Isiyaasa 52:8 - Wolaytta Bible

⁸ Siyite, intte katamaa naagiyaageeti bantta qaalaa xoqqu oottidi, ufaissau issippe yexxoosona; GODAI Xiyoone simmiyo wode, a simettaa eti bantta aifiyan be7ana.

Isiyaasa 52:8 Iomraidhean Croise

Mazamure Maxaafaa 102:22

Deretettainne kawotettai issippe shiiqidi, GODAAYYO he wode goinnana.

Siiquwaa Sabaa 3:3

Katamaa yuuyi naagiyaageeti tana demmidosona; taanikka, 'Ta siiquwaa be7idetii?' yaagada eta oichchaas.

Siiquwaa Sabaa 5:7

“Yuuyidi katamaa naagiyaageeti tana demmidi, wadhdhidosonanne masunxxissidosona; katamaa dirssaa naagiyaageeti ta qumaashaa qaari ekkidosona.

Isiyaasa 24:14

Eti bantta qaalaa xoqqu oottidi, ufaissan yexxoosona; arggo baggaara de7iya ubbai GODAA gitatettaa yootana.

Isiyaasa 26:1

He gallassi Yihudaa biittan ha yettai yexettana. Nuuyyo mino katamai de7ees; Xoossai atotettaa a yuushuwan gimbbedaaninne qatodan essees.

Isiyaasa 27:2

He gallassi hagaadan geetettana; “Hagee dosettida woiniyaa turaa soho; abaa yexxite!

Isiyaasa 30:26

He gallassi aginee poo7oi awaa poo7uwaadan hanana; awaa poo7oikka kaseegaappe laappun kushe darana; laappun gallassa poo7uwaa keenaa poo7ana. He gallassi GODAI meqqida ba asaa koolana; i dechchin masunxxida masunttaakka pattana.

Isiyaasa 35:10

GODAI wozidoogeeti simmana; simmidi yexxiiddi, Xiyoone yaana; merinaa ufaissai eta huuphiyan wodhdhana. Eti ufaissaanne hashshu giyoobaa demmana; azzanoinne oolee wora baqatana.

Isiyaasa 40:9

Nenoo mishiraachchuwaa yootiya Xiyoonee, xoqqa deriyaa pude kiya; nenoo mishiraachchuwaa yootiya Yerusalaamee, ne cenggurssaa wolqqappe xoqqu ootta; yayyoppa; xoqqu ootta; yaatada Yihudaa katamatussi, “Intte Xoossai hageeho” yaagada yoota.

Isiyaasa 48:20

Baabiloone biittaappe kiyite; Baabiloone asaappekka baqatite! Qaalaa xoqqu oottidi, ufaissan hagaa haasayite; sa7aappe sa7aa gaxaa gakkanaashin, hagaa kiittite. Kiittidi, “GODAI ba ashkkaraa Yaaqooba woziis” yaagidi odite.

Isiyaasa 56:10

Israa7eela asaa naagiyaageeti qooqe; etau ubbaukka eri baawa. Eti ubbaikka boccanau danddayenna duude kanatu mala. Eti zin77idi aimottoosona; eti xiskko dosoosona.

Isiyaasa 58:1

GODAI hagaadan yaagees; “Ne qaalaa xoqqu oottada waassa; guyye gooppa. Ne cenggurssaa malkkataagaadan xoqqissa. Ta asaassi eta makkalaa, Yaaqooba keettaa asaassikka eta nagaraa yoota.

Isiyaasa 62:6

Nenoo Yerusalaamee, ne dirssaa gimbbiyaa bollan wochchiyaageeta taani wottaas; eti gallassikka qammikka co77u gookkona. Inttenoo, Yerusalaamebaa GODAA hassayissiyaageetoo, i Yerusalaame keexxana gakkanaashiininne biittaa ubbaa bollan nashettida katama oottana gakkanaashin, intteyyookka shemppoppite; akka shemppissoppite.

