai, ‘Taani Daawitayyo immana giido ammanettida geeshsha anjjuwaa inttessi immana’ yaagidi haasayiis.

Roome 10:5

Asi higgiyau azazettidi xilliyoobau Muusee, “Higgee azaziyoogaa oottiya ooninne he higgiyan paxa de7ana” yaagidi xaafiis;

Ibraawe 13:20

Sarotettaa Xoossai, nu Godaa Yesuusa, dorssaa heemmiya gitaa, merinaa maachchaa suuttan haiquwaappe denttiis.