Isiyaasa 53:10 - Wolaytta Bible

¹⁰ SHin i qohettanaagee GODAA shene gidiis; qassi GODAI i tuggatanaadan oottiis. I bana nagarau yarshsho oottiyo wode, ba zerettaa be7ana. A bareekka aduqqana; GODAA sheneekka a kushiyan polettana.

Isiyaasa 53:10 Iomraidhean Croise

Mazamure Maxaafaa 110:3

Neeni ne morkketuura olettiyo gallassi ne asai eeno gaana. Maallado guuraa xaazaadan ne wodalla asai neekko qeeri geeshsha deretun shiiqana.

Mazamure Maxaafaa 147:11

GODAI bau yayyiyaageetuuninne aggenna a siiquwan bantta ufaissaa wottidaageetun ufaittees.

Mazamure Maxaafaa 149:4

Aissi giikko, GODAI ba asan ufaittees; naaqettidaageetau xoonuwaa immidi, i eta bonchchees.

Mazamure Maxaafaa 21:4

Neeni de7uwaa ayyo immanaadan nena woossiis; woossin ayyo immadasa. Meri merinau a bariyaa adussadasa.

Mazamure Maxaafaa 22:30

Yiya zerettai ayyo kiitettana; asai Godaa oosuwaa yiya yeletau yootana.

Mazamure Maxaafaa 22:31

Biron yelettibeenna asaassikka, “Xoossai ba asaa ashshiis” yaagiyoogee odettana.

Mazamure Maxaafaa 69:26

Aissi giikko, eti neeni qaxxayidoogeeta yedettoosona; qassi neeni dechchidoogeetu tuggaabaa denttidi haasayoosona.

Mazamure Maxaafaa 72:17

Kawuwaa sunttai merinau de7o; awai de7ido keesa ubban xeegettiiddi, gam77o. Asai ubbai a baggaara anjjettana; kawotettati ubbai a, “Ufaitta” yaagidi anjjana.

Mazamure Maxaafaa 72:7

I de7iyo laitta ubban xillotettai daayo; aginai xayana gakkanaassi sarotettai daro.

Mazamure Maxaafaa 89:29

Taani a zerettaa merinaayyo minttada essana; a kawotaa araataakka saluwaadan gam77ettana.

Mazamure Maxaafaa 89:36

Hegeenne, a zerettai merinaassi daana; a kawotaa araataikka ta sinttan awaadan gam77ana.

Isiyaasa 42:1

Taani kaafada oikkido ta ashkkarai, ta shemppoi an ufaittiyoogee, taani dooridoogee hageeho. Taani ta Ayyaanaa a bolli wottaas; i kawotettatussi suure pirddaa ehaana.

Isiyaasa 46:10

'Ta qofai minnana; qassi taanikka ta halchchuwaa ubbaa polana' yaagais. Wurssettan hananabaa doomettan, qassi biron hanibeenna yohota beni wodiyaappe doommada awaajjais.

Isiyaasa 49:4

SHin taani hagaadan yaagaas; “Taani mela coo daafuraas; ta wolqqaakka go77ennabaaninne hadaban coo wurssaas. Ta pirddai GODAA mataana; ta waagaikka ta Xoossaa mataana” yaagaas.

Isiyaasa 53:12

Hegaa gishshau, gita asatu gidduwan taani au bonchcho sohuwaa shaakkada immana; qassi minotuura i omooduwaa shaakkana. Aissi giikko, i ba shemppuwaa haiquwau aattidi immiis; yaatidi mooranchchatuura paidettiis. Gidikkonne, i daro asaa nagaraa tookkiis; tookkidi mooranchchatuyyookka gaannatiis.

Isiyaasa 54:3

Neeni ushachcha baggaaranne haddirssa baggaara aakkana; ne zareti kawotettata laattana; laattidi eta baisa katamatun keexxidi uttana.

Isiyaasa 61:9

Eta zareti kawotettatu giddon, eta naatikka dere asatu giddon erettana; eta be7ida ubbai taani, GODAI anjjido asata eti gidiyoogaa geeshshidi erana” yaagees.