Ermmaasa 31:12

Eti yiidi Xiyoone Deriyan ufaissau yexxana; eti GODAI immiyo kehatettan, kattan, woine eessan, zaitiyan, dorssaa maratuuninne miizzaa maratun ufaittana. Eti haattaa loitti ushshido ataakiltte soho mala gidana; eti naa77antto shullokkona.

Ermmaasa 32:39

Eti taayyo merinau yayyana mala, taani etayyo issi wozanaanne issi ogiyaa immana; hegee etayyoonne etappe guyyiyan, eta naatuyyo lo77o gidana.

Ermmaasa 33:7

Taani Yihudaa asaanne Israa7eela asaa omooduwaappe zaarada ishalissana; eti kase de7idoogaadan oottada taani eta gimbbana.

Ermmaasa 6:17

Taani naagiyaageeta intte bolli sunttada, 'Malkkatai punettiyo wode siyite!' yaagada odaas. SHin intte, 'Nuuni siyokko' yaagideta.

Hizqqeela 3:17

“Laa asa na7au, taani nena Israa7eela asaassi wochchiya asa oottaas. Ta doonaappe kiyiya qaalaa siyido paido ubban, etikka naagettanaadan seera.

Hizqqeela 33:7

“Laa asa na7au, taani nena Israa7eela asaayyo wochchiyaagaa oottaas; taani neeyyo yootiyoogaa siya; siyada asaakka erissa.

Sofonaasa 3:9

“He wode taani asa ubbaa haasayaa geeshsha haasayau laammana; yaatin, eti ubbaikka GODAA sunttaa xeegananne issippe ayyo oottana.

Zakkaariyaasa 12:8

He gallassi eta giddon daro laafa giyo asikka Daawita mala mino gidanaadan, taani GODAI Yerusalaamen de7iyaageetussi gonddalle gidana. Daawita zaretikka Xoossaa mala, eta kaalettiya GODAA kiitanchchaa mala gidana.

Yesuusi Kiittidoogeetu Oosuwaa 2:1

PHenxxaqosxxe giyo gallassai gakkido wode, ammaniyaageeti ubbati issippe gididi, issisaa shiiqidaashin,

Yesuusi Kiittidoogeetu Oosuwaa 4:32

Ammaniyaageeti ubbati qofaaninne wozanan issuwaa gididosona. Eta mehee ubbai issippe de7iyoorippe attin, baassi de7idabaa ooninne babaa gibeenna.

Koiro Qoronttoosa 1:10

SHin ta ishatoo, issi wozanaaninne issi qofan issippe gidanaappe attin, shaahotettai intte giddon de7enna mala, intte ubbai issi haasayaa haasayanaadan, nu Godaa Yesuus Kiristtoosa sunttan taani inttena woossais.

Koiro Qoronttoosa 13:12

Nuuni ha77i be7iyoogee heregan be7iyo lem77i lem77iya mera mala; shin he wode nuuni nu aifiyan qoncciyan be7ana. Ha77i taani eratettaappe baggaa erais; shin Xoossai tana wurssidi eriyoogaadan, he wode taanikka wurssa erana.

Ibraawe 13:17

Inttena kaalettiyaageetuyyo azazettite; qassi eti azaziyoogaakka oottite. Eti bantta oottidobaa Xoossau yootana gishshau, intte shemppuwaa mintti naagoosona; intte etau azazettikko, bantta oosuwaa ufaittidi oottana; hegee xayikko, eti yiillotiiddi oottana; hegee inttena ainne maaddenna.

Ajjuutaa 18:20

He katamiyaa xayido gishshau, saluwau, ufaitta! Geeshshatoo, Yesuusi kiittidoogeetoo, hananabaa yootiyaageetoo, ufaittite! Aissi giikko, a inttena oottidobaa gishshau Xoossai o pirddiis.

Ajjuutaa 19:4

Laatamanne oiddu cimatinne paxa de7iya oiddu meretati kawotaa araatan uttida Xoossaayyo gufannidi, “Amin77i. Xoossaa galatai gakko” yaagidi goinnidosona.