Isiyaasa 54:1 - Wolaytta Bible

¹ GODAI hagaadan yaagees; “Bii, yelabeenna mainee, yexxa! Nenoo, maareti oiqqi erennaaree, ne qaalaa xoqqu oottada ilila! Aissi giikko, ba azinaara de7iya maccaasee naatuppe, barkka de7iya maccaasee naati darana.

Isiyaasa 54:1 Iomraidhean Croise

Doomettaabaa 21:6

Saara, “Xoossai taayyo miichchaa immiis; qassi hagaa siyiya ubbai tanaara miiccana” yaagaasu.

Mazamure Maxaafaa 113:9

Maine maccaasiyo naatu aayyiyo oottidi, ufaissidi i keettan o bonchchissees. GODAA galatite!

Siiquwaa Sabaa 8:8

“Nuuyyo tiran xanttai uttibeenna michchiyaa de7ausu; azini o oichchikko, nuuni iyyo oottanabi aibee?

Isiyaasa 12:6

Israa7eela Geeshshai intte giddon xoqqu xoqqu giido gishshau, inttenoo, Xiyoonen de7iyaageetoo, hombbocite! Ufaissau yexxite!” yaagana.

Isiyaasa 24:14

Eti bantta qaalaa xoqqu oottidi, ufaissan yexxoosona; arggo baggaara de7iya ubbai GODAA gitatettaa yootana.

Isiyaasa 44:23

Inttenoo salotoo, GODAI hagaa oottido gishshau, ufaissan yexxite. Inttenoo biittaa ciimmatoo, ililite. Inttenoo deretoo, woraunne a giddon de7iya mitta ubbau, mazamuriyaa kinchchite. Aissi giikko, GODAI Yaaqooba woziis; qassi Israa7eela giddonkka i bonchchettana.

Isiyaasa 49:13

Inttenoo salotoo, ufaissan yexxite. Nenoo biittau ufaitta. Inttenoo deretoo, ililite! Aissi giikko, GODAI ba asaa minttettiis; qassi ba metootanchchatussikka qarettees.

Isiyaasa 49:19

“Ne bashsha sohotinne baisa biittati ha77i nenan de7iya asaassi keehi un77ana; qassi nena qolidaageetikka neeppe haakkana.

Isiyaasa 49:20

Neeni kayyottiyo laittatun neeyyo yelettida naati ne haittan odiiddi, 'Hagee sohoi nuuyyo keehi un77o; hegaa gishshau, nuuyyo de7anau aaho sohuwaa imma' yaagana.

Isiyaasa 62:4

Hagaappe sinttanau neeni, “Dogetta attidaaro” geetettakka. Qassi ne biittiyaakka, “Xontta attidaaro” geetettukku. SHin neeni, “Ta ufaissai in de7iyooro,” ne biittiyaakka, “Azinaa gelidaaro” geetettana. Aissi giikko, GODAI nenan ufaittana; ne biitteessikka i azina mala gidana.

Isiyaasa 66:7

“Bannakkennan na7a yeliya maccaasi de7ii? Leessoikka un77ettennan attuma na7a yeliya maccaasi de7ii?

Sofonaasa 3:14

Xiyoone na7ee, mazamuriyaa yexxa! Israa7eela asau, ililite! Yerusalaame na7ee, ne polo wozanaappe ufaitta; ufaittada hashshukka ga!

Zakkaariyaasa 9:9

Nenoo Xiyoone katamau, ufaitta! Nenoo Yerusalaame katamau, ilila! Be7a, xoonida ne xillo kawoi neekko yees. Ne kawoi ashkke gididi, hariyaa bolli, hare maraa bolli uttidi, neekko yees.

Galaatiyaa 4:27

Aissi giikko, Xoossaa maxaafai yaagees; “Bii, yelabeenna mainee, ufaitta; maareti oiqqi erennaaree, ne qaalaa xoqqu oottada ilila! Aissi giikko, ba azinaara de7iya maccaaseeppe, barkka de7iya maccaaseeyyo daro naati de7ana” yaagees.

Sameela Maxaafaa Koiruwaa 2:5

Kalli uttidaageeti namisettidi, qumau keraa oottoosona; shin namisetti uttidaageeti ha77i kallidosona. Mainiyaa laappun naata yelaasu; shin cora naata yelidaara daafuraasu.