Isiyaasa 66:22

Qassikka GODAI hagaadan yaagees; “Taani medhdhiyo ooratta salotinne ooratta sa7ai ta sinttan minnidi de7iyoogaadan, hegaadankka, intte zerettainne intte sunttai minnidi de7ana.

Isiyaasa 9:7

A kawotettaa daruwaunne a sarotettau zawai de7enna; hachchippe doommidi, merinaa gakkanaassi, suure pirddaaninne xillotettan minttanaunne essanau Daawita kawotaa araataaninne a kawotettan i kawotana; Ubbaappe Wolqqaama GODAA mishoi hegaa polana.

Ermmaasa 32:41

Taani etayyo lo77obaa oottiyoogan ufaittana; qassi taani ta kumetta wozanaappenne ta kumetta shemppuwaappe ha biittan eta tumaappe tokkana” yaagees.

Hizqqeela 33:11

Taani ta de7uwan hagaadan yaagada caaqqais; “Nagaranchchai ba nagaraa aggidi, paxa de7ana mala koyaisippe attin, nagaranchchaa haiquwan ufaittikke. Taani Ubbaa Haariya GODAI hagaa odais. Inttenoo, Israa7eela asau, simmite; intte iita oosuwaappe guyye simmite! Aissi haiqqanau koyeetii?” yaagais' yaaga.

Hizqqeela 37:25

Taani ta ashkkaraa Yaaqoobassi immidonne intte maizza aawati de7ido biittan eti de7ana. He biittan eti, eta naatinne eta naatu naati merinau de7ana; ta ashkkarai Daawiti eta bollan merinau halaqa gidana.

Daaneela 9:24

“Laapputoo laappun tammu laittai Xoossai ne asaassinne ne geeshsha katamaassi keerido wodiyaa. He wodetun naaqoi wurana; nagaraa oosoi attana; mooroi maarettana; merinaa xillotettai gelana; ajjuutainne hiraagai polettananne Ubbaappe Aadhdhida Geeshsha Sohoi tiyettana.

Mikiyaasa 7:18

Naaquwaa atto yaagiyaagee, ba asaa atettatu makkalaa qoodennaagee ne mala Xoossai oonee? Neeni hanqqoi hanqqoshin, merinau de7a aggakka; aissi giikko, neeni ne asaassi ne aggenna siiquwaa bessiyoogan ufaittaasa.

Sofonaasa 3:17

GODAI ne Xoossai ne giddon de7ees; i neeyyo xoonuwaa immiya olanchchaa. I nenan ufaittana; i ba siiquwan nena ooraxissana; asai baala gallassi yexxiyoogaadan, i nenan ufaittidoogaa mazamuriyaa yexxidi bessana” yaagana. GODAI hagaadan yaagees; “Hagaappe sinttanau ne bolli bashshai gakkennaadan taani oottana; ne yeellaakka quccana.

Zakkaariyaasa 13:7

Ubbaappe Wolqqaama GODAI hagaadan yaagees; “Bisuwau, taayyo mata gidiya ta dorssaa heemmiyaagaa bolli beegotta! Beegottada dorssati laalettanaadan, dorssaa heemmiyaagaa wora. Taanikka he guutta dorssatu bollan ta kushiyaa denttana.

Qoodaabaa 7:15

xuuggiyo yarshshuwaassi, issi mirgguwaa, issi dorssa orggiyaanne issi laitta kumido attuma dorssaa;

Maatiyoosa 17:5

I haasayishin, poo7iya shaarai yinne eta gentti aggiis; genttin shaaraappe, “Hagee taani siiqiyo tana ufaissiya ta Na7aa; i giyoogaa siyite” giya qaalai yiis.

Maatiyoosa 3:17

qassi saluwaappe, “Taani siiqiyo ta Na7ai, tana ufaissiyaagee hagaa” yaagiya qaalai yiis.

Luqaasa 1:33

inne Yaaqoobantta zariyan merinau kawotana; a kawotettaassi wurssetti baawa” yaagiis.

Yohaannisa 1:29

Yohaannisi wonttetta gallassi Yesuusi baakko yiishin be7idi yaagiis; “Xoossaa dorssai, sa7aa nagaraa xaissiyaagee, hageeho!

Yohaannisa 12:24

Taani intteyyo tumaa odais; issi gistte aifiyaa biittan wodhdhada wooqqana xayikko, barkka attausu. SHin he gisttee aifiyaa wooqqikko, daro aifiyaa aifausu.

Yohaannisa 13:32

Xoossai ta baggaara, Asa Na7aa baggaara bonchchettikko, i ba huuphen tana Asa Na7aa bonchchana; qassi i tana sohuwaara bonchchana.

Roome 6:9

Aissi giikko, Kiristtoosi haiquwaappe denddidoogaa, qassi naa77anttuwaa i haiqqennaagaanne haiqoi sinttappe a haarennaagaa nuuni eroos.

Roome 8:32

I harai atto ba Na7aakka waayiyaappe guyye ashshibeenna; shin a nuuyyo ubbaayyo aattidi immi aggiis. I ba Na7aa immidaagee qassi nuuyyo ubbabaa coo immennee?

Roome 8:8

Bantta asatettau azazettiyaageeti Xoossaa ufaissanau danddayokkona.

Naa77antto Qoronttoosa 5:21

Nuuni Xoossaa xillotettaa Kiristtoosa baggaara ekkana mala, nagara erenna Kiristtoosa nu gishshau, Xoossai nagaranchcha oottiis.

Galaatiyaa 3:13

Xoossaa maxaafan, “Mitta bolli kaqetti haiqqiya ooninne qanggettidaagaa” geetetti xaafettido gishshau, Kiristtoosi nu gishshau qanggettidaagaa gididi, nuna higgiyaa qanggettaappe woziis.

Efisoona 1:5

Xoossai ba sheniyan ba dosidoogaadan, Yesuus Kiristtoosa baggaara nuna ba naata oottanau kasetidi qoppi wottiis.

Efisoona 1:9

Aissi giikko, Xoossai ba qoppidoogaa oottiis; qassi Kiristtoosa baggaara polanau qoppi wottido xuura yohuwaa nuna erissiis.

Efisoona 5:2

Qassi Kiristtoosi nuna siiqidi, ba huuphiyaa Xoossaayyo sawuwaa tonggu giya yarshsho oottidi immidoogaadan, inttekka siiquwan de7anau bessees.

Naa77antto Tasalonqqe 1:11

Nuuni intteyyo ubba wode Xoossaa woossiyoogee hegaassa. Nu Xoossai xeesido de7uwau inttena bessiyaageeta giidi qoodanaadan, nuuni a woossoos; intte lo77obaa amottiyoogaanne intte ammanuwaa oosuwaa i ba wolqqan polo.

Ibraawe 2:13

Qassi i, “Taani ta ammanuwaa Xoossan wottana” qassikka, “Xoossai tau immido naatuura taani hagan de7ais” yaagees.

Ibraawe 7:27

Hara qeese ubbatu halaqatudan, i koiro ba huuphe nagaraassi yarshshidi, qassi guyyeppe asaa nagaraassi hachchi hachchi yarshshanau koshshenna; i bana yarshshido wode, naa77anttennan issitoo yarshshiis.

Ibraawe 9:14

merinaa Geeshsha Ayyaanaa baggaara bali bainna yarshshodan, Xoossau bana immida Kiristtoosa suuttai, nuuni de7o Xoossau oottana mala, kase nu haiqqida oosuwaappe nuna zoriya wozanaa waati geeshshanddeeshsha!

Koiro PHeexiroosa 2:24

Nuuni nagarau haiqqidi, xillotettau de7ana mala, Kiristtoosi ba huuphen ba ashuwan nu nagaraa masqqaliyan tookkiis; intte a masunttan paxideta.

Ajjuutaa 1:18

Taani paxa de7iyaagaa. Taani haiqqaas; shin be7a, meri merinaukka paxa de7ais. Haiquwaa qulppeenne Si7ooliyaa qulppee ta kushiyan de7ees.